សីហៈ
ភ្នំពេញ ៖ មុននេះបន្ដិចបណ្ដាញសង្គមផ្ទុះនូវការចែករំលែកយ៉ាងភ្ញាក់ផ្អើល ខណៈថ្ងៃស្អែកនេះជាថ្ងៃចូលរោងការរបស់ម្ចាស់ពានពីរដួងគឺម្ចាស់ពាន Cambodian Idol រដូវកាលទី២ ឈិន ម៉ានិច្ច និង ម្ចាស់ពាន «The Melody» មាស មុន្នីរាជ ដោយបានធ្វើឲ្យមានភាពស្រឡាំងកាំងខ្លាំងមិនធម្មតាឡើយ ស្របពេលមជ្ឈដ្ឋានខ្លះបានលើកឡើងថា មង្គលការមួយជីវិតមានតែម្ដងអ្នកទាំងពីរលេងរៀបចំស្ងាត់ៗ គ្មានអ្នកដឹងបែបនេះ។
ភ្លាមៗក្រោយលេចនូវរូប Pre Wedding ដាក់ច្បាស់ថ្ងៃ១៧ តុលា ស្អែកនេះ ព្រមមាននាមច្បាស់ៗទាំងសងខាង ក៏មានសារព័ត៌មានក្នុងស្រុកមួយបានស្វែងរកការបកស្រាយពី ដៃគូ នី រតនា ត្រូវនាងបញ្ជាក់ថា «មិនមែនជាការពិតឡើយ»។ ក្នុងនោះរូបភាពរបស់ មាស មុន្នីរាជ ដ្បិតមានឈ្មោះ ឈិន ម៉ានិច ដូចគ្នា ប៉ុន្តែបើមើលឲ្យជាក់គឺមិនមែនមុខនាងឡើយ ខណៈម្ចាស់បទ «នារីក្នុងសុបិនបងជាអ្នកណា?» ក៏បានធ្វើការអំពាវនាវសុំកុំឲ្យបងប្អូនភ័ន្ដច្រឡំឡើយ។
ភ្នំពេញ ៖ ប៉ុន្មានថ្ងៃមកនេះអ្នកប្រើប្រាស់បណ្ដាញសង្គមហ្វេសប៊ុកកំពុងចាប់អារម្មណ៍ខ្លាំងជុំវិញរឿងរ៉ាវតារាសម្ដែងជើងចាស់ អ៊ឹម ផល្លា ដែលកំពុងជួបនូវទុក្ខសោកស្ទើរបោកប្រាណ ក្រោយត្រូវម្ចាស់ផ្ទះជួលចាក់សោទ្វារលែងបើកឲ្យចូល សូម្បីសម្ភារក្នុងនោះក៏មិនអាចយកចេញ ដ្បិតអស់ពេលប្រមាណ៣ខែមកហើយតារារូបនេះមិនបានបង់ប្រាក់ជូនម្ចាស់នៅឡើយ រហូតប្រកាសចង់ធ្វើអត្តឃាតដើម្បីបញ្ចប់បញ្ហាដែលមិនចេះអស់ក្នុងខ្សែជីវិតដ៏សែនជូរចត់នេះ។
យ៉ាងណាក្ដីក្រោយពីលេចនូវរឿងរ៉ាវមហាអាសូរគួរកំសត់មានទាំងទឹកភ្នែក ឯកាយក៏រងជំងឺច្រើនមុខ សមាគមសិល្បករខ្មែរដែលមានលោកស្រី ចន ច័ន្ទលក្ខិណា ជាប្រធាន បានចាត់ចែងខ្នែងខ្នះបញ្ជូនបុគ្គលិកទាក់ទងផ្ទាល់ភ្លែតព្រមការសាកសួរសុខទុក្ខ និងឧបត្ថម្ភភ្លាមៗមិនបង្អង់។
ខណៈនៅមុននេះលើទំព័រហ្វេសប៊ុកផ្លូវការរបស់លោក ហេង ឡុង ប្រធានក្រុមប្រឹក្សាភិបាលសមាគមសិល្បករខ្មែរ បានបង្ហាញពីសកម្មភាពសមាគមដែលធ្លាប់ជួយលើសិល្បករជើងចាស់រូបនេះក្នុងសំណេរថា «អ្នកមីង អ៊ឹម ផល្លា ធ្លាប់ទទួលអំណោយពីមូលនិធិសិល្បៈចាស់ជរា របស់ សមាគមសិល្បករខ្មែរ ចំនួន ៤លើកមកហើយ។ ដែលរួមមាន៖ ១.ថ្ងៃទី៤ ខែកក្កដា ឆ្នាំ២០១៨ ២.ថ្ងៃទី៥ ខែមេសា ឆ្នាំ២០១៩ ៣.ថ្ងៃទី១៤ ខែសីហា ឆ្នាំ២០១៩...
ភ្នំពេញ ៖ យោងតាមលិខិតដែលចេញដោយក្រសួងអប់រំ យុវជន និងកីឡា ស្ដីពីការប្រកាសឲ្យប្រធានមន្ទីរអប់រំ យុវជន និងកីឡារាជធានី-ខេត្តមកយកវិញ្ញាបនបត្របណ្ដោះអាសន្នមធ្យមសិក្សាទុតិយភូមិ (បាក់ឌុប) ជូនបេក្ខជនដែលប្រឡងជាប់ យកទៅប្រើប្រាស់ដោយឥតគិតថ្លៃដោយបញ្ជាក់ថា ការមកទទួលយកវិញ្ញាបនបត្របណ្ដោះអាសន្ននេះ ចាប់ពីថ្ងៃទី២១ ខែតុលា ឆ្នាំ២០១៩តទៅ។
ភ្នំពេញ ៖ ក្រោយលេចនូវរឿងរ៉ាវពាក់ព័ន្ធការមិនអាចបង្ហោះវីដេអូចម្រៀងផ្លូវការបទ «ឆ្ងាយ» របស់ក្រុម SmallWorld ចូលក្នុង YouTube ដោយសារបទចម្រៀងនិពន្ធថ្មីមួយនេះត្រូវបានឆានែលយូធូបផ្សេងៗបានដាក់ជាកម្មសិទ្ធិ ក៏បានក្លាយជាប្រធានបទក្ដៅ និងខកចិត្តចំពោះមហាជនពិសេសក្នុងអ្នកចម្រៀងដែលប្រឹងប្រែងផលិតបទនេះ។
ប៉ុន្តែថ្មីនេះពោលគឺថ្ងៃទី១១ តុលា គេក៏ស្រាប់តែបានឃើញបទ «ឆ្ងាយ» នេះបានរំលេចខ្លួនបានសម្រេចលើ YouTube ផ្លូវការរបស់ SmallWorld SmallBand ដោយជោគជ័យខណៈលើគណនីហ្វេសប៊ុករបស់ក្រុម SmallWorld SmallBand ក្រុមតូច ក៏បានបង្ហោះសាររំភើប និងបង្ហាញក្ដីរីករាយក្នុងសំណេរច្បាស់ៗថា «ទីបំផុត! ពួកយើងទទួលបានសិទ្ធ ក្នុងការប្រើប្រាស់បទនេះបានវិញហើយ អរគុណអ្នកទាំងអស់ជាកំលាំងចិត្ត អោយពួកយើងមានជំនឿ ថាអ្វីៗទាំងអស់ទៅរួច សង្ឈឹមថាចូលចិត្តណា៎ អ្នកទាំងអស់គ្នាក៏អាចស្តាប់បទនេះនៅលើ Pleng by Smart »។
ភ្នំពេញ ៖ ថ្មីៗនេះផ្ទុះការខ្សឹបខ្សៀវពីអ្នកជិតស្និទ្ធតារាសម្ដែងកូនមួយលោក គឹម សីហា ថាជាប្រភេទមនុស្សប្រុសដែលស្រឡាញ់ស្រីផង និង ប្រុសផងក្នុងពេលតែមួយដែលត្រូវគេហើយខ្លីងាយយល់ថា «៦៩» នោះ បានធ្វើឲ្យមហាជន និងអ្នកធ្លាប់គាំទ្រគ្រួសារតារាសម្ដែងនេះហាក់មានចម្ងល់កើតមន្ទិលខ្លាំងជាទីបំផុត រហូតចង់ស្វែងរកនូវការពិតថែមទៀតផង។
យ៉ាងណាក្ដីក្រោយពីឃើញនូវពាក្យចចាមអារ៉ាមដៀមដាមប្រាថ្នាឲ្យចំណងស្នេហ៍បែកបាក់យ៉ាងដូច្នេះត្រូវបានភរិយាលោក គឹម សីហា គឺអ្នកនាង គង់ ច័ន្ទស្រីមុំ បានចេញវីដេអូបកស្រាយអធិប្បាយទាំងហួសចិត្តក្នុងភាពអស់សំណើចបញ្ជាក់ន័យថា «បានកូនមួយហើយ ថែមទាំងមានគម្រោងយកកូនឱ្យគ្រប់ ៥ នាក់ទៀត បើជា «69» ក៏អ្នកនាងមិនដឹងនិយាយថាម៉េចដែរ ហើយទម្រាំបានចាប់ដៃគ្នាជាប្ដី-ប្រពន្ធដល់សព្វថ្ងៃ អ្នកនាងក៏ធ្លាប់ស្រក់ទឹកភ្នែកមិនតិចដងដែរ និយាយរួមដឹងតែប្រុសសុទ្ធសាធបើមិនជឿសាកបាន»។
ភ្នំពេញ ៖ ស្រីស្រស់ពិធីការិនី ចាន់ កែវនិមល តែងមានការរៀបចំតុបតែងខ្លួនបានយ៉ាងស្រស់ស្អាត និង ទាក់ទាញ់គួរឱ្យក្នាញ់មិនចាញ់នាងៗក្រមុំព្រហ្មចារីនោះឡើយ ដ្បិតសាច់ស បបូរមាត់មានមន្ដស្នេហ៍ត្រូវប្រភពជិតស្និទ្ធលួចបង្ហើបថាធ្វើឲ្យស្វាមីនាងមិនអាចចោលនាងបាននោះឡើយ។
យ៉ាងណាក្ដីកាលពីសប្តាហ៍ទី ៧ ក្នុងកម្មវិធី X Factor Cambodia កន្លងទៅនេះ គេសង្កេតឃើញពិធីការិនីត្រូវប៉ាន់រូបនេះ បានរំលេចនូវភាពសិចស៊ីបញ្ចេញសាច់តិចក្នុងការសម្លៀកបំពាក់ និងស្ទីលនៃការផាត់មុខ រហូតត្រូវអ្នកខ្លះច្រឡំស្មាននៅក្រមុំលួចសុំស្នេហ៍តាមយល់សប្ដិទៀតផង តែតាមពិតក្រៅពីមានស្វាមី ពិធីការិនីដៃគូ ជា វិបុល រូបនេះមានទាំងកូនរួចទៅហើយ។
ជប៉ុន ៖ យោងតាមការចេញផ្សាយរបស់សារព័ត៌មានបានឲ្យដឹងថា មកដល់ព្រឹកថ្ងៃអង្គារ ទី១៥ ខែតុលានេះ ចំនួនមនុស្សស្លាប់ដោយសារព្យុះទីហ្វុង ហាហ្គីប៊ីស (Hagibis) បានកើនឡើងដល់ ៦៧នាក់ហើយ ខណៈភ្លៀងបន្តធ្លាក់ខ្លាំងកំពុងរំខានដល់ប្រតិបត្តិការ ដែលបាន និងកំពុងប្រព្រឹត្តទៅទាំងថ្ងៃទាំងយប់ទាំងថ្ងៃ ក្នុងការជួយសង្រ្គោះ និងស្វែងរកអ្នកបាត់ខ្លួន។
គួររំឭកថា ព្យុះទីហ្វុងហាហ្គីប៊ីស (Hagibis) បានវាយប្រហារលើប្រទេសជប៉ុន កាលពីយប់ថ្ងៃសៅរ៍ ចុងសប្ដាហ៍កន្លងទៅ ដោយនាំមកនូវខ្យល់បក់យ៉ាងខ្លាំង និងភ្លៀងធ្លាក់ដែលបង្កជាគ្រោះទឹកជំនន់ និងរអិលបាក់ដីនៅទូទាំងខេត្តចំនួន ៣៦ ក្នុងចំណោមខេត្តសរុប ៤៧ របស់ជប៉ុន។ ដោយឡែក ក្រៅពីចំនួនមនុស្សស្លាប់ ក៏មានមនុស្សរាប់សិបនាក់ទៀតនៅបន្តបាត់ខ្លួន ខណៈប្រមាណជាង ២០០នាក់ទៀតបានរងរបួស។
ភ្នំពេញ ៖ ព្រះករុណា ព្រះបាទសម្ដេចព្រះនរោត្ដម សីហនុ អតីតព្រះមហាក្សត្រនៃព្រះរាជាណាចក្រកម្ពុជា ព្រះអង្គប្រសូតនៅថ្ងៃអង្គារ ទី៣១ ខែតុលា ឆ្នាំ១៩២២ នៅរាជធានីភ្នំពេញ។ ទ្រង់យាងចូលទិវង្គតនៅថ្ងៃចន្ទ ទី១៥ខែតុលា ឆ្នាំ២០១២ វេលាម៉ោង១៖២០នាទីយប់ នៅទីក្រុងប៉េកាំង ប្រទេសចិន ដោយព្រះជរាពាធ ក្នុងជន្មាយុ ៩០ព្រះវស្សា។ ព្រះសពរបស់អតីតព្រះមហាក្សត្រ ត្រូវបានដឹកតាមជើងយន្តហោះពិសេសពីប្រទេសចិនមកកម្ពុជា នៅថ្ងៃទី១៧ ខែតុលា ឆ្នាំ២០១២ នៅវេលាម៉ោង៣រសៀល។
ដើម្បីតបស្នងព្រះមហាករុណាទិគុណ និងព្រហ្មវិហារធម៌ដ៏ថ្លៃថ្លាឧត្តុង្គឧត្តម វិសេសវិសាលរបស់ព្រះអង្គ ដែលបានលះបង់ព្រះកាយពល ព្រះបញ្ញាញាណ, រាជរដ្ឋាភិបាលនៃកម្ពុជា បានយកថ្ងៃទី១៥ ខែតុលា ជាថ្ងៃកាន់បុណ្យជាតិ និងជាថ្ងៃកាន់មរណទុក្ខរបស់ប្រជាពលរដ្ឋខ្មែរទាំងមូល។ នៅថ្ងៃទី១៥ តុលាទៀតសោត ទាំងព្រះរាជវង្សានុវង្ស ថ្នាក់ដឹកនាំ មន្រ្តីរាជការគ្រប់លំដាប់ថ្នាក់ គ្រប់ក្រសួង ស្ថាប័ន និងប្រជារាស្រ្តទូទាំងប្រទេស តែងតែប្រារព្ធពិធីគោរពព្រះវិញ្ញាណក្ខន្ធ ព្រះករុណា ព្រះបរមរតនកោដ្ឋ។
ភ្នំពេញ ៖ ខណៈដែលប្រជាប្រិយរបស់តារាជើងចាស់ទ្រនំហង្សមាស ព្រាប សុវត្ថិ នៅតែកើនទោះបីលេចឡើងតារាជំនាន់ក្រោយដូចផ្សិតក៏ពិតមែន តែមិនអាចផ្ដួលរលកមុនមួយដួងនេះឡើយ ស្របពេលដែលតម្លៃខ្លួនរបស់អ្នកចម្រៀងកូន៣រូបនេះខ្ពស់មិនធម្មតា រហូតកម្មវិធីតូចៗខ្លះមិនហ៊ានហៅលោកទៅសម្ដែងឡើយ។
ទន្ទឹមតម្លៃខ្លួនឡើងច្រើនកើនឥតឈប់រៀងរាល់ថ្ងៃនោះ នៅមុននេះក៏មានសារព័ត៌មានក្នុងស្រុកលួចបង្ហើបឲ្យដឹងពីខ្ទង់ចំណាយដែលម្ចាស់ក្រុមហ៊ុនត្រូវចំណាយសម្រាប់ជួលម្ចាស់បទ «សង្សារមួយខែពីរខែ» ថតស្ពតផ្សាយពាណិជ្ជកម្ម គិតតម្លៃប្រមាណជិតកន្លះសែនដុល្លារ គឺ៣ម៉ឺនដុល្លារឯណោះ។ ក្នុងនោះតម្លៃនេះក៏ត្រូវបានម្ចាស់ក្រុមហ៊ុនមួយចំនួន និងមហាជនបានលើកឡើងថា មិនទាន់មានតារាក្នុងស្រុកណាមួយអាចប្រៀបផ្ទឹមបាននៅឡើយទេ បើទោះបីលោក ព្រាប សុវត្ថិ មានវ័យជ្រេជាង៤០ក្ដី។
ភ្នំពេញ៖ រឿងរ៉ាវមហារន្ធត់មួយបានកើតឡើងកាលពីម៉ោង ២០:១០នាទី យប់ថ្ងៃទី១៣ ខែតុលា ឆ្នាំ២០១៩ ស្ថិតតាមបណ្ដោយផ្លូវ៦៥ ក្នុងការដ្ឋានមួយកន្លែងកំពុងសាងសង់ ត្រង់ចំណុចខាងកើតសណ្ឋាគាហូលីដេ ក្នុងសង្កាត់ស្រះចក ដោយបុរស០៣នាក់បានស្លាប់កប់យ៉ាងអាណោចអាធ័ម ក្នុងហេតុការណ៍បាក់អន្ទាកំពស់១៦ជាន់ ខណៈពួកគាត់ទាំង០៣នាក់កំពុងដំឡើងជណ្ដើរយន្ត។
សពរងគ្រោះទាំង០៣នាក់រួមមាន ទី១ ឈ្មោះ សុខ សម្បត្តិ ភេទប្រុស អាយុ២១ឆ្នាំ ទី២ ឈ្មោះ យ៉ែម ទីន ភេទប្រុស អាយុ៣៥ឆ្នាំ ទី៣ ឈ្មោះធីម ធីរ៉ង ភេទប្រុស អាយុ៣១ឆ្នាំ អ្នកទាំងបីមានមុខរបរជាជាងជណ្ដើរយន្ត និងស្នាក់នៅការដ្ឋានផ្ទាល់។ បន្ថែមលើនេះប្រភពពីកម្មករម្នាក់ដែលស្គាល់ជនរងគ្រោះទាំង០៣បានឲ្យដឹងថា ដោយសារបាត់ជាងដំឡើងជណ្ដើរយន្តតាំងពីយប់ថ្ងៃទី១២ ខែតុលា ឆ្នាំ២០១៩ មកទើបពួកគាត់បានគាស់ស័ង្កសីដែលបាំងជណ្ដើរយន្ត ស្រាប់តែឃើញតែម្ដង។
