សីហៈ
ភ្នំពេញ ៖ យីអ៊ុនអតីតបេក្ខជន The Voice Cambodia តន់ ច័ន្ទសីម៉ា ដែលបានចូលខ្លួនជាសមាជិកនៃផលិតកម្ម Galaxy Navatra ហាក់បានផ្ទុះឡើងយ៉ាងខ្លាំងក្លាប្រៀបបានទឹកបាក់ទំនប់ទប់លែងជាប់ដោយបទចម្រៀងរបស់នាងសុទ្ធតែត្រូវចិត្តយុវវ័យគ្រប់បទតែម្ដង ថែមបំបែកទីផ្សារគួរឲ្យភ្ញាក់ផ្អើល។
យ៉ាងណាមិញនៅមុននេះតារាចម្រៀងមកពីទឹកដីវ័យចំណាស់ខេត្តតាកែវ ក៏បានបង្ហាញសំនៀងកាន់តែប្លែកក្នុងចម្រៀងថ្មីមួយបទទៀតហើយ គឺជាចង្វាក់តាលុង ដើម្បីត្រៀមអបអរឆ្នាំថ្មីដែលនឹងឈានចូលមកដល់នាពេលខាងមុខនេះ ក្រោមចំណងជើងថា «ក្រមុំឦសានក៏លាបឡេ»ដែលអត្ថន័យដោយសំដៅលើក្រមុំៗ សម័យឥឡូវស្អាតៗ និងលាបឡេគ្រប់គ្នាផងដែរសូម្បីតែក្រមុំខាងភាគឦសាន។ ប៉ុន្តែអ្វីដែលគួរឲ្យកត់សម្គាល់នោះគឺស្ថិតត្រង់ទឹកដមសម្លេង តន់ ច័ន្ទសីម៉ា កាន់តែពីរោះប្លែក ព្រមទាំងច្រៀងបានគ្រប់ចង្វាក់ទាំងបែបមនោសញ្ចេតនា, ញាក់កន្រ្តាក់អារម្មណ៍ និងបែបបុរាណ។
https://youtu.be/5eOO_HE7ah4
ភ្នំពេញ ៖ តារាចម្រៀងប្រុសកេរ្ដិ៍ឈ្មោះល្បី វណ្ណា ស័ក្ដិ ដែលត្រូវគេស្គាល់ថាជាកូនប្រុសបង្កើតតារាកំប្លែងជើងចាស់លោកយាយ ណយ សំណាង នោះ បានធ្វើឲ្យអ្នកគាំទ្រហាក់បង្ហាញពីក្ដីទន្ទឹងរង់ចាំអស់មួយរយៈពេលធំ ខណៈវត្តមានបទថ្មីៗរបស់លោកក្នុងទ្រនំធំ M បានស្ងប់ស្ងាត់មិនគួរឲ្យជឿ ស្របពេលព័ត៌មានជាច្រើនបង្ហាញពីមន្ទិលថារូបលោកទំនងជាចាកចេញពីផលិតកម្មមួយនេះទើបគ្មានបទថ្មី បើទោះបទចាស់ៗរបស់លោកជាច្រើននៅតែស្ថិតក្នុងបេះដូងអ្នកគាំទ្រក្ដីមានដូចជាបទ លាក់ប្រវត្តិក្បត់ក្បែរបេះដូងស្មោះ, ពេលស្រវឹងទើបដឹងថានឹកអូនជាងគេ, ស្រឡាញ់អូនប៉ុណ្ណាទើបបងមិនឈឺចាប់ ជាដើម។
ប៉ុន្តែចូលមកដល់ឆ្នាំ២០២០នេះ វណ្ណា ស័ក្ដិ មិនបានធ្វើឲ្យអ្នកគាំទ្រខកចិត្តទៅទៀតឡើយ ដោយលោកត្រូវបានផលិតកម្មបញ្ចេញបទចម្រៀងថ្មីសន្លាង២បទក្នុងនោះមានបទ «មនុស្សគេមិនត្រូវការ» និងបទ «សុំទោសហើយស្រឡាញ់គ្នាវិញបានទេ»។ ជាការកត់សម្គាល់ក្នុងបទថ្មីទាំងពីរដែលជាកាដូសម្រាប់អ្នកគាំទ្របង្ហាញថាទឹកដម និងការលើកដាក់សម្លេងរបស់ វណ្ណា ស័ក្ដិ នៅតែពីរោះមិនធម្មតា ខណៈមានការចែករំលែកលើទំព័រផ្លូវការរបស់ផលិតកម្ម M ជាហូរហែ។ ជាមួយគ្នានេះក្នុងជំនួបជាមួយ តារាញូស៍ កូនប្រុសទី២របស់លោកយាយ ណយ សំណាង ក៏បានបង្ហាញជំនឿចិត្តរំពឹងថាបទទាំងពីរនេះនឹងកាន់តែធ្វើឲ្យលោកទទួលភាពល្បីល្បាញ បើទោះបីកន្លងមកលោកពុំសូវមានបទថ្មីក្ដី ប៉ុន្តែសម្រាប់បងប្អូនទាំងអស់នៅតែស្រឡាញ់ចូលចិត្តចំពោះបទចាស់ៗដែលធ្លាប់បានចេញនាពេលកន្លងមក ទន្ទឹមនោះនេះក៏ជាសារបញ្ចប់ចចាមអារ៉ាមលោក និងផលិតកម្មចប់គ្នានោះដែរពោលគឺលោកនៅតែជាតារាក្នុងទ្រនំនេះដដែល។
ភ្នំពេញ ៖ ប៉ុន្មានថ្ងៃចុងក្រោយនេះបន្ទាប់មានពីករណីសិស្សសាលាប្រើប្រាស់អំពើហិង្សាដាក់គ្នាជាបន្ដបន្ទាប់ រហូតបណ្ដាលឲ្យសិស្សម្នាក់ស្លាប់ រហូតមកដល់ថ្ងៃទី២០ ខែមករា ឆ្នាំ២០២០នេះ ក្រសួងអប់រំ យុវជន និងកីឡា បានចេញសេចក្ដីណែនាំ៧ចំណុច ដើម្បីពង្រឹងការអនុវត្តបទបញ្ជាផ្ទៃក្នុង នៅតាមគ្រឹះស្ថានសិក្សាសាធារណៈ និងឯកជន ក្រោយក្រសួងពិនិត្យឃើញថា គ្រឹះស្ថានសិក្សាមួយចំនួនតូចមិនទាន់អនុវត្តឲ្យបានពេញលេញ ដែលបង្កឲ្យមានអំពើហិង្សា និងបាតុភាពអសកម្មនានាកើតឡើង ដោយអ្នកសិក្សានៅក្នុងបរិវេណគ្រឹះស្ថាននោះ ។
ទន្ទឹមនឹងនេះដែរ ក្រសួងអប់រំក៏បានពិនិត្យឃើញថា គ្រឹះស្ថានសិក្សាភាគច្រើនបានអនុវត្តប្រកាសស្តីពីបទបញ្ជាផ្ទៃក្នុង សេចក្តីណែនាំ និងលិខិតបទដ្ឋាននានារបស់ក្រសួងពាក់ព័ន្ធនឹងការពង្រឹងវិន័យបានល្អប្រសើរ ។ ជាមួយគ្នាដែរ ក៏នៅមានមួយចំនួនតូចមិនបានផ្សព្វផ្សាយ និងអនុវត្តបទបញ្ជាផ្ទៃឲ្យបានទូលំទូលាយ និងមានការទទួលខុសត្រូវនៅឡើយ ។ សូមអានសេចក្ដីណែនាំខាងក្រោមនេះទាំងអស់គ្នា៖
ភ្នំពេញ ៖ នៅថ្ងៃទី២០ ខែមករា ឆ្នាំ២០២០នេះ រដ្ឋបាលរាជធានីភ្នំពេញ បានចេញសេចក្ដីជូនដំណឹង ស្ដីពីការរៀបចំសន្ដិសុខ សណ្ដាប់ធ្នាប់ និងរបៀបរៀបរយសាធារណៈ ក្នុងឱកាសបុណ្យចូលឆ្នាំថ្មី ប្រពៃណីចិន និងវៀតណាម ដែលនឹងប្រព្រឹត្តទៅចាប់ពីថ្ងៃទី២៤ ដល់ថ្ងៃទី២៧ ខែមករា ឆ្នាំ២០២០។
ក្នុងសេចក្ដីជូនដំណឹងនេះ អភិបាលរាជធានីភ្នំពេញ បានដាក់ចេញនូវបំរាមចំនួន៣ចំណុច ដែលមិនឲ្យប្រជាពលរដ្ឋប្រព្រឹត្តនោះឡើយ ក្នុងន័យរក្សាសន្ដិសុខ សណ្ដាប់ធ្នាប់ សាធារណៈ រួមមាន ១. មិនឲ្យមានការដុតផាវ កាំជ្រូច ឬបង្កសំឡេងផ្ទុះគ្រប់ប្រភេទក្នុងឱកាសពិធីបុណ្យនេះ ២. មិនឲ្យលេងល្បែងគ្រប់ប្រភេទ ដែលមានលក្ខណៈស៊ីសង និងទី៣. រាល់ការហែក្បួនផ្សេងៗ ទាំងបែបសាសនា ឬប្រពៃណីដែលគ្មានការអនុញ្ញាតត្រូវហាមឃាត់។ សូមអានសេចក្ដីជូនដំណឹងខាងក្រោមនេះ៖
ឧត្តរមានជ័យ ៖ នៅព្រឹកថ្ងៃទី១៨ ខែមករា ឆ្នាំ២០២០នេះ គ្រាប់យុទ្ធភ័ណ្ឌមិនទាន់ផ្ទុះចំនួន ១៨គ្រាប់ ត្រូវប្រជាពលរដ្ឋបានប្រទះឃើញ ស្របពេលកំពុងភ្ជួរដីខាងត្បូងភូមិពោធិ៍ចាស់ ឃុំបេង ស្រុកបន្ទាយអំពិល ខេត្តឧត្តរមានជ័យ។ បើតាមមន្ត្រីនគរបាលស្រុកបន្ទាយអំពិល បានឲ្យដឹងថា កសិករអាយុ៤៣ឆ្នាំ រស់នៅភូមិបេង ឃុំបេង ស្រុកបន្ទាយអំពិល បានរាយការណ៍មកសមត្ថកិច្ចថា នៅពេលដែលគាត់កំពុងភ្ជួរដីរបស់គាត់ ក៏បានប្រទះឃើះគ្រាប់យុទ្ធភ័ណ្ឌមិនទាន់ផ្ទុះជាច្រើនគ្រាប់។
ក្រោយទទួលបានដំណឹងនេះភ្លាម នាយប៉ុស្តិ៍នគរបាលរដ្ឋបាលបេង បានចុះទៅពិនិត្យឃើញគ្រាប់ទាំងអស់សរុបចំនួន ១៨គ្រាប់ ក្នុងនោះរួមមាន គ្រាប់B40 ចំនួន ២គ្រាប់ គ្រាប់មីនប្រភេទ ៧២Aចំនួន ១៥គ្រាប់ និងគ្រាប់មីនខ្លឹមម៉រចំនួន ១គ្រាប់ផងដែរ។ លោកថា គ្រាប់ទាំងអស់នោះ គឺបានបន្សល់ទុកតាំងពីសម័យសង្គ្រាមមកម្ល៉េះ ភ្លាមនោះសមត្ថកិច្ចបានទាក់ទងទៅអង្កការដោះមីនកម្ពុជា ដើម្បីមកទទួលយកធ្វើការកំទេចចោលរួចរាល់ផងដែរ។
ភ្នំពេញ ៖ ថ្មីៗនេះលើគណនីហ្វេសប៊ុកមួយឈ្មោះ LY Phirun បានបង្ហោះសារស្ដីពីការស្វែងរកនូវការសង្រ្គោះចំពោះសិស្សសាលាបឋមសិក្សា «កំភ្លឹង» ដែលមានការខ្វះខាតខ្លាំងក្នុងការសិក្សាក្នុងសំណេរឲ្យដឹងថា «ដោយមានការសំណូមពរពីលោកនាយកសាលា ក៏ដូចជាលោកគ្រូអ្នកគ្រូនៅសាលា ជប់កាំ ភ្លើ ង ស្ថិតនៅ ឃុំស្រែណូយ ស្រុកវ៉ារិន ខេត្តសៀមរាប អំពីកង្វះខាតក្នុងការសិក្សារក៏ដូចជាបង្រៀនផងនោះ ក្រុមយើងខ្ញុំដែលជាក្រុមស្ម័គ្រចិត្ត ក៏សូមអំពាវនាវក៏ដូចជាការស្នើសុំដល់សប្បុរសជន ទាំងក្នុង និងក្រៅប្រទេស មេត្តាផ្តល់ជូននូវជំនួយមនុស្សធម៌ដល់ប្អូនៗសិស្សានុសិស្សផង»។
បន្ថែមលើសេចក្ដីប្រកាសច្បាស់ឥតបន្លំនេះប្រភពខាងលើក៏បានភ្ជាប់នូវលិខិតមានទាំងហត្ថលេខាចេញដោយនាយកសាលា ព្រមដោយវិធីក្នុងការឧបត្ថម្ភក្នុងការរៀបរាប់ថា «សប្បុរសជនអាចចូលរួមជួយជាជំនួយមនុស្សធម៌បានដូចជាសម្ភារសិក្សា មធ្យោបាយធ្វើដំណើរ ឬក៏ជាថវិកាក៏បាន ក្រុមយើងខ្ញុំនឹងពាំនាំនូវជំនួយមនុស្សធម៌ទាំងអស់របស់សប្បុរសជនទៅចែកជូនដល់ដៃពួកគាត់ដោយពុំអោយបាត់១កាក់១សេនឡើយ។ ថ្ងៃបញ្ចប់ទទួលជំនួយ ថ្ងៃទី ៣០ ខែមករា ឆ្នាំ ២០២០ ថ្ងៃចេញដំណើរ ថ្ងៃទី ១ ខែ កុម្ភៈ ឆ្នាំ ២០២០ លេខទូរស័ព្ទទំនាក់ទំនងផ្តល់ជំនួយ 099 454 686/ 012 841 335/ 099...
ភ្នំពេញ ៖ នៅម៉ោងប្រមាណ ១១ព្រឹក ថ្ងៃទី១៨ ខែមករា ឆ្នាំ២០២០នេះ មានករណីភ្ញាក់ផ្អើលមួយបានកើតឡើង ខណៈចោរលួចរថយន្ដមួយគ្រឿង ម៉ាក Lexus NX200T ពណ៌ស ពាក់ផ្លាកលេខភ្នំពេញ 2AY-6695 ស្ថិតក្នុងភូមិព្រៃជីសាក់ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។ តាមសម្ដីសាច់ញាតិជនរងគ្រោះបានឲ្យប្រភពព័ត៌មានដឹងថា មុនកើតហេតុ មានបុរសម្នាក់បានបន្លំខ្លួនថា ជាជាងត GPS រថយន្ដ ហើយខាងក្រុមហ៊ុនឲ្យឆែកមើល ពេលនោះម្ចាស់រថយន្ដក៏អនុញ្ញាត ឲ្យចូលដើម្បីពិនិត្យ ឆ្លៀតពេលម្ចាស់កំពុងរវល់ ជនសង្ស័យឃើញឱកាសល្អ ក៏ឡើងបើករថយន្ដគេចខ្លួនបាត់តែម្ដង។
បច្ចុប្បន្នជនរងគ្រោះកំពុងដាក់ពាក្យបណ្ដឹងនៅអធិការដ្ឋាននគរបាលខណ្ឌពោធិ៍សែនជ័យ ដើម្បីសុំឲ្យសមត្ថកិច្ចជួយអន្ដរាគមន៍។ ជាមួយគ្នានេះអធិការនគរបាលខណ្ឌពោធិ៍សែនជ័យឲ្យព័ត៌មានដឹងថា នៅពេលនេះកម្លាំងនគរបាលរបស់លោកកំពុងតាមស្ទាក់ជនសង្ស័យ ដោយសហការជាមួយកម្លាំងសមត្ថកិច្ចផ្សេងទៀតហើយ។
ត្បូងឃ្មុំ ៖ មុននេះសារព័ត៌មានក្នុងស្រុកមួយបានបង្ហាញឲ្យដឹងពីសិស្សវិទ្យាល័យក្រូចឆ្មារ ក្នុងស្រុកក្រូចឆ្មារ ខេត្តត្បូងឃ្មុំ ចំនួន៣៩នាក់ ចាប់ពីម៉ោង០១រសៀល ថ្ងៃម្សិលមិញ រហូតមកដល់ព្រឹកនេះ បានសន្លប់ជាបន្តបន្ទាប់ដោយមិនទាន់ដឹងមូលហេតុច្បាស់លាស់ ខណៈកំពុងត្រូវបានបញ្ជូនទៅសង្គ្រោះនៅមន្ទីរពេទ្យ និងពុំមានអ្នកគ្រោះថ្នាក់ដល់អាយុជីវិតនោះឡើយ។
បើតាមការសន្និដ្ឋានរបស់ពេទ្យ ចំពោះមូលហេតុ គឺសិស្សខ្វះជាតិស្ករ និងមានសភាពខ្សោយ តាមរបៀបរៀនច្រើនពេលពេកសំរាកបានតិច ខណៈមកដល់ព្រឹកថ្ងៃទី១៨ ខែមករា ឆ្នាំ២០២០នេះ សិស្សច្រើនាក់ទៀត បានបន្តសន្លប់ជាបន្តបន្ទាប់ ក្នុងចំណោមសិស្សជាច្រើន ពេលកំពុងឈរគោរពទង់ជាតិ។ បច្ចុប្បន្នសិស្សទាំងនោះត្រូវបានបញ្ជូនទៅសង្គ្រោះនៅមន្ទីពេទ្យស្រុកក្រូចឆ្មារ ដោយលោកអភិបាលស្រុក ចុះទៅពិនិត្យផ្ទាល់ រួមជាមួយនឹងការមើលថែយកចិត្តទុកដាក់ ពីសំណាក់ក្រុមគ្រូពេទ្យ និងកំពុងតាមដានរកប្រភពនៃការសន្លប់របស់សិស្សនេះ ជាបន្តទៀតផងដែរ។
ភ្នំពេញ ៖ នៅសល់ត្រឹម២ថ្ងៃទៀតប៉ុណ្ណោះ កញ្ញាម៉ូលីកា នឹងជំនួសពាក្យដោយ ”អ្នកនាង” វិញ ខណៈដែលមង្គលការរបស់អតីតតារាចម្រៀងផលិតកម្មRockរូបនេះនឹងប្រព្រឹត្តទៅនៅថ្ងៃទី១៨ ខែមករា ឆ្នាំ២០២០ ខាងមុខនេះហើយនៅដឺព្រមៀ សេនធ័រ សែនសុខ អគារB។ បើទោះជាម៉ូលីកា មិនទាន់ហ៊ាននិយាយមុនថាកម្មវិធីអាពាហ៍ពិពាហ៍របស់នាងនឹងអស្ចារ្យយ៉ាងណានោះ ប៉ុន្ដែរមហាជនអាចវាយតម្លៃ ថាពិធីនោះអាចចាត់ទុកជាកម្មវិធីពិសេសសម្រាប់តារាសិល្បៈ នៅដើមឆ្នាំ២០២០ នេះដោយសារតែម៉ូលីកា ធ្លាប់បង្ហើបថានឹងត្រៀមចំណាយសម្រាប់កម្មវិធីទាំង មូលនូវទឹកប្រាក់ខ្ទង់១០ទៅ១៥ម៉ឺនដុល្លាឯណ្ណោះ។
តាមរយៈការអះអាងបែបនេះបញ្ជាក់ថាពិធីមង្គលការរបស់ស្រីស្អាតម៉ូលីកា និងប្រុសសង្ហារឆានុន ត្រូវបានគេសន្និដ្ឋានថាមានទ្រង់ទ្រាយធំស្រដៀង និងមង្គលការតារា៣ដួងកាលពីឆ្នាំ២០១៩គឺនាងឱក សុគន្ធកញ្ញា ,កែវ សីហា និសួស វីសា ។ទោះជាយ៉ាងណាម៉ូលីកា មិនដែលចង់ឲ្យគេប្រៀបធៀបមង្គលការរបស់នាងទៅតារាផ្សេងនោះទេដោយនាងធ្លាប់វាចារថានឹងធ្វើទៅតាមសម្ថភាពដែលខ្លួនមាន។
ម៉ូលីកា បានឲ្យដឹងថាពិធីមង្គលការរបស់នាងនឹងរៀបចំតាមក្បូនខ្នាតប្រពៃណីខ្មែរទាំងអស់ហើយក៏មានតារាសិល្បករមួយចំនួនដែលនាងបានអញ្ជើញឲ្យចូលរួមផងដែរ។ថៅកែដែលទស្សនិកជនថាស្រីស្អាតចិត្តល្អធ្លាប់បង្ហាញទឹកចិត្តសប្បុរសធម៌ជាច្រើនលើកមកហើយនោះថាទោះជានាងមានស្វាមីក៍ដោយតែនៅមិនចោលអាជីពសិល្បៈទេគឺត្រៀមនឹងចេញបទចម្រៀងដែលធ្វើដោយខ្លួនឯងនាពេលវេលាសមស្របណាមួយ។ដោយឡែកការត្រៀមដឹកដៃស្វាមីទៅក្រេបចន្ទទឹកឃ្មុំ(Honey Moon)នៅទីណានោះមិនទាន់ត្រូវបានម៉ូលីកា បង្ហើបមុនថ្ងៃរៀបការឡើយ...
ភ្នំពេញ ៖ ដំណឹងដ៏សែនភ្ញាក់ផ្អើល និងសែនរន្ធត់ស្លុតចិត្ត ចំពោះតារាសម្ដែង ឡោម លក្ខិណា ខណៈស្វាមីរបស់ខ្លួនគឺលោក ប៉ា ច័ន្ទពិសិដ្ឋ បានបាត់បង់ជីវិតនៅថ្ងៃទី១៦ មករា ២០២០ នេះ ក្នុងគ្រោះថ្នាក់ចរាចរណ៍ ដោយទៅចោលក្រុមគ្រួសារ និងកូនប្រុសបណ្ដូលចិត្តវ័យទើបជាង១០ខែ ទាំងមិនបានលានោះឡើយ។
ក្នុងសារបង្ហោះដើម្បីអំពាវសាច់ញាតិបងប្អូនចូលរួមពិធីបុណ្យសពស្វាមី ឡោម លក្ខិណា បានរំលេចដោយអារម្មណ៍ក្ដុកក្ដួលលើគណនីហ្វេសប៊ុកខ្លួនថា «យើងខ្ញុំជាក្រុមគ្រួសារនៃសព លោក PISETH PA ដែលបានទទួលមរណភាពនៅថ្ងៃព្រហស្បត្ដិ៍ ទី ១៦ ខែមករា ឆ្នាំ២០២០ ដោយគ្រោះថា្នក់ចារាចរណ៍។សូមជំរាបជូនដំណឹងដល់ញាតិមិត្តជិតឆ្ងាយនៃសព ដែលយើងខ្ញុំមិនបានទៅអញ្ជើញដោយផ្ទាល់អោយបានជ្រាបថា យើងខ្ញុំរៀបចំពិធីបុណ្យសព ឋិតនៅវត្តក្រាំងធ្នុង អាស្រ័យហេតុនេះ សូមគោរពអញ្ជើញញាតិមិត្តជិតឆ្ងាយមេត្តាចូលរួមដោយមេត្រីភាព។ ទីតាំងវត្តក្រាំងធ្នុង ជិតបុរីឈូកវ៉ា ៣ សូមអរគុណ សូមបងទៅកាន់ទីស្ងប់សុខរឿងកូនបងកុំបារម្ភអូននឹងមើលថែកូនអោយល្អ បងដាច់ចិត្តណាស់ហ៊ានទៅចោលអូនគ្មានផ្តាំផ្ញើអីអូនមួយម៉ាត់»។
