រឿង វ៉ាន់ នីឡា ត្រូវអតីតសង្សារទម្លាយរូបអាក្រាត នឹងប្រកាសសាលដីកា​សាលាឧទ្ធរណ៍ ស្អែកនេះ

0
377

ភ្នំពេញ៖ ការទន្ទឹង​រង់ចាំយុត្តិធម៌ពីតារាស្រី សុខ ចិន្តា ហៅ វ៉ាន់​ នីឡា ​នឹងត្រូវសាលាឧទ្ធរណ៍ប្រកាសសាលដីកា នៅថ្ងៃទី៣១ ខែតុលា ឆ្នាំ២០១៨  ពាក់ព័ន្ធករណីអតីតសង្សារជាមន្ដ្រីនគរបាលក្រសួងមហាផ្ទៃ ចែកចាយរូបភាពអាសអាភាសផ្អើលពេញបណ្តាញសង្គមហ្វេសប៊ុក ខណៈសាលាដំបូងធ្លាប់សម្រេចឲ្យនាងឈ្នះ​ក្តីម្តងហើយ តែមិនឃើញនគរបាល​ចុះអនុវត្តច្បាប់​ឃាត់ខ្លួនជនសង្ស័យ និងពិន័យជាប្រាក់នោះទេ ដែលប្រភពគ្រួសារ​ជនរងគ្រោះធ្លាប់លើកឡើងថា «យុត្តិធម៌មានតែនៅក្នុងក្រដាស»។

ការដាក់ពាក្យ​បណ្តឹង​បន្ត​ដល់សាលាឧទ្ធរណ៍ ពាក់ព័ន្ធរឿងអាស្រូវកេរ្តិ៍ខ្មាសឆ្នាំ២០១៥ តារាចម្រៀងប្អូនស្រីលោក សុខ ជំនោរ, វ៉ាន់ នីឡា បង្ហាញថា «ស្អែកនេះសាលាឧទ្ធរណ៍ នឹងប្រកាសសាលដីកា លើសំណុំរឿងរបស់នាងខ្ញុំ ហើយនាងខ្ញុំក៏សូមអំពាវនាវ ដល់សាលាឧទ្ធរណ៍ ជួយបន្ដផ្ដល់យុត្តិធម៌ដល់នាងខ្ញុំ ដូចសាលាដំបូងរាជធានីភ្នំពេញដែរ»។

Comments