បន្ទាយមានជ័យ៖ ជាងជួសជួលម៉ូតូវ័យ ២៩ឆ្នាំរងកណ្តាប់ដៃ និងវ៉ៃ​ខ្នោះពីសំណាក់សមត្ថកិច្ចស្រុកស្វាយចេកទាំងគ្មានមូលហេតុ ដោយជនរងគ្រោះថា «មកពីអធិការស្រុកជឿលើមេភូមិ​ញុះញង់ និងរាយការណ៍​ថាខ្ញុំ​វាយ​ជន​ជាតិ​ថៃ និងឡាន​របស់គេ តែតាមពិត​ខ្ញុំមិនបានវាយ​ជនជាតិថៃទេ គឺជនជាតិថៃ​ស្រវឹង​ដើរដួលខ្លួន​ឯង ហើយមួយទៀតដំបូលឡានកំប៉ឹតផ្នែក​ខាងលើមិនមែនខ្ញុំវ៉ៃទេ គឺម្ចាស់ផ្ទះដែលជនជាតិថៃថយទៅប៉ះ​ ជាអ្នកវ៉ៃព្រោះជន​ជាតិ​ថៃ​បើកឡាន​បុកផ្ទះគេហើយនៅឡើយធ្វើឡូយទៀត»។

លោក ពៅ រី ថា «ប៉ូលិសស្រុកស្វាយចេក៧នាក់ វាយជនរងគ្រោះរហូតដល់សន្លប់អត់ដឹងមូលហេតុ គឺផ្តើមចេញពីលោកមេភូមីចំការគ អត់ចេះអក្សរដែល សល់ពីសមយ័ប៉ុលពត គឺចេះតែរាយការណ៏តែប៉ុណ្ណោះហើយធ្វើអោយពលរដ្ឋរងទឹកភ្នកជាប្រចាំដោយសារតែមេភូមិខាងលើនោះ»។ ដើមចម​ដែលនាំឲ្យលោកមេភូមិចំការគ ខឹងកើតជាគំនំគុំគួននោះ ត្រូវប្រពន្ធជនរងគ្រោះ​ទម្លាយថា «មេភូមិ​លួចលក់ដីភូមិឲ្យ​ឈ្មោះ ពេជ្រ ហើយ​អ្នកកាសែតមកសួរនាំប្តីខ្ញុំ ប្តីខ្ញុំក៏ប្រាប់ និងណែនាំឲ្យស្គាល់ដី​! អ៊ីចឹងហើយបានលោកមេភូមិគាត់ចេះតែខឹង និងទម្លាក់កំហុសឲ្យប្តីខ្ញុំ»។ យ៉ាងណារឿងនោះ ត្រូវបានលោកអធិការ​ដោះស្រាយ និងសម្រប​សម្រួល​បញ្ចប់រឿងដោយឲ្យលោក ទឿង សុផល មានសេរីភាពជាធម្មតា តែអ្វីដែលលោក សុផល ចង់សំណូមពរគឺ «បើអាច​ដកមេភូមិចំការគ​ចេញ ព្រោះលោកបានតែខាងរាយការណ៍​ ជិះជាន់ពលរដ្ឋ​ប៉ុណ្ណោះ ចំណែកអក្សរក៏គាត់មិនចេះដែរ»។

សូមទស្សនាវីដេអូ!!