Home អ្នកនិពន្ធ ប្រកាស​ដោយ អេង ភេន

អេង ភេន

219 ប្រកាស 0 យោបល់
ភ្នំពេញ៖ មុននេះបន្តិចនៅលើទំព័រហ្វេសប៊ុកផ្លូវការរបស់លោក ហេង ឡុង ប្រធានសមាគមមិត្តសិល្បៈស្ម័គ្រចិត្តជួយសង្គម បានបង្ហើរនូវរូបភាពបីសន្លឹក អមជាមួយសារដ៏ប្រពៃថា«សម្ដេចតេជោ​ ហ៊ុន​ សែន​ និងសម្ដេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន បានចូលបុណ្យសពឪពុកនាយក្រិប​ ២លានរៀល ដែលបានអនិជ្ចកម្មថ្មីៗនេះ​ តាមរយៈ​ “មូលនិធិសិល្បៈចាស់ជរា” របស់សមាគមសិល្បករខ្មែរ សមាគមសិល្បករខ្មែរ បួងសួងអស់វត្ថុសាកសិទ្ធតាមជួយថែរក្សា សម្តេចទាំងពីរ ឱ្យមានសុខភាពល្អបរិបូរណ៌ កម្លាំងខ្លាំងក្លា ប្រាជ្ញាវាងវៃ អាយុយឺនយូរ ដើម្បីដឹកនាំកសាង និងអភិវឌ្ឍន៍ប្រទេសជាតិឱ្យកាន់តែរីកចម្រើនថ្កុំថ្កើងរុងរឿងតទៅមុខទៀត»។ គ្រាន់តែឃើញបែបនេះភ្លាម មហាជនជាច្រើនក៏នាំគ្នាសាទរក៏ដូចជានាំគ្នាចែករំលែកដំណឹងមួយនេះយ៉ាងច្រើនសន្ធឹកសន្ធាប់ ភ្ជាប់ដោយសារជនពរសម្ដេចទាំងទ្វេឲ្យមានសុខភាពល្អបរិបូរណ៌ផងដែរ៕
កណ្ដាល៖ ដោយសារតែភ្លើងប្រចណ្ឌបុរសវ័យ៣១ឆ្នាំម្នាក់ ស្ទើរតែបាត់បង់ជីវិតនៅតាមដងផ្លូវ ខណៈបុរសម្នាក់ទៀតព្យាយាមបើកឡានដេញបុក បង្កឲ្យមានការភ្ញាក់ផ្អើលពេញបណ្ដាញសង្គម។ ករណីខាងលើនេះបានកើតឡើងនៅក្នុងស្រុក​កៀនស្វាយ ខេត្តកណ្តាល បើតាមសម្ដីរបស់ជនសង្ស័យបានធ្វើការរៀបរាប់ប្រាប់សមត្ថកិច្ចទាំងចិត្តក្ដៅដូចភ្លើងថា«ដោយសារ​តែរូប​ខ្លួនមានចិត្ត​ប្រចណ្ឌ​ប្រពន្ធ​ ជាមួយបុរសឈ្មោះ សូ រាប ទើបនៅ​ថ្ងៃ​ទី​២០ ខែកញ្ញា ខ្លួនបានទៅបបួល​ជន​រង​គ្រោះ​ស្បថ​នៅ​វត្តថា មិនបានលួចទាក់ទងនឹងប្រពន្ធខ្លួនឡើយ»។ បុរសឈ្មោះ ឆាយ សំណាង វ័យ៣៤​ឆ្នាំ រូបនេះក៏បានរៀបរាប់បន្តថា«លុះដល់ថ្ងៃទី២១ ខែកញ្ញា ខ្លួនបានឃើញជនរងគ្រោះជិះម៉ូតូតែម្នាក់ឯង ហើយខ្លួនកំពុងតែបើកឡានដឹកដីផងនោះ ក៏កើតគំនិតថានឹងបុករូបគេឲ្យស្លាប់ តែសំណាងអាក្រក់ គេបែរជាជិះម៉ូតូចូលវាលស្រែហើយប្ដឹងសមត្ថកិច្ចឲ្យចាប់ខ្លួនតែម្ដង »៕
ភ្នំពេញ៖ កាលពីរសៀលថ្ងៃទី២១ ខែកញ្ញា ឆ្នាំ២០១៩ ម្សិលមិញនេះមានករណីគ្រោះថ្នាក់ចរាចរណ៍មួយបានកើតឡើងនៅក្បែរគល់ស្ពានជ្រោយចង្វារ ដោយរថយន្តក្រុងមួយគ្រឿងដឹកឥវ៉ាន់ច្រើនសំពីងសំពោងមើលឆ្វេង ស្ដាំមិនឃើញ ជ្រុលទៅប៉ះឡានស៊េរីទំនើបតម្លៃខ្ទង់សែនដុល្លារ ដែលពាក់ស្លាកលេខ ភ្នំពេញ 2AW-0720 បង្កឲ្យផ្ទុះការភ្ញាក់ផ្អើលពាសពេញបណ្ដាញសង្គម។ ក្រោយមកអ្វីដែលមិននឹកស្មានដល់ និងធ្វើឲ្យមហាជនផ្ទុះការកោតសរសើរផងនោះ ដោយម្ចាស់ឡានស៊េរីទំនើបមានងារដល់ឧកញ៉ា បានបញ្ចប់រឿងក្ដីយ៉ាងសាមញ្ញបំផុត គ្រាន់តែឲ្យអ្នកបើកបររថយន្តបង្កធ្វើការសុំទោស និងថ្ងៃក្រោយត្រូវបើកបរដោយមានការប្រុងប្រយ័ត្នខ្ពស់តែប៉ុណ្ណោះ៕
ភ្នំពេញ ៖ កាលពីពេលថ្មីៗនេះ សារព័ត៌មានជាច្រើនបានផ្សព្វផ្សាយថា អតីតថៅកែផលិតកម្ម KH Promotion លោក គឹម ហេង ដែលជាអ្នកបណ្ដុះបណ្ដាលធនធានសិល្បៈ ចម្រៀងជាច្រើននោះ ក្រោយបាត់មុខពីវិស័យសិល្បៈអស់រយៈពេលជាង១០ឆ្នាំ គាត់បានផ្លាស់ប្ដូរជីវិតស្ទើរទាំងស្រុង ពីថៅកែផលិតកម្ម ក្លាយជាអាជីវករលក់ភេសជ្ជៈតាមដងផ្លូវ ។ យ៉ាងណាមិញ តារាចម្រៀងស្រីសម្លេងស្រទន់អ្នកនាង សុខ ស្រីនាង ដែលធ្លាប់បានទទួលការបណ្តុះបណ្តាលពីលោក គឹម ហេង តាំងពីឈានចូលវិស័យសិល្បៈដំបូងមកនោះ បានពោលពាក្យនឹកស្មានមិនដល់ចំពោះជីវិតថៅកែចាស់យ៉ាងដូច្នេះថា «តើវាជារឿងពិតឫយ៉ាងណា? ខ្ញុំសឹងតែមិនជឿ my boss ខ្ញុំមិនដែលភ្លេចទេ ថាគាត់ (ហ៊ា គឹមហេង ហើយនឹងភរិយា) គឺជាអ្នកមានគុណដំបូងដែលបានផ្តល់កន្លែងអោយខ្ញុំបានច្រៀង បានក្លាយទៅជាតារាចម្រៀងមកដល់សព្វថ្ងៃនេះ បើគ្មានពួកគាត់ក៏ប្រហែលជាពុកម៉ែបងប្អូនមិនស្គាល់នាងខ្ញុំដែរខ្ញុំចង់ជួបគាត់ណាស់ សង្ឃឹមបានជួបហ៊ាឆាប់ៗនេះ»៕
ភ្នំពេញ ៖ កាលពីប៉ុន្មានខែកន្លងទៅនេះជីវិតរបស់តារាសម្ដែង យូ ឌីស្កូ រងការយាយីពីជំងឺខូចក្រលៀនដ៏រ៉ាំរ៉ៃអស់រយៈពេលច្រើនខែ ធ្វើឲ្យសុខភាពលោកមានសភាពដុនដាបយ៉ាងខ្លាំង ប៉ុន្តែសំណាងប្រោសជីវិតក៏បានកើតឡើងក្រោមការសង្រ្គោះពីសម្តេចទាំងទ្វេ ដោយឲ្យរូបលោកទទួលពន្លឺជាថ្មី ខណៈលោក ហេង ឡុង ប្រធានសមាគមមិត្តសិល្បៈស្ម័គ្រចិត្តជួយសង្គម ក៏បានខ្នះខ្នែង និងជួយជ្រោមជ្រែងបញ្ជូនទៅវះកាត់ប្តូរក្រលៀននៅប្រទេសឥណ្ឌាបានយ៉ាងជោគជ័យ ។ ក្រោយត្រឡប់មកពីព្យាបាល វះកាត់ផ្លាស់ប្តូរក្រលៀនទទួលបានលទ្ធផលយ៉ាង គាប់ប្រសើរនោះលោកហាក់មានសុខភាពរឹងមាំ ហើយបាន ប្រែរូបឆោមស្រស់សង្ហាដូចកាលពីមុន ហើយកាន់តែពិសេសទៀតនោះគឺលោកបានប្រកាសថានឹងប្រឡូកក្នុងវិស័យសិល្បៈម្ដងទៀត បានធ្វើឱ្យមិត្តសិល្បៈ និងអ្នកគាំទ្រមានការសប្បាយចិត្តយ៉ាងខ្លាំង ហើយក៏ជូនពរឱ្យការងាររបស់លោកទទួលបានជោគជ័យផងដែរ ៕
ភ្នំពេញ ៖ តារាចម្រៀងមុខស្រស់ សម្លេងស្រទន់ជ្រកក្នុងទ្រនំហង្សមាសលោក ឆន សុវណ្ណារាជ ហាក់មមាញឹកយ៉ាងខ្លាំងក្នុងការងារសិល្បៈ ក៏ប៉ុន្តែក្នុងថ្ងៃកាន់បិណ្ឌវេនទី៨នេះ លោក និងក្រុមគ្រួសារក៏បានឆ្លៀតពេលនាំយកចង្ហាន់ និងគ្រឿងឧបភោគ បរិភោគ ទៅប្រគេនព្រះសង្ឃ ដើម្បីឧទ្ទិសកុសលដល់ញាតិសន្តានដែលបានចែកឋាន ទៅកាន់បរលោកហើយនោះ។ ក្នុងនោះផងដែរ លោកបានបង្ហោះរូបភាពជាច្រើនសន្លឹក ស្ថិតក្នុងទឹកមុខពោរពេញដោយស្នាមញញឹមយ៉ាងសប្បាយរីករាយ និងមានក្ដីសុខអមដោយសម្ដីយ៉ាងដូច្នេះថា«ថ្ងៃនេះឆ្លៀតពេលសំរាប់ក្រុមគ្រួសារ ជូនអ្នកម្តាយមកវត្តជាមួយបងប្អូន បានពីរវត្តដែរ ជូនបុណ្យផងណាបងប្អូនទាំងអស់គ្នា«៕
ភ្នំពេញ ៖ ក្រោយពីមានការផ្សព្វផ្សាយជាច្រើនថា តារាកំប្លែងជើងចាស់លោកយាយ ណយ សំណាង ខ្វះខាតខ្លាំងក្នុងជីវិតប្រចាំថ្ងៃ ខណៈសមាគមសិល្បករខ្មែរ ក្រោមកិច្ចដឹកនាំដ៏ច្បាស់លាស់របស់អ្នកនាង ចន ច័ន្ទលក្ខិណា និងលោក ហេង ឡុង ធ្លាប់បានឧបត្ថម្ភជាច្រើនលើករួចមកហើយ។ យ៉ាងណាមិញ មុននេះលោក ហេង ឡុង ដែលជាប្រធានសមាគមនមិត្តសិល្បៈស្ម័គ្រចិត្តជួយសង្គម បានបង្ហោះដំណឹងល្អនៅលើទំព័រហ្វេសប៊ុកផ្លូវការរបស់លោកគួរជាទីសាទរថា «អបអសាទរលោកយាយ ណយ សំណាង ត្រូវបានបញ្ចូលជាសិល្បការិនីចាស់ជរា ទទួលបានការឧបត្ថម្ភប្រចាំខែពី ”មូលនិធិសិល្បៈចាស់ជរា“ សមាគមសិល្បករខ្មែរ សូមគោរពថ្លែងអំណរគុណដល់សប្បុរសជនទាំងអស់ដែលបានជួយឧបត្ថម្ភដល់ «មូលនិធិសិល្បករចាស់ជរា»។
ភ្នំពេញ ៖ លោក គឹម ហេង អតីតថៅកែផលិតកម្ម KH Promotion កាលពី១០ឆ្នាំមុន លោកជាមនុស្សដែលធ្លាប់តែមានលុយរាប់ម៉ឺនដុល្លារក្នុងដៃ មានមុខមាត់ មានកេរ្តិ៍ឈ្មោះ កិត្តិយសខ្ពង់ខ្ពស់ក្នុងសង្គម តែលោកបានបាត់មុខឈឹងពីក្នុងសិល្បៈ ធ្វើឲ្យអ្នកសិល្បៈ និងអ្នកគាំទ្រឆ្ងល់ថាហេតុអ្វីលោកបាត់មុខពីសិល្បៈគ្មានមូលហេតុបែបនេះ។ ផលិតកម្ម KH Promotion ជាផលិតកម្មវ័យចំណាស់មួយ និងបានបណ្ដុះបណ្ដាលធនធានសិល្បៈចម្រៀងជាច្រើន ក្នុងនោះដូចជា សុខ ស្រីនាង សុខ ពិសី ហ្សូណូ ជាដើម សុទ្ធតែមានការចាប់ផ្ដើមជាមួយផលិតកម្មចម្រៀងមួយនេះ។ យ៉ាងណាក្រោយមក ផលិតកម្មនេះក៏បានបិទទ្វារ ដោយមិនដឹងមូលហេតុច្បាស់លាស់កាលពីជាង១០ឆ្នាំមុន ហើយលោក គឹម ហេង ក៏បានបន្សាត់ខ្លួនចេញពីការងារសិល្បៈតាំងពីពេលនោះរហូតមក។
ភ្នំពេញ ៖ ក្រោយមានពីការជជែកគ្នាយ៉ាងតឹងសរសៃក រវាងក្រុមអ្នកសិល្បៈដែលដឹកនាំដោយលោកឧកញ៉ា ឡេង ណាវ៉ាត្រា និងលោក ហេង ឡុង ជាមួយក្រុមបុគ្គលឈ្មោះ Bun Hoeun Sanh បន្ទាប់ពីបុគ្គលរូបនេះបានលួចថតសកម្មភាព រាំច្រៀង របស់អ្នកសិល្បៈនៅឯព្រលានយន្តហោះប្រទេសម៉ាឡេស៊ី ហើយបង្ហោះទៅលើបណ្ដាញសង្គមដែលបានប្រើប្រាស់សម្ដីជេរប្រមាថ «ដៀលពូជខ្មែរ» ទាំងមូលកប់ៗមាត់ ក្នុងនោះផងដែរលោក ហេង ឡុង ក៏បានប្រកាសក្ដែងៗថា និងដាក់ពាក្យបណ្ដឹងចំពោះករណីខាងលើ។ ដោយទឹកចិត្តប្រពៃ និងមិនចង់បន្តជម្លោះត្បិតក្នុងនាមឈាមជ័រជាខ្មែរតែមួយ លោកឧកញ៉ា ឡេង ណាវ៉ាត្រា បានបង្ហោះសារ បង្ហាញពីគោលជំហរសូមឲ្យបញ្ចប់រឿងរ៉ាវខាងលើ រៀបរាប់ដោយសំណេរយ៉ាងដូច្នេះថា «ដើម្បីបញ្ចប់រឿងការចោទប្រកាន់គ្នាខ្ញុំគិតថា ការរាំនៅព្រលានម៉ាឡេស៊ី ជាដើមហេតុ ដូច្នេះខ្ញុំបាទស្នើសូមបង ហេង ឡុង សូមបញ្ចប់រឿងត្រឹមប៉ុណ្ណឹង សូមកុំមានការប្ដឹងបន្តវែងឆ្ងាយអី ហើយសង្ឃឹមថា បងប្អូនទាំងអស់ និងយោគយល់ ដោយការគោរពស្រលាញ់ពីខ្ញុំហើយការរាំរបស់ក្មេងៗនៅព្រលានយន្តហោះ (មិនមែនជាអ្នកសិល្បៈទេ) តែយើងខ្ញុំនឹងទុកជាកំហុសឆ្គងបទពិសោធន៍ក្នុងការកែតម្រូវ»៕
កំពត ៖ ស្របពេលដែលវត្តជាច្រើន កំពុងតែសម្បូរសប្បាយទទួលញាតិញោមជុំទិស ម្ហូបអាហារហូរហៀក្នុងឱកាសពិធីបុណ្យភ្ជុំបិណ្ឌនេះ ស្រាប់តែលេចឮដំណឹងដ៏សែនក្ដុកក្ដួល ខណៈព្រះសង្ឃវត្តព្រៃទប់ ស្ថិតក្នុងស្រុកទឹកឈូ ខេត្ត កំពត បែរជាកំពុងដាច់ចង្ហាន់ទៅវិញ។ បង្ហាញឲ្យឃើញពីទិដ្ឋភាពដ៏គួរឲ្យសង្វេគ តាមរយៈគណនីហ្វេសប៊ុកឈ្មោះ ចៅអធិការ វត្តព្រៃទប់ ស្រុកទឹកឈូ ខេត្តកំពត បានរៀបរាប់យ៉ាងដូច្នេះថា «វេនទី៦ចង់ស្រក់ទឹកភ្នែក រកចង្ហាន់ឆាន់មិនចង់បាន»។ ក្រោយឃើញពីភាពកម្សត់បែបនេះ អ្នកលេងបណ្ដាញសង្គមជាច្រើនបង្ហាញក្ដីអាណិតអាសូរជាពន់ពេក ហើយក៏អំពាវនាវដល់ថ្នាក់ដឹកនាំ និងសប្បុរសជនមេត្តាជួយឧបត្ថម្ភគ្រឿង ឧបភោគ បរិភោគ ក៏ដូចជានាំយកចង្ហាន់ប្រគេនវត្តមួយនេះផង៕ https://www.facebook.com/100009195289324/videos/2348969292086224/?t=3