កំពង់ឆ្នាំង៖ ករណីរំលោភ និងសម្លាប់យ៉ាងព្រៃផ្សៃ ក្មេង​ស្រី ២នាក់បងប្អូននៅស្រុកបរិបូរណ៍ បង្កឲ្យភ្ញាក់ផ្អើល​ពេញផ្ទៃប្រទេស ថ្ងៃទី១៧ តុលា ឆ្នាំ២០១៨ ដោយមហាជន​ទទូច​បន្ថែមទៅសមត្ថកិច្ចថា ត្រូវវែកមុខ​ជនសង្ស័យម​ក​ផ្តន្ទាទោសឲ្យខាងតែបាន ដែលក្នុងនោះផលិតកររឿងអប់រំដ៏ល្បី តាន់ គីមសួរ បានបង្ហាញ​ការខឹងសម្បានឹងជនល្មើស​យ៉ាងខ្លាំងនិងប្រាថ្នា​ឲ្យមានទោសប្រហារជីវិតលើជនល្មើស​ទៀតផង។

ការលើកឡើងរបស់លោក តាន់ គីមសួរ ថា «បើមានទោសប្រហារជីវិតប្រាកដជាល្អ» ក្រោយទទួលបានតម្រុយសមត្ថកិច្ច​ឃាត់បុរសជាឪពុក​មារ និងស្ត្រីជាម្តាយមីងយកទៅសួរនាំ ព្រោះថា​ក្មេងស្រី​ទាំង ២ ស្ថិតនៅក្រោមការគ្រប់គ្រងរបស់ឪពុកមារម្តាយមីង តាំងពីថ្ងៃឪពុកក្មេងរងគ្រោះចេញទៅធ្វើការនៅប្រទេសថៃ និងម្តាយក្មេងរងគ្រោះ​ចេញទៅធ្វើការរាជធានីភ្នំពេញ។