Home អ្នកនិពន្ធ ប្រកាស​ដោយ សីហៈ

សីហៈ

919 ប្រកាស 0 យោបល់
ភ្នំពេញ ​៖​ តារាសម្ដែង​ស្វែង​នូវ​ទានសប្បុរស​ ក្រោយបានសម្ផស្ស​គាប់ចិត្ត នាង ដេននី ក្វាន់ កំពុង​ទទួល​ការស្រលាញ់ពេញចិត្ត​ពី​មហាជន ស្របពេលការងារសិល្បៈ ​នាង​ហាក់ទម្លាក់ដៃ​បន្ដិច​ ងាក​ពង្រឹងជំនួញ​ ពិសេស​កំពុង​សង្វាត​នូវការ​ចែកទាន​ដល់​ជន​ទីទ័ល​ទុរគត​មិនចេះដាច់ ខណៈថ្មីៗ​នេះ​សូរ​សម្លេង​ស្រែក​អំណរគុណ​ និងទឹកចិត្ត​សប្បាយរីករាយពីសំណាក់​ក្មេងៗ​សិស្ស​សាលា​នាទឹកដី​ភូមិភាគឦសានប្រទេស ខេត្តរតនគិរី ក្រោយ​ទទួលទាន​ រាជនីចិត្តធម៌រូបនេះ ក៏កំពុង​ស្ថិតជាប់​ក្នុងត្រចៀក​នាង​ជាម្ចាស់កុសល​មិនអាច​បំភ្លេចបាន​ជារៀងរហូត។ យ៉ាងណាក្ដី​ទង្វើ​រយលានអត្ថន័យកាត់​ថ្លៃ​មិនបាន​ច្រានមិនអាចផុតនេះ​ បាន​ដក់ជាប់​ក្នុងបេះ​ដូង​កូន​ក្រមុំ​​អ្នកព្រះវិហារ​រូបនេះ​មិនចេះដាច់​នោះឡើយ ដោយនាងក៏បាន​ប្រកាសសកម្មភាព​បន្ទាប់ ដោយជ្រើសយកសាលាបឋមសិក្សាឈើទាល ទឹកដីខេត្ត​ស្វាយរៀង មានទាំងសម្ភារ និងកង់ ពិសេស​នោះ​គូស្នេហ៍បុរសមាឌធំលោក ចាន់ មករា រូបនេះ​ក៏បានបញ្ជាក់​ថា មិនឲ្យផុតខែវិច្ឆិកា​ នេះឡើយ ដោយ​ចែកដល់សិស្ស​ប្រមាណ៦០០ នាក់ ឯណោះ។
ភ្នំពេញ ៖ មហាជន​ជាអ្នកប្រើប្រាស់បណ្ដាញសង្គម​ហ្វេសប៊ុក​ទូទាំងប្រទេសកម្ពុជា​ កំពុង​ផ្ទុះ​នូវ​ការភ្ញាក់ផ្អើល​ ចំពោះ​ប្រមុខដឹកនាំ​កំពូល​នៃកម្ពុជា សម្ដេចតេជោ ហ៊ុន សែន ខណៈពេល​ដែល​វីដេអូខ្លី​ស្ដី​ពី​ការតេចូលរបស់បុរសម្នាក់​ ក្នុងពេល​ដែល​សម្ដេចកំពុ​ងថ្លែង​សុន្ទរកថា​ កាលពីថ្ងៃទី១៦ ខែវិច្ឆិកា នៅក្នុងពិធីបើកការដ្ឋាន​សាងសង់ផ្លូវ ៣៤ខ្សែ នៅក្រុងព្រះសីហនុ ត្រូវបាន​ សារព័ត៌មាន​ជាភាសាចិនដ៏ល្បីមួយឈ្មោះ Weibo បានកាត់យកឃ្លីបវីដេអូនេះ យកទៅចុះ​ផ្សាយអម​ដោយអក្សរ​ចិនថែមទៀតផង។ ទន្ទឹម​នឹងការកាត់យកបង្ហោះ​នេះ អ្វីកាន់តែភ្ញាក់ផ្អើល​នឹងមិននឹកស្មានដល់​នោះ ក្នុងវីដេអូ​ដែល​បង្ហាញ​ពីឥរិយាបទ​ដ៏សាមញ្ញក្នុងឋានៈ​ជាមេដឹកនាំ​កាន់ចង្កូត​ប្រទេស​កម្ពុជា​ របស់សម្ដេចតេជោ​ស្រាប់តែមានចំនួន​អ្នកចូលមើលជិត១០លាននាក់ទៅហើយ ពោលគឺប្រមាណ ៩,៥៩០,០០០នាក់ ស្របពេល​ព្រឹកមិញ​មានត្រឹមជាង៤លាន​នាក់ប៉ុណ្ណោះដែល​ចំនួន​នេះត្រូវបានមជ្ឈដ្ឋានជាតិ និងអន្តរជាតិ​ លើកឡើងពោលសរសើរ​ពី​ប្រជាប្រិយភាព​សម្តេចតេជោ ទាំង​ក្នុងស្រុក និងនៅប្រទេសចិន ទាំងពេលបច្ចុប្បន្ន និងអនាគត។ https://youtu.be/T9w6O7r8DE4
ភ្នំពេញ ៖ ប្រជារាស្រ្ដទូទាំង​ប្រទេសកម្ពុជាកំពុងស​ម្ដែង​នូវ​សមានទុក្ខដ៏ក្រៀមក្រំបំផុត ខណៈសម្ដេច​រាជបុត្រី ព្រះរៀម នរោត្តម បុប្ផា​ទេវី បាន​យាង​សោយ​ព្រះទិវង្គត​ក្នុង​ព្រះ​ជន្ម ៧៦​ព្រះវស្សា នា​វេលា​ម៉ោង១២:៣០នាទីថ្ងៃត្រង់ ថ្ងៃទី​១៨ ខែវិច្ឆិកា ឆ្នាំ​២០១៩ ក្នុង​មន្ទីរពេទ្យមួយ នៃប្រទេស​ថៃ ដោយ​រោគាពាធ។ សម្ដេច ព្រះរៀម នរោត្តម បុប្ផា​ទេវី ទ្រង់ព្រះប្រសូតនៅថ្ងៃទី០៨ ខែមករា ឆ្នាំ១៩៤៣ នារាជ​ធានីភ្នំពេញ ទ្រង់ជាព្រះរាជបុត្រីច្បងនៃព្រះករុណា ព្រះបាទសម្តេចព្រះនរោត្តម សីហនុ ព្រះមហាវីរក្សត្រ ព្រះវររាជបិតាឯករាជ្យ បូរណភាពដែនដី និងឯកភាពជាតិខ្មែរ ព្រះបរមរតនកោដ្ឋ ជាទីគោរពសក្ការៈដ៏ខ្ពង់ខ្ពស់បំផុត និងអ្នកម្នាង ផាត់ កាញ៉ុល នាដការីនៃរបាំព្រះរាជទ្រព្យ។ សម្តេច បុប្ផា​ទេវី គឺជា​ព្រះរៀម​របស់​សម្តេចក្រុមព្រះ​នរោត្តម រណឫទ្ធិ។ ហើយសម្តេច​បុប្ផា​ទេវី ​ទ្រង់​រៀប​អភិសេក​នៅ​ព្រះជន្ម១៥ ព្រះវស្សា និង​មាន​បុត្រ៥អង្គ​។
ភ្នំពេញ ៖ ដូចបានប្រកាសនាថ្ងៃទី១៨ ខែវិច្ឆិកា ឆ្នាំ២០១៩ វេលាម៉ោង ១០:០០នាទីព្រឹក ក្រុមប្រឹក្សាពិន័យ​ និងលើ​ក​សរ​សើរ នៃក្រសួងវប្បធម៌និងវិចិត្រសិល្បៈឯកឧត្តម ហាប់ ទូច រដ្ឋលេខាធិការ និងជាតំណាងប្រធាន​ក្រុមប្រឹក្សាពិន័យ និងលើកសរសើរ ឯកឧត្តម ចំរើន វ៉ាន់ថា ទីប្រឹក្សាក្រសួង លោកជំទាវ ហ៊ូ និមេត្តា អនុរដ្ឋលេខាធិការក្រសួងកិច្ចនារី ព្រ​មទាំងលោក-លោកស្រី ដែលជាសមាជិកក្រុមប្រឹក្សា បានជួបជាមួយ កញ្ញា អាណា រ៉ូស លោក យុទ្ធ ឋានៈ និងអ្នកគ្រប់គ្រងផលិតកម្ម P Production ដើម្បីសម្របសម្រួល ដោះស្រាយបញ្ហា និងផ្តល់ការណែនាំ អំពីសកម្មភាពនៃការថតវីដេអូបទចម្រៀង ដែល​ធ្វើប៉ះ​ពាល់ដល់សីលធម៌ ប្រពៃណី ទំនៀមទំលាប់ និងសេចក្ដីថ្លៃថ្នូរ​នៃសង្គមជាតិ។ ភាគីពាក់ព័ន្ធទាំង៣ (P-Production, កញ្ញា អាណា រ៉ូស, លោក...
ភ្នំពេញ ៖ មុននេះ​បន្ដិច​លើ​ទំព័រហ្វេសប៊ុក ព្រះករុណា ព្រះបាទសម្ដេចព្រះបរមនាថ នរោត្ដម សីហមុនី បានបង្ហាញ​ដំណឹងក្រៀមក្រំនៃទិវង្គតសម្ដេច​រាជ​បុត្រី​ ព្រះ​រៀម​ នរោត្តម​ បុប្ផា​ទេវី​ ឧត្ដម​ប្រឹក្សា​ផ្ទាល់​ព្រះមហាក្សត្រ​ និង​សមាជិកា​ក្រុម​ប្រឹក្សា​ធម្មនុញ្ញ​ ស្ដេច​យាង​សោយ​ទិវង្គត​ ដោយ​ព្រះ​រោគ​គាពាធ​ នៅ​មន្ទីរ​ទីក្រុង​បាំងកក​ ខណៈប្រភពក៏បាន​ថ្វាយ​ព្រះ​កុសល​ សូម​ដួង​ព្រះ​វិញ្ញាណក្ខន្ធ​ សម្ដេច​រាជ​បុត្រី​ ព្រះ​រៀម​ ស្ដេច​យាង​សោយ​សុខ​ក្នុង​ព្រះបរមសុខ​គតិភព​គុំ​បី​ឃ្លៀងឃ្លាត​ឡើយ។
ភ្នំពេញ ៖ អ្នកស្រី ចន ច័ន្ទលក្ខិណា ប្រធានសមាគមសិល្បករខ្មែរ បានអញ្ជើញសួរសុខទុក្ខ និងឧបត្ថម្ភថវិកាដល់អ្នកនាង គង់ ចាន់សូរិយា តារាចម្រៀង និងសម្ដែង នៅមន្ទីរពេទ្យ ខណៈមានជំងឺពោះវៀនត្រូវវះកាត់។ ក្នុងនោះសមាគមសិល្បករខ្មែរ ក៏បានថ្លែងអំណរគុណដល់សប្បុរសជនទាំងអស់ដែល​បានជួយ​ឧបត្ថម្ភ​ដល់ «មូលនិធិសិល្បករចាស់ជរា»  ជាពិសេសគោរពថ្លែង​អំណរគុណ​ដល់សម្តេចតេជោ ហ៊ុន សែន និង សម្តេចកិត្តិព្រឹទ្ធបណ្ឌិត ប៊ុន រ៉ានី ដែលបាន​ឧបត្ថម្ភ​ថវិកា ៥ម៉ឺនដុល្លារ ក្នុង១ឆ្នាំ ក្នុងរយ:ពេល ៥ឆ្នាំ និងអ្នកឧកញ៉ា លាង ឃុន អគ្គនាយក​ក្រុមហ៊ុន ជីប ម៉ុង និងអ្នកឧកញ៉ា ហុងពីវ អគ្គនាយក បុរីពិភពថ្មីដែល​បានឧបត្ថម្ភ​ថវិកាក្នុងមួយនាក់ ៥ម៉ឺនដុល្លារ ក្នុង១ឆ្នាំ ក្នុងរយ:ពេល ៥ឆ្នាំ ដើម្បីទ្រទ្រង់ដល់​សិល្បករចាស់ជរា។
ភ្នំពេញ ៖ អតីតជើងខ្លាំងគុនខ្មែរ ភិន សុផល បាន​បាត់មុខពីពិភពគុណអស់ពេលជាង១០​ឆ្នាំ​ សល់ត្រឹម​ពាក្យទន្ទឹងស្ដាយសមត្ថភាព​ពីអ្នកគាំទ្រ ខណៈ​ការរំលេចខ្លួនមកវិញ​កាលពី​ពេល​​ថ្មីៗនេះ​ធ្វើឲ្យមហាជន​ទួញអាណិតអាសូរ​រក​ថ្លែងសឹងពុំត្រូវ​​ដ្បិតអ្នកប្រដាល់ជើងចាស់​រូប​នេះ​​មានជំងឺធ្ងន់ធ្ង​រ ត្រូវ​ចោះបំពង់ក​ មិនអាច​និយាយស្ដីបាន​ អាច​បង្ហាញត្រឹមកាយវិការ​ជាភាសាជំនួសប៉ុណ្ណោះ។ ទិដ្ឋភាព​ដ៏គួរឲ្យស្រណោះ​បំផុត​នេះ​ត្រូវបាន​បង្ហាញឡើង​​កាលពីរាត្រីម្សិលមិញនេះ​នា​សង្វៀន​​ទូរទស្សន៍បាយ័ន​ ប៉ុន្តែ​ពុំមែន​ឡើង​ប្រកួត​នោះទេ តែមក​ក្នុងសភាព​ដ៏ទ្រុឌទ្រោម​ទទួល​អំណោយទាន​ពី​សប្បុរសជន​ដើម្បីបន្ដដំណើរជីវិត​។ ក្នុងនោះដោយ​មើល​ឃើញ​ពីជីវិត​បច្ចុប្បន្ន​ ភិន សុផល ត្រូវរស់អាស្រ័យ​នៅព្រៃភ្នំឧកញ៉ា ស្រី ចាន់ថន ក៏បាន​ផ្តល់​កន្លែងស្នាក់នៅ និងការងារ បន្ថែមដោយ​ម៉ូតូ ១គ្រឿង ព្រមទាំងធ្វើការសាង សង់អណ្តូង ទឹក នៅក្នុង​តំបន់ដាច់ស្រយាលនោះ ដែលមានប្រជាពលរដ្ឋ​រស់នៅជាង១១ គ្រួសារ​កំពុង​ជួបការលំបាក ខ្វះខាតទឹកសម្រាប់ប្រើប្រាស់ផងដែរ។
ភ្នំពេញ ៖ នៅថ្ងៃទី១៥ វិច្ឆិកា នេះសមាគមសិល្បករខ្មែរ បាននាំយកថវិកា​ចូលបុណ្យ​១០០ថ្ងៃ​ម្តាយ​លោ​ក​គ្រូ អៀង ស៊ីធុល ចំនួន ១០០ដុល្លា និងបានជួយថវិកាដល់​ការព្យាបាលជំងឺលោកគ្រូ ចំនួន ១.​០០០.០០០រៀលផងដែរ។ ក្នុងនោះសមាគម​សិល្បករខ្មែរ ក៏បានថ្លែងអំណរ​គុណដល់​សប្បុរស​ជ​ន​ទាំ​ងអស់ដែលបាន ជួយឧបត្ថម្ភដល់ «មូលនិធិសិល្បករចាស់ជរា»។
ភ្នំពេញ ៖ ផ្ទុះការភ្ញាក់ផ្អើល និងកោតសរសើរ​យ៉ាងខ្លាំង ក្រោយ​សកម្មភាព​ដ៏សាមញ្ញរបស់ឯកឧត្តម ហ៊ុន ម៉ានិត​ ដែលជាកូនប្រុស​របស់​សម្ដេចតេជោ សន្ដិភាព បាន​បើកបរ​កង់បី​លើដងផ្លូវ​ដឹកកូនៗ​យ៉ាងរីករាយលាយដោយស្នាមញញឹម​គ្រប់ៗគ្នា។ ក្នុងវីដេអូ​ដែលបង្ហោះចេញដោយគណនីហ្វេសប៊ុក​ ឯកឧត្តម ហ៊ុន ម៉ានិត ក៏បាន​បន្ថែមសារ​យ៉ាងស្និទ្ធស្នាលក្នុងន័យថា «កូនៗឲ្យបើកតាក់ស៊ីល្ងាចនេះ បើមើលក្បាលពោះពិតជាធំ បើមេតូចថាអោយបើក គឺត្រូវតែបើក»។ ក្រោយឃើញការបង្ហោះភ្លាមក៏មានអ្នកចូលខមិនលេងសើចជាហូរហែ ស្របពេល​គណនីខ្លះ​ក៏សូមចូលរួមជិះ​ជាមួយដែរ។ https://www.facebook.com/manith.hun.12/videos/10156998563359387/
ភ្នំពេញ ៖ ប្រភពពីលោក ហេង ឡុង បាន​ឲ្យដឹង​មុននេះ​ពីលិខិត​ផ្លូវការរបស់ ​"ក្រុមប្រឹក្សាវិន័យ និងលើកសរសើរ" នៃក្រសួងវប្បធម៌ និងវិចិត្រសិល្បៈ ដោយបានកោះហៅ​តារាប្រុសស្រីពីរដួង​ដែល​រះលើគ្រែ និងកៀនជញ្ជាំង តាមរយៈហ្វេសប៊ុកគឺលោក យុទ្ធ ឋានៈ និងកញ្ញា អាណារ៉ូស ខណៈ​ការកោះហៅ​នេះត្រូវគេឃើញថាក្រោយពីសាមីខ្លួន​ទាំងពីរព្យាយាម​គេចវេស​ពីកំហុស​ប៉ះពាល់​វប្បធម៌រៀងៗខ្លួន​នាពេល​កន្លងមកថ្មីៗនេះ។ ប្រភពបាន​ភ្ជាប់​ឲ្យដឹង​រួមលិខិត​អញ្ជើញ និងសំណេរ​បញ្ជាក់កាលបរិច្ឆេទថា «តារាសម្ដែង​ទាំងពីរ​នាក់​ដែលមានលក្ខណៈស៊ិចស៊ីជ្រុលត្រូវបាន "ក្រុមប្រឹក្សាវិន័យ និងលើកសរសើរ" របស់ក្រសួងវប្បធម៌ និងវិចិត្រសិល្បៈ អញ្ជើញទៅសម្របសម្រួលជម្លោះ និងបកស្រាយហេតុផល នៅព្រឹកម៉ោង10 ថ្ងៃទី 18 ខែវិច្ឆិកា ឆ្នាំ 2019»។