ភ្នំពេញ៖ តារាបាល់ទាត់ដ៏ឆ្នើមមួយរូបរបស់ប្រទេសកម្ពុជាម្ចាស់អាវលេខ១១កីឡាករ ចាន់ វឌ្ឍនាកា បន្ទាប់ពីមានរឿងក្ដៅស្លឹកត្រចៀកដោយមហាជនបានថាខ្លួនមានជម្ងឺតួឯកក្រោយកាប្រកួតកម្ពុជាទល់និងទីម័រខាងកើតកន្លងមកនោះ  ពេលនេះទំនងជាញញឹមស្រស់បស់វិញហើយ ខណៈនៅលើគេហទំព័រផ្លូវការរបស់​ AFF​ Suzuki​ Cup​ បាន​ផ្សាយ​ពីឈ្មោះ កីឡាករ​ក្នុង​តំបន់​អាស៊ាន ដែលលេចធ្លោអាចបង្កព្យុះភ្លៀងនាការប្រគួតពានរង្វាន់ AFF​ Suzuki​ Cup​ ខាងមុខនេះហើយក្នុងនោះក៏មានឈ្មោះរបស់កីឡាកររូបនេះម្នាក់ដែរ។
គួរបញ្ជាក់ផងដែរថាពាន​រង្វាន់ AFF Suzuki Cup 2018 ​និងឈាន​ចូល​មក​ដល់​នៅ​ថ្ងៃ​ទី ​០៨ ខែ​វិច្ឆិកា ខាងមុខ​នេះហើយ​ ​ក្នុងនោះ​កម្ពុជា​ក៏​មាន​វត្តមាន​ប្រកួត​ប្រជែង​ក្នុង​ពាន​រង្វាន់​មួយ​នេះ​ដែរ។
ជាមួយគ្នានោះមហាជននៅលើបណ្ដាញសង្គមក៏កំពុងតែទន្ទឹងរងចាំមើលទម្រង់លេងរបស់កីឡាកររូបនេះ ក៏ដូចជារងចាំមើលទម្រង់លេងថ្មីរបស់ក្រុមជម្រើសជាតិកម្ពុជាទាំងមូល ដែលដឹកនាំដោយគ្រូចំណូលថ្មីលោក Honda ។