ភ្នំពេញ៖ គ្រាន់តែបទចម្រៀងមានចំណងជើងថា “ទឹកភ្នែកសម្ងាត់ឪពុកខ្ញុំ” ដែលបកស្រាយ​ដោយ​​លោក យ៉ែម សំអូន បានបញ្ចេញនូវឈុត​ឆាក​មួយចំនួននោះ មានភាពកម្សត់ខ្លាំង ពេល​មើលហើយសឹងទប់ទឹកភ្នែកមិនបានទៅហើយ ចុះទម្រមសាច់វីដេអូពេញវិញ មិនដឹងថាកម្សត់​យ៉ាងណានោះទេ ប្រហែលមានអ្នកគាំទ្រមួយចំនួនបានមើលហើយអាច និងស្រក់ទឹកភ្នែក តាមតួសម្តែង ក៏មិនដឹង។

នៅក្នុងបទចម្រៀងមួយបទនេះដែលជាស្នាដៃរបស់លោក យ៉ែម សំអូន មួយបទនេះ ក្រៅពីមានអត្ថន័យកំសត់ រំលេចនូវការអប់រំហើយនោះ ថែម​ទាំង​បានរួមសម្តែងដោយ តារាល្បីៗទាំងចាស់ និងក្មេង ជាច្រើនរូបដូចជា កញ្ញា អ៊ឹង និមល នៅ សូនីតា លោក បឺរី និងតួសម្តែង​ក្មេងៗ ដែលកំពុងល្បី រួមមានប្អូនប្រុស ម៉ក់ ឈុនលី ប្អូនស្រី ជី ឈីងលីន ប្អូនប្រុស សីហា ប្អូនស្រី ឈូឈូ និងជាពិសេស តួសំខាន់​ដែល​ជាឪពុក នៅក្នុង​បទ​នេះគឺ​លោក យ៉ែម សំអូន ផ្ទាល់តែម្តង។ សម្រាប់ការសម្តែង នៅក្នុង MV បទ ទឹកភ្នែកសម្ងាត់​ឪពុកខ្ញុំ នឹង​​មានចេញ​សាច់​រឿងពេញ នៅ​ក្នុងពេលឆាប់ៗខាងមុខនេះហើយ សូមប្រិយមិត្តកុំភ្លេចរង់ចាំតាមដាន​ជាបន្ត។