សីហៈ
ភ្នំពេញ ៖ ចំណងស្នេហ៍ខុសវ័យរវាងកំពូលពិធីករពីររូបគឺលោក ជា វិបុល និងអ្នកនាង គង់សុជាតិ ធ្វើឲ្យមានអ្នកលួចច្រណែនមិនតិចនោះឡើយ ខណៈពួកគេក៏ទទួលបានចំណងដៃកូនស្រីឈ្មោះពីរោះមួយរូប ជា សុជាតិនារី ស្របពេលដែលភាពស្និទ្ធស្នាលរបស់គ្រួសារអ្នកសិល្បៈមួយគូនេះកាន់តែផ្អែមល្ហែមខ្លាំងឡើងៗគួរគម្រូដល់ក្មេងៗជំនាន់ក្រោយ។
ទន្ទឹមនេះក្នុងឱកាសថ្ងៃខួបអាពាហ៍ពិពាហ៍អ្នកប្រើប្រាស់ហ្វេសប៊ុកក៏បានបង្ហាញនូវអារម្មណ៍ភ្ញាក់ផ្អើល និងសរសើរយ៉ាងខ្លាំងក្រោយទិដ្ឋភាពដ៏ស្រស់ស្អាត និងពេញដោយក្ដីស្រលាញ់បានបង្ហាញ ពិសេសលោក ជា វិបុល ដែលជាស្វាមីក៏បានបង្ហើរសារយ៉ាងចាក់ដោតចំបេះដូងភរិយាថា «អរគុណដែលបានចូលមកក្នុងជីវិតបង។ អរគុណដែលបានចូលមកផ្ដល់រឿងរ៉ាវល្អៗឲ្យគ្នា សូមផ្ដល់ការចងចាំល្អៗឲ្យគ្នាបែបនេះរហូតណា៎ សូមអោយពួកយើងស្រលាញ់គ្នាបែបនេះរហូតទៅ រីករាយខួបអាពាហ៍ពិពាហ៍ប្រពន្ធសម្លាញ់»។
ភ្នំពេញ ៖ ក្រោយក្លាយជាម្ចាស់ពាន X Factor Cambodia អ្នកចម្រៀងវ័យក្មេងសម្លេងចាស់ ចាន់ សុបញ្ញា បានទទួលនូវប្រាក់រង្វាន់ដ៏ច្រើនសន្ធឹកសន្ធាប់ជាន់ប្រទេសផ្អៀង ខ្ទង់ម៉ឺនដុល្លារ ខណៈអតីតកាលខ្លួនត្រឹមជាក្មេងប្រុសម្នាក់ ដែលរស់នៅក្រោមការជ្រោមជ្រែងពីព្រះសង្ឃ ប៉ុន្តែមានក្ដីស្រមៃចង់ក្លាយជាអ្នកចម្រៀងល្បីលំដាប់ប្រទេសដូចតារាក្នុងស្រុកមួយចំនួន រហូតមកប្រលងបានជោគជ័យដើរលើវិថីសិល្បៈនាពេលនេះ។
អ្វីដែលកាន់តែពិសេស និងត្រូវបានមហាជនកោតសរសើរកូនកម្លោះអ្នកស្រុកបាធាយរូបនេះបានធ្វើនូវរឿងរ៉ាវបុណ្យ ដោយត្រូវគេឃើញរូបគេបាននិមន្ដព្រះសង្ឃច្រើនអង្គដើម្បីទទួលចង្ហាន់ប៊ូហ្វេនាហាងមួយកន្លែងគួរឲ្យសរសើរពិសេសទឹកមុខពេញដោយស្នាមញញឹម និងភាពដឹងគុណព្រះពុទ្ធសាសនា ។
ភ្នំពេញ ៖ វីដេអូចម្រៀងមួយបទក្រោមចំណងជើងថា «ជូនពរថ្ងៃបុណ្យអុំទូក» ដែលបកស្រាយដោយព្រះនាង នរោត្តម ជេនណា កំពុងទទួលការចាប់អារម្មណ៍ខ្លាំងពីមហាជនក្រៅពីជាបទចម្រៀងដែលរៀបរាប់បុណ្យអុំទូក ព្រះនាងប្រើប្រាស់ទឹកដមយ៉ាងពីរោះគួរជាទីមោទក ខណៈការសម្ដែងទៀតសោតរឹងរឹតតែស្រស់ស្អាត លាយឡំជាមួយសម្រស់ធម្មជាតិដ៏ស្រស់ត្រកាល និងបានទាញកែវភ្នែកអ្នកទស្សនាឲ្យហោះចូលជាមួយទិដ្ឋភាពទាំងនោះផងដែរ។
ភ្នំពេញ ៖ ប្រភពពីគណនីហ្វេសប៊ុកមួយបានបង្ហាញនូវព័ត៌មានដ៏គួរឲ្យភ្ញាក់ផ្អើលស្ដីពីមង្គលការដ៏ស្មោះស្ម័គ្រ កូនកម្លោះទើបមានវ័យ១៤ឆ្នាំ ហើយកូនក្រមុំមានអាយុ២១ឆ្នាំទៅហើយ ខណៈប្រភពខាងលើបានរៀបរាប់ភ្ជាប់ឲ្យដឹងថា «ថ្ងៃ 9/11/2019 ជាថ្ងៃពិសេសសម្រាប់ក្មួយប្រុស និងក្មួយស្រី ជូនពរឱ្យមានតែសុភមង្គលស្រលាញ់គ្នារហូតដល់ចាស់សក់ស្កូវណា៎»។
បង្ហាញភ្ជាប់រូបភាពនាថ្ងៃជ័យក្នុងសម្លៀកបំពាក់ស្រស់ស្អាត ប្រភពពីអ្នកមីងខាងលើក៏បានបន្ថែមក្នុងអារម្មណ៍ខ្មាសក្មួយៗទៀតថា «មីងនៅធ្វើការឆ្ងាយពេកមិនបានទៅចូលរួមថ្ងៃរៀបការទេកូនក្រមុំ21ឆ្នាំកូនកំលោះ14ឆ្នាំទោះអាយុនៅក្មេងមែនឱ្យតែចិត្តគំនិតយើងចេះរកទុកដាក់អនាគត់យើងនឹងមានសុភមង្គលត្រូវចេះស្រលាញ់គ្នាចេះអធ្យាស្រ័យគ្នាទៅវិញទៅមកណា៎ (ក្មួយការចោលមីងបាត់ ស្នំជាងឯងទៀតមិនដឹងពេលណា៎)។
ភ្នំពេញ ៖ អ្នកលេងបណ្ដាញសង្គម បានធ្វើការរិះគន់ និងសំពងយ៉ាងចាស់ដៃ ក្រោយមានគណនីហ្វេសប៊ុកមួយឈ្មោះ San To បានបង្ហាញពីតម្លៃផ្ញើម៉ូតូនាពិធីបុណ្យអុំទូក ឆ្នាំនេះនៅទីក្រុងភ្នំពេញ ដោយមួយគ្រឿ១ម៉ឺនរៀលឯណោះ។
ប្រភពខាងលើបានបង្ហោះខ្លឹមភ្ជាប់ដោយរូបសំបុត្រតូចដែលមានតម្លៃមហាសាល ព្រមការបរិយាយថា «ប្រញាប់កើបលុយធ្វើសេដ្ឋីមែនបងផ្ញើម៉ូតូមួយ 10000៛ ម្ដុំវិមានឯករាជ្យ ហួសចិត្ត»។ ទន្ទឹមឃើញសារបង្ហោះបែបនេះធ្វើឲ្យមហាជនមានអារម្មណ៍ខ្លាចរអាក្នុងការដើរកម្សាន្ដបុណ្យអុំទូកទីក្រុងនាឆ្នាំនេះ ស្របពេលដែលមជ្ឈដ្ឋានខ្លះចង់ឲ្យសាលាក្រុងជួយចេញមុខបកស្រាយ ថាតើតម្លៃនេះជាការកំណត់ពីថ្នាក់លើ ឬគ្រាន់តែជាការឆ្លៀតឱកាសរបស់អាជីវករ។
ភ្នំពេញ ៖ ពិតជារឿងមួយដ៏គួរឲ្យភ្ញាក់ផ្អើល និងកោតសរសើរក្នុងតម្លៃខ្ពស់បំផុត ស្របពេលដែលបំពង់បឺត ដែលច្នៃដោយក្រុមយុវជនសំរាមពីដើមត្រែង ជំនួសទុយោប្លាស្ទីកត្រូវបានអ្នកព័ត៌មានកូរ៉េចាប់អារម្មណ៍ និងយកទៅផ្សព្វផ្សាយយ៉ាងល្បីរន្ទឺផងដែរ។
ប្រភពពីគណនីហ្វេសប៊ុករបស់យុវជនសំរាមបានបង្ហោះរៀបឲ្យដឹងទាំងក្ដីរំភើបរីករាយថា «បំពង់បឺតកម្ពុជាយើង ដែលបានផលិតដោយក្រុមយុវជនសំរាមបានកំពុងមានឈ្មោះបោះសម្លេងដល់ប្រទេសកូរ៉េហើយ តោះយើង មានរបស់ជំនួសបំពង់បឺតប្លាស្ទីកហើយ 500ដើម= 5ម៉ឺនរៀលប៉ុណ្ណោះ។ បើមានក្រុមហ៊ុនណាចង់វិនិយោគលើការវិចខ្ចប់ បង្កើនស្តង់ដា និងគុណភាព សូមទំនាក់ទំនងសហការតាមរយៈលេខ 069216085(ដារ៉ាវីត)»។
ភ្នំពេញ ៖ យោងតាមការផ្សព្វផ្សាយពីទំព័រហ្វេសប៊ុកឈ្មោះ ពលករ បានឲ្យដឹងដំណឹងយ៉ាងរន្ធត់ ខណៈប្រភពបានបង្ហាញឲ្យដឹងថា យោងតាមរបាយការណ៍ ពីខេត្តចាន់បុរី ប្រទេសថៃ កាលពីវេលាម៉ោង ០៩ព្រឹក ថ្ងៃទី១០ ខែវិច្ឆិកា ឆ្នាំ២០១៩ នេះ មានករណីក្រឡាប់រថយន្ត ដឹកពលករខ្មែរ ធ្វើការបេះផ្លែឈើបណ្ដាលអោយមានមនុស្សចំនួន ១៥នាក់ រងរបួសធ្ងន់និងស្រាល នៅក្នុងនោះមានពលករ ស្លាប់បាត់បង់ជីវិត០១នាក់។
ប្រភពក៏បានបន្ដទៀតថា ប្រភពពីភ្នាក់ងារសង្គ្រោះ(សារស្វាងបូរិណប៊ូនខេត្ដចាន់បុរី) ប្រាប់ថា ហេតុការណ៍នេះបានកើតឡើង នៅលើផ្លូវជាតិមួយ ស្ថិតក្នុងតំបន់ ស្រុកសយដាវ ខេត្តចាន់បុរី ប្រទេសថៃ ក្រោយពេលកើតហេតុជនរងគ្រោះត្រូវបាន សមត្ថកិច្ចថៃ បញ្ជូនយកនៅសង្គ្រោះនៅមន្ទីរពេទ្យសយដាវ និងមន្ទីរពេទ្យប្រាក់ប៉ុកក្លៅ ខេត្តចាន់បុរី ចំពោះហេតុការណ៍គ្រោះថ្នាក់ចរាចរណ៍ លើកនេះគឺបណ្ដាលមកពីរថយន្ដបែកកង់។
ភ្នំពេញ ៖ ក្រោយឃើញពីសកម្មភាពអភិរក្ស និងប្រឹងប្រែងកែច្នៃនូវមរតកបុរាណមួយចំនួននៅប្រទេសថៃ ដោយបានសាងសង់រូបសំណាកល្ខោនឃុនថៃដ៏ធំមួយរបស់ខ្លួន និង បង្កើតព្រឹត្ដិការណ៍វប្បធម៌ ដើម្បីបង្ហាញពីអរិយធម៌ វប្បធម៌ កាន់ឆាកអន្ដរជាតិ បានធ្វើឲ្យខ្មែរស្នេហាជាតិមួយចំនួនបង្ហាញនូវភាពសោកស្ដាយ ខណៈលេចមុខតារាស្រីចាស់វស្សាទ្រនំហង្សមាស ពេជ្រ សោភា ក៏បានចេញសារក្ដៅប្រដៅធ្ងន់ជុំវិញរូបភាព និងរឿងរ៉ាវទាំងនេះផងដែរ។
បង្ហោះនូវរូបល្ខោនឃុនថៃ តារាស្រីទើបប្រកាសចូលរោងជ័យរួម ឆឹម សក្កដា បានបន្ថែមសំណេរប្រហារចិត្តជនដែលគ្មានអើពើពីវប្បធម៌ខ្លួនក្នុងសម្ដីធ្ងន់ដូចភ្នំធ្លាក់បាក់សង្កត់ចំដួងចិត្តថា «ស្រុកខ្ញុំគេអត់រវល់នឹងរឿងនេះទេ មានអារម្មណ៍ថាឈឺ ទៅនៅជាមួយគេចុះគេមិនស្រលាញ់អ្នកទេ សុំទោសដែលខ្ញុំនិយាយពាក្យនេះ»។
ភ្លាមៗក្រោយឃើញការបង្ហោះនេះត្រូវបានអ្នកលេងហ្វេសប៊ុកជាច្រើនបានចូលមកខមិនបែបឈឺឆ្អាលតែលើហ្វេសប៊ុក ដែលសុទ្ធសឹងជាបណ្ឌិតយល់ពីវប្បធម៌ លើកហេតុផលមិនចេះតិច ស្របពេលម្ចាស់គណនីឈ្មោះ Moun Rithy ក៏ថ្លែងខ្លីវាយប្រហារបន្ដថា «ស្រុកយើងមួយណាក៏ដូចមួយណាដែរបង បានតែនិយាយតែគ្មានអ្នកថែ រោងល្ខោនស្ងាត់ដូចចោរលួចសេះ»។
ភ្នំពេញ ៖ តារាចម្រៀងស្រីល្បីច្រើនឆ្នាំ ឱក សុគន្ធកញ្ញា ត្រូវគេមើលឃើញថារដូវអុំទូកដែលនាងតែងមមាញឹកសម្រុករកលុយជារឿយៗបានមិនតិចម៉ឺនដុល្លារនោះ មកដល់ឆ្នាំ២០១៩នេះ នាងបែរជាខកខានមិនបានទទួលឱកាសនេះជាថ្មីនោះឡើយ ខណៈបានឃើញដូច្នេះមហាជន និងអ្នកគាំទ្រជាច្រើនបានសម្ដែងនូវក្ដីសោកស្ដាយឥតឧបមា ដ្បិតប្រាក់ខ្ទង់ម៉ឺនៗដុល្លារ មិនមែនចេះតែហោះចូលហោប៉ៅ ដោយស្រួលៗនោះឡើយ។
យ៉ាងណាក្ដីបើទោះជាត្រូវបង់ប្រាក់ច្រើនសន្ធឹកសន្ធាប់ក៏ពិតមែន ប៉ុន្តែប្អូនថ្លៃថៅកែហង្សមាសមិនបានស្លុតចិត្តហត់អារម្មណ៍នោះឡើយ នាងមានតែញញឹមរំភើបត្រេកអរទៅវិញ ព្រោះស្ថិតក្នុងវេលាកំពុងរង់ចាំសមាជិកថ្មីរួមឈាមលោក អ៊ឹង សុខលី ។ ទន្ទឹមនឹងកៀកថ្ងៃ ម្ចាស់បទ «កូនទារូបអាក្រក់» ត្រូវស្វាមីយកចិត្តទុកដាក់ហោះទៅដល់ស្រុកថៃ ត្រៀមសម្រាលកូនដំបូង ក្រោមការថ្នាក់ថ្នម និងមើលថែយ៉ាងពេញលេញរួមជាមួយសារជូនពរពីអ្នកគាំទ្រដ៏ច្រើនលើសលប់។
ភ្នំពេញ ៖ មហាជនបង្ហាញក្ដីភ្ញាក់ផ្អើលយ៉ាងខ្លាំង ក្រោយព័ត៌មាននៃការចូលរោងជ័យរបស់តារាប្រុសស្រីលំដាប់ប្រទេស៤ដួង បានកំណត់យកថ្ងៃការបន្ដបន្ទាប់គ្នាឥតដាច់ ក្នុងនោះរួមមាន ពិធីការិនីប្រចាំស្ថានីយ៍ទូរទស្សន៍អាស៊ីអាគ្នេយ៍ កែវ សីហា, ពិធីករបានសម្ដី ប៉ែន ចំរ៉ុង និង គូស្នេហ៍ហង្សមាស សួស វីសា និងតារាសម្ដែងលោក ថមមី។ ប្រភពពីសារព័ត៌មានក្នុងស្រុកបានបង្ហើបឲ្យដឹងបញ្ជាក់ថា ស្រីស្រស់ កែវ សីហា ដែលតែងត្រូវ ប៉ែន ចំរ៉ុង និង ហេរ៉ូ លែបខាយនោះ នឹងរៀបការ នៅថ្ងៃទី ២៧ ជាមួយលោកវេជ្ជបណ្ឌិតដែលមានរូបរាងស្រស់សង្ហាមួយរូបផងដែរ។
ក្នុងនោះលោក ប៉ែន ចំរ៉ុង ដែលទើបត្រូវសារព័ត៌មានបង្ហើបត្រៀមបើកជំនួញពីរផ្អើលស្រុកខ្មែរនោះ ក៏បានសម្រេចចិត្តដឹកដៃអនាគតភរិយា ជាកូនអ្នកបាត់ដំបងចូលរោងជ័យ នៅក្នុងថ្ងៃទី ២៨ ខែវិច្ឆិកា ដែរ ខណៈចំណងស្នេហ៍គ្រួសារតារាហង្សមាស សួស វីសា និង ថមមី ក៏កំណត់យកថ្ងៃទី ២៩...
