Home អ្នកនិពន្ធ ប្រកាស​ដោយ Pu Toma

Pu Toma

641 ប្រកាស 0 យោបល់
ភ្នំពេញ ៖ នៅវេលាម៉ោង១១និង០៥នាទីព្រឹកថ្ងៃទី០៤ ខែធ្នូ ឆ្នាំ២០១៩ កងកម្លាំងនគរ​បាល​ក្រុងភ្នំពេញ សហការជាមួយក្រុមនគរបាលខណ្ឌច្បារអំពៅ បានចុះ​បង្ក្រាបទីតាំង​ផលិត​គ្រឿងញៀនមួយកន្លែង ស្ថិតក្នុងភូមិរបោះអង្កាញ់ សង្កាត់ព្រែកឯង ខណ្ឌច្បារ​អំពៅ រាជធានីភ្នំពេញ នៅក្នុងអតីត ហាង «ទន្លេមាសតន្ត្រី» ដែលម្ចាស់ដើម​បានលក់​ឲ្យទៅ​អ្នកផ្សេង ហើយអ្នកផ្សេង ដែលទិញតនេះ ក៏បន្តជួលឲ្យអ្នកផ្សេង​បន្តទៀត​ផងដែរ។ នគរបាល បានប្រាប់ថា ការបង្ក្រាបទីតាំងនេះ បន្ទាប់ពីកម្លាំងជំនាញចាប់ខ្លួនមុខ​សញ្ញាចែកចាយបានចំនួន៤នាក់នៅក្នុងសង្កាត់បឹងត្របែក ខណ្ឌចំការមន ហើយ​ការបង្ក្រាបនេះ តាមការអះអាងបញ្ជាក់ថា ដកហូតគ្រឿងញៀន បានប្រមាណ​២១គីឡូក្រាមហើយ គិតត្រឹមម៉ោង១២និង១០នាទីរសៀលថ្ងៃដដែលនេះ។ ព័ត៌មានលម្អិត នឹងផ្សាយជូននៅពេលក្រោយ៕ https://www.facebook.com/Kpt.Newspaper/videos/2348781658565859/?t=6
ភ្នំពេញ ៖ ក្រោយពីក្រាបផ្ទឹមដល់កន្ទេលរួមភរិយាដ៏ស្រស់ស្អាត ថម មី និង សួស វីហ្សា ក៏បានចេញដំណើរកម្សាន្តក្រេបទឹកឃ្មុំ ដ៏ផ្អែមល្ហែមមាត់​សមុទ្រនៅ​ក្នុងទឹកដី​ខេត្តព្រះ​សីហនុ ភ្លើងពណ៌ភ្លឺផ្លេកក្នុងទឹកមុខញញឹមពព្រឹមរួមមិត្តភ័ក្ដ្រ បង្អួតស្នាមសាក់លើ​ទ្រូងរូប​ភរិយា ចង់បញ្ជាក់ពីទំហំស្នេហ៍ និងក្ដីស្រលាញ់ស្មោះមិនប្រែរហូតយូរលង់ ដល់ចាស់កោងខ្នង ធ្វើឱ្យមហាជនលាន់មាត់សរសើរ។ ដោយនៅលើគណនីហ្វេសប៊ុករបស់តារាសម្ដែងប្រុសរូបនេះ បានបង្ហោះរៀបរាប់ភ្ជាប់​ជាមួយ​រូបភាពយ៉ាងដូច្នេះថា «ស្រលាញ់អូនដល់កាន់ឈើច្រត់ ស្នាមសាក់​នៅលើ​ទ្រូងប្តីនេះ គឺបញ្ជាក់ថាអូននៅក្បែរបងគ្រប់វេលាប្រពន្ធសំលាញ់ រាត្រីសួស្តី ដំណើរកម្សាន្តលក្ខណៈសប្បាយៗ ជាមួយភរិយា នៅមាត់សមុទ្រកម្ពុជាយើង ក្រុងព្រះសីហនុ»៕
ថៃ៖ សារព័ត៌មាន (ថៃរ៉ាត់) ចេញផ្សាយកាលពីថ្ងៃទី១ខែធ្នូ ពលករខ្មែរពីនាក់ប្ដីប្រពន្ធ ជាកម្មករ​សំណង់នៅក្នុងទីក្រុង ដែលបុរសជាប្តីឈ្មោះ ដា សុផល្លា អាយុ៤០ឆ្នាំ បានត្រូវឆ្នោតជាតិរង្វាន់ទី១ ចំនួន២សន្លឹក គឺជារង្វាន់ធំ ដែលមានទឹកប្រាក់ចំនួន​១២លានបាត។ ក្នុងការចេញផ្សាយនោះបានបង្ហាញបន្ត «តាមសម្ដីបុរសជាប្ដីបានរៀបរាប់ប្រាប់ថា មុនពេលត្រូវឆ្នោតជាតិរបស់ប្រទេសថៃ ប្រពន្ធរបស់គេបានសុបិនឃើញឪពុកមា ដែលបច្ចុប្បន្នកំពុងបួសជាសង្ឃនៅឯស្រុកខ្មែរ ដែលឪពុកមារូបនោះ មានព្រះ​ជន្ម៥៤​ព្រះវស្សា ហើយស្របពេលដែលមានអ្នកស្គាល់គ្នាមក​លក់ឆ្នោតជាតិដល់​កន្លែងពួក​គាត់ធ្វើការ ទើបពួកគេបានជារើសរើសយកសន្លឹកឆ្នោតដែលមានក្បាល៥៤ និងផ្ទុយវិញគឺលេខ៤៥៕
រតនគិរី៖ តារាសម្ដែងជើងចាស់រូបស្រស់ ហៅកំលោះវ័យជ្រេរ ទេព រិនដារ៉ូ កាល​ពីថ្ងៃទី០២ ខែវិច្ឆិកា ម្សិលមិញនេះបានបង្ហោះវីដេអូឃ្លីបមួយ បង្ហាញ​ពីអា​រម្មណ៍​ស្រស់​ស្រាយសប្បាយគ្មានហ្មង ពេលបានទៅដល់កន្លែងត្រជាក់ស្រស់ត្រកាល បានទៅហើយជាប់ចិត្តមិនចង់ត្រឡប់ ក្នុងទឹកដីព្រៃភ្នំគ្រប់គ្នាធ្លាប់តែឮ «បឹងកន្សែង» ខេត្តរតនគិរី។ ទន្ទឹមនឹងនោះ តារាសម្ដែងជើងចាស់រូបនេះ ក៏បានរំលេចន៍ពាក្យពេចន៍ ស្ញើចសរសើរ លាន់មាត់ស្ងប់ស្ញែងពីវប្បធម៌ខ្មែរដ៏សម្បូរបែបនៃជនជាតិដ់មភាគតិច ព្នង ទំពួន និងគ្រឹង ដែលបានថែរក្សា ព្រមទាំងបានផ្ដែផ្ដាំយើងគួរនាំគ្នា​ថែរក្សា​ប្រពៃ​ណីទាំង​នេះឲ្យនៅគង់វង្ស ព្រោះកេរ្ដិ៍តំណែលសំខាន់ណាស់​សម្រាប់ភាព​រីកចម្រើនរបស់​យើងដែរ៕ https://www.facebook.com/rindaro1964/videos/2710389035720161/?t=5
សៀមរាប៖ ក្រោយពីបានរុករកជនរងគ្រោះ និងសាកសពដែលបានស្លាប់ ដោយបាក់​រលំសាលាធម្មសភាវត្ត «ប្រាសាទគោកចក» ខេត្តសៀមរាប លោក ទិត្យ ណារ៉ុង ស្នង​ការនគរបាលខេត្តសៀមរាប បានបញ្ជាក់ប្រាប់សារពត៌មានក្នុងស្រុក​តាមរយៈ​ទូរស័ព្ទ​នៅ​ព្រឹកថ្ងៃទិ០៣ ខែធ្នូ នេះថា ការបាក់រលំសាលាធម្មសភាវត្តប្រាសាទគោកចក ដោយសារ «សាងសង់ខុសបច្ចេកទេស»។ តាមសម្ដីអភិបាលខេត្តសៀមរាប លោក ទៀ សីហា ផ្តល់បទសម្ភាសដល់ភ្នាក់ងារសារ​ព័ត៌មាន​ក្នុងស្រុក នៅកន្លែងកើតហេតុថា «យើងមើលជាក់ស្តែង គឺទាំងគ្រឹះទាំងអី ប្រហែលជាមានការខ្វះខាតតិចតួចដែរ» ហើយអាជ្ញាធរ ក៏កំពុងស្រាវជ្រាវបន្តអំពីមូល​ហេតុ​នៃការបាក់រលំសាលាធម្មសភានេះ។ លោកបានបន្តថា គ្រប់អ្នកពាក់ព័ន្ធដូចជា រដ្ឋបាលខេត្ត អាជ្ញាធរជាតិអប្សរា អ្នកម៉ៅការ និង ព្រះគ្រូចៅអធិការវត្ត នឹងត្រូវពិភាក្សាគ្នាអំពីចំណាត់ការផ្លូវច្បាប់ ចំពោះសំណង់ខុសបច្ចេកទេសនេះ»៕
កណ្ដាល៖ ស្ទើរតែមិនអាចទប់ទឹកភ្នែក នឹកគិតអាណិត ស្របពេលដែល​គណនីហ្វេស​ប៊ុកឈ្មោះ SokLeng Lim បានបង្ហោះរៀបរាប់ភ្ជាប់ទាំងរូបភាពគួរស្រណោះ លោកតា​វ័យជាង៨០ឆ្នាំខំប្រឹងធាក់កង់រាប់គីឡូដើម្បីលក់អង្រឹងក្រណាត់ យកប្រាក់ចិញ្ចឹម​ក្រពះនិង​យាយកម្សត់ដែលរស់នៅក្នុងខ្ទមក្បែរដីកប់ខ្មោច ដែលសុំគេស្នាក់អាស្រ័យ ស្ថិតក្នុងភូមិសំរោង ស្រុកពញ្ញាឮ ខេត្តកណ្ដាល។ ដោយប្រភពខាងលើបានឱ្យដឹងយ៉ាងដូច្នេះថា «លោកតា ក្រីក្រ ដើរលក់អង្រឹងនៅ​ម្តុំផ្សារឧត្តុង្គ ឈ្មោះ តា ហុង អាយុ៨២ឆ្នាំ រស់នៅតែ២នាក់ តាយាយ មិនមានកូនចៅទេ ព្រោះយាយឈឺ តាត្រូវដើរលក់អង្រឹងដើម្បីបានប្រាក់ចិញ្ចឹមជីវិត និងទិញថ្នាំអោយ​យាយសព្វថ្ងៃលោកតារស់នៅភូមិសំរោង ស្រុកពញ្ញាឮ ខេត្តកណ្តាល រាល់ថ្ងៃលោក​តាដើរលក់អង្រឹងនៅម្តុំផ្សារឧត្តុង្គ នៅវត្តប្រាំង»៕ https://www.facebook.com/babie.cutely/videos/2816884478344220/?t=2
ភ្នំពេញ៖ នៅលើទំព័រហ្វេសប៊ុករបស់ឧកញ៉ា ឡេង ណាវ៉ាត្រា កាលពីប៉ុន្មានម៉ោង​មុន​នេះ បានបង្ហោះរៀបរាប់ភ្ជាប់ជារូបភាពច្រើនសន្លឹក ព្រមជាមួយពាក្យពេចន៍​រំលេច​ពី​ក្ដីស្រមៃ បើកឱ្យមានឡានក្រុងចល័តសាធារណៈពីក្រុងប៉ោយប៉ែត ទៅស្រុកម៉ាឡៃ គឺដើម្បីកាត់បន្ថយការចំណាយ ជួយសន្សំសំចៃថវិការបស់បងប្អូនប្រជាពលរដ្ឋ។ ដោយលោកបានរៀបរាប់យ៉ាងដូច្នេះថា «ឡានក្រុងចល័តសាធារណៈ នេះជាការ​ប្រឹង​ប្រែង និងក្ដីស្រមៃទាំងយប់ទាំងថ្ងៃរបស់ខ្ញុំ ក្នុងការចូលរួមចំណែកអភិវឌ្ឍន៍​ទៅលើ​សេវាចរាចរណ៍។ អត្ថប្រយោជន៍នៃការប្រើប្រាស់រថយន្តក្រុងចល័ត គឺជួយសន្សំសំ​ចៃថវិកា និងកាត់បន្ថយគ្រោះថ្នាក់ចរាចរណ៍ជាច្រើន រថយន្តក្រុងនឹងធ្វើដំណើរចល័ត​២០នាទីម្ដងហើយ១គីឡូម៉ែត្រ មានចំណតមួយ ដែលធ្វើដំណើរឆ្ពោះពីផ្សារម៉ាឡៃ ទៅក្រុងប៉ោយប៉ែត និងទីក្រុងប៉ោយប៉ែតមកផ្សារម៉ាឡៃ»។ លោកបានបន្ថែមទៀតថា «នេះជាការសាកល្បងប្រើប្រាស់រយៈពេល១ឆ្នាំ សង្ឃឹម​ថាបងប្អូនទាំងអស់គ្នានឹងគាំទ្រ សេវានេះនឹងប្រើប្រាស់ដោយឥតគិតថ្លៃរយៈពេល៣ខែ បន្ទាប់ពីនេះនឹងមិនយកសេវាលើកុមារនិងចាស់ជរា»៕
ភ្នំពេញ៖ នៅព្រឹកថ្ងៃទី០៣ ខែវិច្ឆិកា ឆ្នាំ២០១៩ សមាគមសិល្បករខ្មែរ និងសមាគម​មិត្តសិល្បៈស្ម័គ្រចិត្តជួយសង្គម បានចូលរួមលើកទឹកចិត្តជនពិការជាង៥ពាន់នាក់ ក្នុងទិវាជនមានពិការភាពកម្ពុជាលើកទី២១ និងអន្តរជាតិទៅ៣៧ ក្នុងប្រធានបទ «លុបបំបាត់ឧបសគ្គរារាំងជនមានពិការភាព ដើម្បីសង្គមមួយប្រកបដោយបរិយបន្ន» ក្រោមអធិបតីភាពសម្ដេចក្រឡាហោម ស ខេង តំណាងដ៏ខ្ពង់ខ្ពស់សម្ដេចតេជោ ហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា។
សៀមរាប ៖ ឧបទ្ទវហេតុដ៏រន្ធត់បាក់ប្លង់សេនៅក្នុងទឹកដីខេត្តសៀមរាប កាល​ពីម្សិល​មិញនេះ ដែលបានសម្លាប់មនុស្សប្រុសរហូតដល់ទៅ៤នាក់ និងរបួស​ជាង១០នាក់​មានទាំងព្រះសង្ឃ។ ទន្ទឹមនឹងនោះដែរ មហាជនស្ទើរតែស្លុតចិត្តស្រក់ទឹកភ្នែក បន្ទាប់ពីបានឃើញទិដ្ឋភាព​សាក​សពជនរងគ្រោះទាំងបួននាក់តម្រៀបក្បែរគ្នា និងកំពុងតែដឹកបញ្ចូលតាម​ឡាន​ពេទ្យ ​សាមុយ ទៅកាន់ស្រុកកំណើត នៅតាមបណ្ដាខេត្តផ្សេងគ្នា​ដើម្បីធ្វើបុណ្យតាម​ប្រពៃណី ដែលក្នុងនោះ មាននៅខេត្តស្វាយរៀង ត្បូងឃ្មុំ និងខេត្តកណ្ដាល៕ https://www.facebook.com/tep.solida.79/videos/544112042835237/?t=1
សៀមរាប៖ ក្ដៅៗនៅរសៀលថ្ងៃទី០២ ខែធ្នូ ឆ្នាំ២០១៩ មុននេះបន្តិច មានករណីដ៏រន្ធត់​មួយ​បានកើតឡើងនៅក្នុងភូមិវាល សង្កាត់គោកចក ក្រុងសៀមរាប ខេត្តសៀម​រាប ដោយបាក់វិហារវត្ត «ប្រាសាទគោករក» ដែលបណ្ដាល​ឱ្យមនុស្សរបួស​ជាច្រើននាក់​ព្រមទាំងព្រះសង្ឃ ធ្វើឱ្យផ្អើលអស់ប្រជាពលរដ្ឋ រត់ឈូរឆរសង្រ្គោះ ហើយក្នុង​ករណីនេះដែរ ត្រូវបានគេសង្ស័យថា មានជាប់មនុស្សក្រោមគំនរថ្មស៊ីម៉ង់តៗ និងដែកដែលបាក់៕ https://www.facebook.com/thearak.jon/videos/821357398289680/?t=97