ភ្នំពេញ៖ បន្ទាប់ពីមានការរិះគន់យ៉ាងខ្លាំង​ទៅ​នឹង​បទ “I’m Sorry Babe” ​ដែលច្រៀងដោយ កញ្ញា លី អីវ៉ាធីណា​ច្រៀង ពី​តារាចម្រៀង​វៀតណាមថា ខ្មែរបាន​លូចចម្លងមក​ច្រៀង។ លោក វ៉ា សុភាវឍ្ឃនា ហៅ Darex Wa ដែល​អះអាងថា បទចម្រៀងមួយនេះ លោកជាអ្នកនិពន្ធ និងកែសម្រួល​បានធ្វើការ​បកស្រាយ ខណៈ​លោក ករុណា ពេជ្រ អ្នកគ្រប់​គ្រងផលិ​ត​ក​ម្ម​មុ​ន​នេះហាក់ឆ្លើយយករួចខ្លួន។

លោក វ៉ា សុភាវឍ្ឃនា បាន​សារភាពក្នុង​បណ្តាញសង្គមថា «ខ្ញុំ​បាទ​សុំ​ធ្វើ​ការ​អភ័យ​ទោស​ ដោយ​មិន​បាន​សុំ​ការអនុញ្ញាត​ជា មុន​ក្នុង​ការ​យក​មក​ផលិត​​បន្ត ​ដោយ​ហេតុ​យល់​មិន​ដល់​សេចក្ដីលើ​រឿង​អភ័យ​ឯកសិទ្ធិ និង​ជា​លំហូរ​យូរយារ​មក​ហើយទើប​មាន​ការ​ធ្វេស​ប្រហែស​​ នេះ​កើតឡើង​ ជា​ពិសេស​គឺ​សុំ​អភ័យ​ទោស​ អ្នក​និពន្ធ​ដើម​លោក​ Bao Thach ផង​ដែរ​»។

យ៉ាងណាលោក វ៉ា សុភាវឍ្ឃនា ដែលថា​​អរ​គុណ​នៅ​រា​ល់​ការរិះគន់ ហើយការលើកទឹកចិត្ត លើកសសើរលើការងារ របស់លោកកន្លងមក។ អ្នក​និពន្ធរូបនេះបន្តថា ​ដើម្បី​ជា​កា​រ​ឆ្លើ​យ​ត​បនឹង​ការរិះ នាពេលឆាប់ៗខាងមុខនេះ ខ្ញុំ​​នឹង​បង្ហាញ​សមិទ្ធផល​ថ្មី​ជា​អាល់ប៊ុមមួយ​សម្រាប់​តារា​ចម្រៀង​ម្នាក់​ក្នុង​ផលិតកម្ម Town ផ្ទាល់ តែម្ដង។ “វ៉ុល​ហ្នឹង​សម្រាប់​តារា​ចម្រៀង​ម្នាក់​សុំ​លាក់​ឈ្មោះ​សិន ដែល​ចេញ​ជា​​ Original សុទ្ធ​តែ​ម្ដង​ ឥឡូវ​កំពុង​ដុត​ដៃ​ដុត​ជើង​ធ្វើវា។