ភ្នំពេញ៖ បុរសម្នាក់ដែលខ្លួន​ប្រាណ​ហ៊ំព័ទ្ធដោយស្នាមសាក់ ស្ម័គ្រ​ថតវីដេអូ​បង្ហាញទៅកាន់មហាជនរឿងខ្ទឹម​បារាំងប្លាស្ទិច ប្រាប់ឲ្យបងប្អូនទាំងអស់មានការប្រុងប្រយ័ត្នឲ្យបានខ្ពស់​ព្រោះ​ថាវាអាចបង្កឲ្យប៉ះពាល់ដល់សុខ​ភាពអ្នកបរិភោគ តែការបង្ហាញនោះមិនដឹងថា ជាចេតនាបំភាន់ភ្នែកមហាជន ឬ លោកមិនដឹងច្បាស់ពីលក្ខណៈ​សម្បត្តិ​ខ្ទឹមបារាំងនោះទេបានជានិយាយបែបនេះ ព្រោះថាខ្ទឹមបារាំងនោះមិនមែនក្លែងក្លាយ ឬ ក៏ជាប្លាស្ទិច​ដូចការលើកឡើងឡើយ។

ក្រោយការបង្ហោះមិនទាន់ផុតពីដៃផង បុរសវ័យ ៣០ឆ្នាំស្តើង រងការពាក្យនិន្ទាជាច្រើនថា «បើមិនដឹងកុំនិយាយនាំឲ្យមានការជ្រួលច្របល់ក្នុងសង្គម» តែមានអ្នកខ្លះថា «សង្ស័យតែគាត់មិនដឹងហើយបានជាគាត់បកស្រាយ​ទាំងទទឹងទិសបែបនេះ»។ ជុំវិញ​រឿងនេះលោក ងួន សារី ថា «ម៉ែអោយទៅរៀនកុំអោយកូនល្ងង់ តែកូនទៅរៀនយកភាពល្ងង់ភ្លឺមកជូនម៉ែវិញ»។ ប្រភពដដែលបង្ហាញរឿងខ្ទឹមបារាំងថា «ខ្ទឹម​បារាំង គឺ​មាន​ទំហំ​, ពណ៌ និង រសជាតិ​ខុសៗ​គ្នា គឺ​អាស្រ័យ​ទៅលើ​ប្រភេទ​ផ្សេងៗ​គ្នា​របស់​វា​។ ជា ទូទៅ​វា​មាន​ពីរ​ប្រភេទ​ធំៗ ដែល​វា​មាន​រាង​មូល និង ត្រូវ​បាន​ចាត់​ទុក​ក្នុង​ចំណាត់ថ្នាក់​ជា ខ្ទឹម​បារាំង ក្នុង​រដូវ​ផ្កា​រីក ឬ រដូវក្តៅ និង ខ្ទឹម​បារាំង​ក្នុង​រដូវរងារ​។ បន្ថែមពី​លើ​ប្រភេទ​ខ្ទឹមបារាំង​ធំៗ​ទាំងនេះ វា​ក៏​មាន​ផងដែរ​នូវ ប្រភេទ​ខ្ទឹមបារាំង​តូចៗ​ជាច្រើន​ផ្សេង​ទៀត»។

សូមទស្សនាវីដេអូ!!