ភ្នំពេញ ៖ លើកនេះអាចចាត់ទុកថាជារឿងស៊យទី២ក៏បានដ្បិតកាលពីពេលកន្លងទៅថ្មីៗតា​រា​ស្រីនិយមតែង​ខ្លួន​សិច​ស៊ី រតនៈ ពិសី ទើបត្រូវបានក្រសួងវប្បធម៌បានចេញលិខិត​ព្រមាន​ជាផ្លូវការ​ជុំវិញការស្លៀកពាក់សិចស៊ី​របស់​នាង ប៉ុន្តែលើកនេះ​នាងបែរ​ជាបាន​ជួបខ្យល់​ព្យុះជាថ្មី ក្រោយរូបភាពរបស់នាងត្រូវបានជនអនាមិកយកទៅ​ប្រើប្រាស់ក្នុងគ្រុបបម្រើឲ្យ​អាជីវក​ម្ម​ផ្លូវ​ភេទមួយទៅវិញ។

រំលេចនូវរូបភាពមានបិទស្ទីកឃ័រប៉ុន្តែនៅមើលស្គាល់ថាជា​ រតនៈ ពិសី ក្នុងគ្រុបឈ្មោះ​អសុរស​មួយដែល​មើល​ទៅជាគ្រុបជជែករឿងភេទនោះ​​តារាចម្រៀង​ស្រីរាង​តូចច្រឡឹង រតនៈ ពិសី បានបញ្ជាក់ដោយសារខ្លី​ក្នុងបំណង​ចង់មានវិធានការក្តៅលើជននោះថា «សូមបញ្ឈប់ភ្លាម កុំផ្ដេសផ្ដាស ប្រយ័ត្នខ្ញុំប្ដឹង»។ ភ្លាម​នោះម្ចាស់​គណនី​ឈ្មោះ Yun Rottanak ​ក៏បានចូលខមិន​ដោយសារជំរុញ និងលើក​ទឹកចិត្តដើម្បីបំបាក់ជនអនាមិកគ្មាន​ក្រែង​សាម៉ីខ្លួន​ថា «ដាក់​ពាក្យបណ្ដឹងអោយហើយទៅបង» ។​ មិនចាញ់គ្នា​គណនីឈ្មោះ Jèe NÈang Hmm បាន​លើកឡើងទាំងកំហឹងជួស​ រតនៈ ពិសី ផងថា «​កាន់​តែផ្ដាស​ហើយពួកនេះបាយផ្ទះវាស៊ីមិន​ឆ្ងាញ់ទេ​មើលទៅ»​។