Home អ្នកនិពន្ធ ប្រកាស​ដោយ ប្រាជ្ញ ផានិត

ប្រាជ្ញ ផានិត

1477 ប្រកាស 0 យោបល់
បាត់ដំបង៖ បន្ទាប់ពីមានការសង្ស័យ សមត្ថកិច្ចខេត្តបាត់ដំបងសហការជាមួយមន្ត្រីធម្មការ និងសាសនា បានចុះពិនិត្យ ព្រះសង្ឃ១អង្គ ព្រះនាម ហ៊ុន អងគង់នៅលើភ្នំ៨២ និងបានរកឃើញទី១៖ កាំភ្លើងខ្លី (មិនស្គាលម៉ាក) ចំនួនមួយដើម ទី២៖បងកាំភ្លើងចំនួនមួយ ទី៣៖ គ្រាប់កាំភ្លើងខ្លីចំនួន ១៦គ្រាប់ និងសំបកគ្រាប់ (AK)ចំនួន១០គ្រាប់ ទី៤៖ អាយកូមម៉ាកម៉ូតូរ៉ូឡា ទី៥៖ ខ្នោះដៃមួយ ទី៦៖ជំពុះទង់កែឆ្នៃមួយ ទី៧៖ ដាវមានស្រោមមួយ ទី៨៖ មួកស្កេតប៉ូលីសមួយ ទី៩៖ ដបកែឆ្នៃសំរាប់ជក់ថ្នាំញៀនមួយ។ ប្រភពអ្នកស្រុកប្រាប់ថាសង្ឃអង្គនេះ ចេះពិនិត្យ ព្យាបាលជម្ងឺឲ្យអ្នកស្រុក និងមានដាក់មន្តអាគមផ្សេងៗ ដែលគង់នៅលើភ្នំ៨២ស្ថិតក្នុងភូមិចាំចាប ឃុំបឹងរាំង ស្រុកកំរៀង ខេត្តបាត់ដំបង។
ភ្នំពេញ៖ ក្រៅពីរកឃើញ និងរឹបអូសបង្គាជិត២០គីឡូក្រាមប្រជុំដោយសារធាតុគីមីនៅថ្ងៃទី១៨ខែធ្នូ ឆ្នាំ ២០១៨នោះ  មន្រ្តីកាំកុងត្រូលផែស្ងួតចុងទីភ្នំពេញ ក៏បានរកឃើញជីរណាជាច្រើនគីឡូទៀតមានផ្ទុកសារធាតុគីមីហាមឃាត់។ លោកគង់ វុទ្ធីបានបញ្ជាក់ទៀតថាក្រោយពិនិត្យបឋមក្រុមការងាររបស់លោកបានរកឃើញចាហួយចាក់ក្នុងពោះបង្គាដើម្បីបង្កើនគីឡូជិត២០គីឡូក្រាមដែលអាជីវករកំពុងដាក់ លក់ក្នុងផ្សារដើមគរនិងសារធាតុគីមីហាមឃាត់ក្នុងជីរណាចំនួន១៨គីឡូក្រាមហើយក្រុមការងារក៏សម្រេចយកទៅកំទេចចោល។
បារាំង៖ មានការភ្ញាក់ផ្អើលខ្លាំង ពេលអាជ្ញាធរបារាំងបានធ្វើការរឹបអូសបានគ្រឿងញៀនចំនួន៥ កញ្ចប់ ពីក្នុងផ្ទះរបស់ឈ្មួញចែកចាយគ្រឿងញៀនម្នាក់ក្នុងទីក្រុង Marseille ដែលគ្រឿងញៀននោះរួមមានគ្រឿងញៀនប្រភេទ Marijuana ៥១៧ ក្រាម  និងប្រភេទ Cocaine ៥០ ក្រាម ក៏ឃើញនៅលើកញ្ចប់គ្រឿងញៀនទាំងនោះមានសុទ្ធតែរូបរបស់កំពូលកីឡាករបាល់ទាត់ពិភពលោកCristiano Ronaldo។ ការពិតករណីគ្រឿងញៀននេះមិនបានពាក់ព័ន្ធជាមួយនឹងកីឡាករCristiano Ronaldo នោះទេ តែដោយសារតែឈ្មួញចែកចាយគ្រឿងញៀននោះគឺជាអ្នកគាំទ្ររកីឡាកររូបនេះនិងស្រលាញ់គាត់ជាខ្លាំង ទើបសម្រេចដាក់រូបគាត់ដូចនេះតែម្តង។ សូមបញ្ជាក់ថាកីឡាករ CristianoRonaldo បច្ចុប្បន្នមានអាយុ ៣៣ ឆ្នាំ ជាម្ចាស់ពាន់ Ballon d’Or ៥ ដង សព្វថ្ងៃលេងឲ្យក្លឹប Juventusជាមួយប្រាក់ខែប្រមាណជា ១៦,៦ លានដុល្លារ៕
ពោធិ៍សាត់៖ ចូលញ៉ាំការ​មិនប្រាថ្នាជូនពរនិងអំណរថ្ងៃជ័យមង្គមរបស់កូនក្រមុំកូនកំលោះទេ បែរជាសង្ឃឹមបបួលគ្នាទៅផឹកស៊ីទៅវិញ ហើយក៏ជួបរឿងខកបំណងមិនបានផឹកគ្រប់គ្រាន់ត្បិតអ្នករត់តុ​មិនទាន់ក៏កើតជារឿង​វ៉ៃផ្អើលរោងរសៀល​ថ្ងៃទី១៧ ខែធ្នូ ឆ្នាំ២០១៨ នៅចំណុចឃ្លាំងពោត ស្ថិតក្នុងភូមិព្រែក១ ឃុំសំរោងស្រុកភ្នំក្រវាញ ខេត្តពោធិ៍សាត់។ ប្រភពបង្ហាញថា «លុះដល់ភ្ញៀ​វខាងប្រុស អស់ស្រាផឹក ដែលអ្នក​រត់តុបម្រើ​មិនទាន់ភ្ញៀវខា​ងប្រុសមួយ​ក្រុមមាន​គ្នា០៧នាក់ បានបបួល​គ្នាទិញស្រា ពីខាងក្រៅ​មកផឹក​បន្តទៀតប៉ុន្តែសាច់ញាតិ​ខាងស្រី មិនព្រម​ឲ្យទិញ ព្រោះស្រានៅ​ក្នុងពិធី​មិនអស់​នៅឡើយខណៈនោះក៏​ឮសម្តីនិយាយ​ពីភ្ញៀវខាង​ប្រុសថា ពួកស្រុកស្រែបាន​តែវ៉ៃ​សម្លាប់ចោលភ្លាមៗនោះ​ក៏មានរឿង​ហឹង្សាផ្ទុះ​ឡើងវាយតប់​គ្នាផ្អើល​ពេញរោង​ការតែម្តងបណ្តាលឲ្យមាន​អ្នករងរបួស​ធ្ងន់ស្រាល​ពីរនាក់»។ សមត្ថកិច្ច​ប៉ុស្តិ៍នគរបាល​រដ្ឋបាល​សំរោង បានឲ្យដឹងថាជនរងគ្រោះ​ត្រូវបាន​គេស្គាល់​អត្តសញ្ញាណ ទី១ឈ្មោះ ម៉ន ម៉ាន់ ភេទប្រុស អាយុ៣២ឆ្នាំរស់នៅភូមិថ្មី ឃុំតាលោ ស្រុកបាកាន ខេត្តពោធិ៍សាត់ របួសធ្ងន់ ទី២ឈ្មោះ ម៉ន ធីនភេទប្រុស អាយុ២៦ឆ្នាំ រស់នៅភូមិធ្នោះតាចាប ឃុំស្នាមព្រះ ស្រុកបាកាន របួសស្រាល ។
ភ្នំពេញ៖ ខណៈមុនដាក់ឲ្យដំណើរការកម្មវិធីទូរស័ព្ទសម្រាប់រាយការណ៍ទីតាំងមានផ្លូវខូច​នាថ្ងៃទី១១ ខែធ្នូ ឆ្នាំ២០១៨ នៅទីស្ដីការក្រសួងឯកឧត្ដម យិត បុណ្ណា អនុរដ្ឋលេខាធិការ តំណាងដ៏ខ្ពង់ខ្ពស់ ឯកឧត្ដមទេសរដ្ឋមន្ត្រីស៊ុន ចាន់ថុល បានអញ្ជើញដឹកនាំការបណ្ដុះបណ្ដាលស្ដីពីបច្ចេកទេសប្រើប្រាស់កម្មវិធីថែទាំផ្លូវ (ROAD CARE mobileapp) ដែលមានការចូលរួមពីថ្នាក់ដឹកនាំ នាយកដ្ឋានជំនាញព្រមទាំងមន្ត្រីជំនាញថា្នក់ជាតិ និងថ្នាក់ក្រោមជាតិផងដែរ។ ការបណ្ដុះបណ្ដាលនេះមានគោលបំណងផ្ដល់ចំណេះដឹងផ្នែកបច្ចេកទេសក្នុងការប្រើប្រាស់កម្មវិធីថែទាំផ្លូវ (ROAD CARE mobile app) ជាទម្រង់អ្នកប្រើប្រាស់ផ្លូវ (RoadUser) ទម្រង់ក្រុមការងារថែទាំផ្លូវថ្នល់ (Maintenance Team)និងជាទម្រង់ការិយាល័យថែទាំផ្លូវថ្នល់ (Maintenance Office) ដើម្បីឱ្យពួកគេមានចំណេះដឹងបច្ចេកទេសកាន់តែប្រសើរឡើងក្នុងការប្រើប្រាស់កម្មវិធីនេះឱ្យបានត្រឹមត្រូវតាមបទដ្ឋានបច្ចេកទេស។ ថ្លែងទៅកាន់អង្គពិធីទាំងមូល ឯកឧត្ដមអនុរដ្ឋលេខាធិការបានគូសបញ្ជាក់ថាដើម្បីឱ្យកម្មវិធីនេះទទួលបានលទ្ធផលជាផ្លែផ្កាខ្ពស់រាល់មន្ត្រីជំនាញពាក់ព័ន្ធទាំងអស់ត្រូវតែមានសមត្ថភាពគ្រប់គ្រាន់និងយល់ដឹងពីលំហូរការងារ ដោយប្រើប្រាស់កម្មវិធី (ROAD CAREapp) នេះ។
ភ្នំពេញ៖ ណុប បាយ៉ារិទ្ធ កើតក្តីហ្មងសៅក្តៅចិត្តត្បិត​មាន​មនុស្សឆ្លៀត​ឱកាស​យកឈ្មោះដ៏ល្បីល្បាញខំសាងរាប់ឆ្នាំទៅ​ផ្សព្វ​ផ្សាយ​លក់ដីឡូត៍​លើបណ្តាញ​សង្គមហ្វេសប៊ុកដែលបានទាញប្រយោជ​ន៍​ពីឈ្មោះ​របស់លោក​ច្រើនខែឆ្នាំ ទោះបី​ជាលោក​ប្រឹង​ប្រាប់​ទៅម្ចាស់​គណនីហ្វេស​ប៊ុក​ក្លែងក្លាយ«ណុប បាយ៉ារិទ្ធ» ឲ្យបញ្ឈប់សកម្មភាពនោះក៏ដោយ តែនៅ​បន្តសកម្មភាពដដែល។ តារាចម្រៀងល្បីងំទ្រនំហង្សមាសណុប បាយ៉ារិទ្ធ ទ្រាំមិនបាននឹងទង្វើ​គឃ្លើន​របស់មនុស្សគ្មានឧត្តមគតិនោះ ក៏សម្រេច​ចិត្តប្រកាស​កាលពីព្រឹក​មិញច្បាស់ៗថា«អាខោននេះ​មិនមែនជាអាខោនពិតរបស់ខ្ញុំទេ! ដូច្នេះសូមបងប្អូន​កុំមានការយល់​ច្រឡំខ្ញុំអត់មានទំនាក់ទំនងអីនឹងអាខោនមួយនេះឬម្ចាស់មុខរបរនេះទេមុនសម្រេចចិត្តធ្វើអ្វីមួយសូមធ្វើការពិចារណា» ។
ភ្នំពេញ៖ នៅថ្ងៃទី១៥ ខែធ្នូ ឆ្នាំ២០១៨នេះព្រះករុណា ព្រះបាទ សម្តេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានសព្វព្រះរាជហឫទ័យប្រោសព្រះរាជទានបាច់ផ្កាស្រស់១កន្ត្រកនិងព្រះរាជសារលិខិតជូនពរសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នៅក្នុងឱកាសដ៏នក្ខត្តឫក្សនៃទិវាខួប​ចម្រើន​ជន្មាយុ។ ព្រះរាជសាររបស់ព្រះករុណាព្រះមហាក្សត្រ បានបញ្ជាក់ថា «សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាអ្នកស្នេហាជាតិដ៏ឆ្នើមបានខិតខំបំពេញភារកិច្ចមនុស្សធម៌ ជូនប្រជាជាតិ មាតុភូមិ និងប្រជាជនគ្រប់កាលៈទេសៈនៅទូទាំងព្រះរាជាណាចក្រកម្ពុជា»។
ភ្នំពេញ៖ចៅសង្កាត់បាក់ខែង ខណ្ឌជ្រោយចង្វារ លោក ឆែ សូនី ត្រូវកម្លាំង​នគរបាល​ការិយាល័យ​ព្រហ្មទណ្ឌ​កម្រិត​ធ្ងន់នៃស្នងការដ្ឋាននគរបាលរាជធានីភ្នំពេញ ចាប់ខ្លួនរួចបញ្ជូនទៅតុលាការកាលពីព្រឹកថ្ងៃទី១១ ខែធ្នូ ឆ្នាំ២០១៨ ពាក់ព័ន្ធសំណុំរឿង ក្លែងឯកសារសាធារណៈនិងលួចលក់អចលនទ្រព្យអ្នកដទៃ។ បន្ទាប់ពីលោកប៊ុន ធី ចៅក្រមស៊ើបសួរ នៃសាលាដំបូងរាជធានីភ្នំពេញ បានសួរនាំលោក ឆែ សូនី ពាក់ព័ន្ធសំណុំរឿងក្លែងឯកសារសាធារណៈ និងលួចលក់អចលនទ្រព្យអ្នកដទៃ ប្រព្រឹត្តនៅរាជធានីភ្នំពេញកាលពីអំឡុងឆ្នាំ២០០៥ និង២០០៦រួចមកនោះ បានសម្រេចដោះលែងឲ្យមានសេរីភាពវិញហើយ។
កំពង់ចាម៖ប្រឹងផាត់មុខតែងកាយជាយក្សសម្តែងឫទ្ធីអំណាចនៅ​លើ​ឆាកមើលទៅអស្ចារ្យក្រៃ ក្មេងចាស់ប្រុសស្រីដែលមាន​ទស្សនា​ទស្សនីយភាពល្ខោនបាសាក់ហាក់ផ្ទុះកំហឹងលើយក្សថាជាពពួកក្រុមមារតាមធ្វើបាបមនុស្សស្លូតត្រង់តែនៅពីខាងក្រោយ​ឆាកវិញ តួអង្គ​សម្តែងក្នុងវង់ល្ខោនបាសាក់ «នាយ ប៉េងបោះ ខេត្តកំពង់ចាម»ឈ្មោះ គត់ គួរឲ្យអាណិតពន់ពេក ប្រឹងជិះឡានឈ្នួលមក​សម្តែងទាំងជើងហើមពោរខណៈមុនឡើងសម្តែងកូនជើងរបស់​យក្ស​ គត់ មានសភាពរីក និងចេញទឹកល្ងៃត្រូវបាននារីៗរួមអាជីព​ជួយច្របាច់ទឹកល្ងៃចេញ ឲ្យបានស្បើយពីកាយាបន្តិច ។ ស្ថិតក្នុងទិដ្ឋភាពដ៏លំបាកភ្នែកញាតិនោះត្រូវប្រភពអ្នករួម​អាជីព​នាង វ៉ន ឆវី ប្រាប់ថា «គាត់មានជំងឺទឹកនោមផ្អែម ហើយពេលនេះ​ជើងរបស់គាត់​ហើមខ្លាំងសម្តែងមិនបានច្រើនឈុតទេ»។ យក្ស គត់ ដែលមាន​​កេរ្តិ៍ឈ្មោះរន្ទឺពេញខេត្តកំពង់ចាម ត្រូវបាន​ទទួល​ពាន​យក្សឆ្នើមប្រចាំប្រទេសពីសម្តេចតេជោហ៊ុន សែន ក្នុងអំឡុង​ឆ្នាំ២០១៤ មិនត្រឹម​តែប៉ុណ្ណោះ​ទទួលបាន​ប័ណ្ណសរសើរ​ពីសំណាក់មន្ទីរវប្បធម៌​ខេត្តកំពង់ចាមទៀតនោះត្រូវប្រភពដដែលបានទម្លាយពីជីវិតដ៏កម្សត់របស់យក្ស គត់ ប្រាប់តារាញូស៍កាលពីព្រឹកថ្ងៃទី១២ខែធ្នូ ឆ្នាំ២០១៨ ថា «គាត់សព្វថ្ងៃរស់នៅជាមួយម្តាយផ្ទះជិតគល់ស្ពានគីសូណាពេលនេះ​គាត់កំពុងសម្រាកព្យាបាលនៅផ្ទះ ដោយមិនអាចមានកម្លាំងមកសម្តែងទៀតបានទេបន្ទាប់ពីសម្តែង​កាលពីថ្ងៃទី០៥ ធ្នូ ២០១៨ រួចមកស្ថានភាពជំងឺរបស់គាត់កាន់តែ​ធ្ងន់ធ្ងរលុយកាក់ក៏គ្មាន រស់នៅក្នុងនាមជាបុរសពោះម៉ាយ ខណៈ​លោក គត់បានបែកចែកផ្លូវជាមួយប្រពន្ធច្រើនឆ្នាំមកហើយ ដោយប្រពន្ធបាននាំកូនស្រីម្នាក់ទៅជាមួយហើយរូបលោក​ងាកមក​ថែម្តាយវិញ តែអ្វីដែលលោកមិននឹកស្មាននោះគឺលោកមិនអាចមាន​លទ្ធភាពផ្គត់ផ្គង់ម្តាយគ្រប់គ្រាន់ទេត្បិតចំណូលពីការសម្តែងល្ខោន​បាសាក់ហាក់ទទួលបានកម្រៃតិចតួច ម្ល៉ោះហើយ​បង្ខំចិត្ត​ម្តាយ​ត្រូវចេញ​ទៅលក់ដូរបន្ថែម​ដើម្បីបានថវិការួម​ចំណែកទ្រង​ទ្រង់​គ្រួសារ​និងទិញថ្នាំសម្រាប់រូបលោកឈឺ»។
ភ្នំពេញ៖ផ្ទុះក្តីអាណិតលើបណ្តាញសង្គមហ្វេសប៊ុក ខណៈប្រទះឃើញ​ទិដ្ឋភាពក្មេងប្រុស២នាក់​បងប្អូន​ស្លៀកខោអាវតែមួយសម្រាប់ទេ ដោយក្មេងប្រុសជាបងត្រូវស្លៀកពាក់ឯកសណ្ឋានសមកសាលាពេល​ព្រឹកចំណែកប្អូនប្រុសត្រូវយកសំលៀកបំពាក់បងមកស្លៀកទៅរៀនពេលថ្ងៃតែអ្វីត្រូវសរសើរនិង​លើក​ចិត្តឲ្យបន្តសកម្មភាពនោះគឺ នាយកសាលាប្រាប់ថា «ក្រុមគ្រួសារគាត់ក្រខ្លាំងណាស់កូនបីនាក់​មករៀនឆ្លាតៗណាស់​តែគ្នាមិនមានសំលៀកបំពាក់និងសម្ភារ:សិក្សាមករៀនដូចក្មេងដទៃទេ»។ ក្មេងប្រុសជាប្អូនបានត្អូញប្រាប់ម្ចាស់គណនីហ្វេសប៊ុកថា SokMeng Leng ថា «ខ្ញុំអត់មានខោអវមករៀនដូចគេទេ​មីងអើយខោអាវដែលស្លៀកពាក់មករៀននេះរបស់បងប្រុសខ្ញុំ​គាត់ស្លៀករៀនព្រឹកខ្ញុំយកខោអាវគាត់មកស្លៀករៀនថ្ងៃព្រោះមានតែមួយឈុតនឹងទេ​ត្រូវស្លៀកពីរអ្នកបងខ្ញុំ​ខ្ញុំស្លៀកអត់ត្រូវទេចង្កេះខោធំជើងខោក៏វែងត្រូវមូលជើងទើបស្លៀកបាន​ត្រូវយកខ្សែមកចង់ចង្កេះខោដើម្បីបានខោអាវស្លៀកមករៀន​»។ រំពេចពីរំលេចក្តីកម្សត់ប្រាប់ស្ត្រីម្ចាស់គណនី សុខម៉េង ហាក់មានអារម្មណ៍ចង់អួលអាក់ដើមករលើកឡើងថា «ខ្ញុំបានឲ្យខោអាវគាត់ពីឈុត សម្ភារ:សិក្សានិងលុយ»។