Home អ្នកនិពន្ធ ប្រកាស​ដោយ Pu Toma

Pu Toma

477 ប្រកាស 0 យោបល់
ព្រៃវែង ៖ ពិតជាសែនក្ដុកក្ដួលពេកក្រៃកន្លង រកអ្វីមកប្រដូចពុំបាន ដ្បិតកុមារអាយុទើប៨ខែម្នាក់ បានស្លាប់បាត់បង់ជីវិតទាំងក្មេងខ្ចី ដោយរអិលរទេះរុញចូលក្នុងទឹកជម្រៅជិត ០.៣ ម៉ែត្រក្បែរផ្ទះ ស្របពេលដែលម្ដាយឪពុកទៅធ្វើការរកស៊ីនៅខេត្តស្វាយរៀង និងផ្ញើកូននៅលោកយាយ ប៉ុន្តែខណៈដែលលោកយាយរវល់តែធ្វើកិច្ចការផ្ទះ។ ប្រភពបានឱ្យដឹងថា ហេតុការណ៍នេះបានកើតឡើងកាលពីថ្ងៃទី១៧ ខែតុលា ឆ្នាំ២០១៩ ស្ថិតនៅភូមិត្រពាំងឈូក ឃុំចេក ស្រុកព្រះស្ដេច ខេត្តព្រៃវែង ដែលកុមាររងគ្រោះមានឈ្មោះ ចាន់ សេរីវង្ស ភេទប្រុសអាយុ៨ខែ ហើយបច្ចុប្បន្នកុមាររងគ្រោះត្រូវបានក្រុមគ្រួសារយកទៅធ្វើបុណ្យតាមប្រពៃណី៕
កំពត ៖ ខណៈកំពុងតែស្ថាបនា និងសាងសង់លើកំណាត់ផ្លូវជាតិលេខ៣ ត្រូវបានមហា​ជន​ក៏ដូចជាប្រជាពលរដ្ឋដែលរស់នៅអមសងខាងមានការរអ៊ូរទាំយ៉ាងខ្លាំង ស្របពេលកំណាត់ផ្លូវមួយនេះបានបើកដំណើរការជាងមួយឆ្នាំទៅហើយ តែមិនទាន់ឃើញបានផល ដីហុយទ្រលោមសំពោងដូចរដូវប្រាំងហួតហែង ទាំងដែលមួយថ្ងៃៗខំប្រឹងស្រោចទឹក ពាក់ម៉ាស់ស្ទើរគ្រប់នាទី តែនៅមិនអាចទប់ និងធូលីហុយងងឹតមើលគ្នាមិនស្គាល់ ដែលធ្វើឱ្យមានការប៉ះពាល់ដល់សុខភាព ជាពិសេសកុមារតូចៗមិនទាន់ចេះការពារ ឬពាក់ម៉ាស់ដូចមនុស្សចាស់ កើតជំងឺរលាកសួតជាច្រើនលើកច្រើនសារស្ទើរធ្លាក់ចូលរណ្ដៅយមរាជ។ ប្រភពពីគណនីហ្វេសប៊ុកឈ្មោះ Ly Sy បានបង្ហោះរៀបរាប់ភ្ជាប់ទាំងអារម្មណ៍សោកសៅ កូនចូលមន្ទីរពេទ្យបណ្ដាក់ដូចខ្យង និងផ្ដាំផ្ញើដល់ម្ដាយគ្រប់រូបយ៉ាងដូច្នេះថា «ជាសារផ្ដាំផ្ញើទៅអ្នកម្ដាយគ្រប់រូប ខ្ញុំរស់នៅលើកំណាត់ផ្លូវជាតិលេខ៣ ដែលជាផ្លូវកំពុងសាងសង់ វាមានរយ:ពេល១ឆ្នាំជាងហើយនៅមិនទាន់រួចរាល់ទេ ដោយរាល់ថ្ងៃពាក់ម៉ាស់ផង ស្រោចទឹកមុខផ្ទះផង ឡានបាញ់ទឹកផងនៅតែមិនបាត់ហុយ រីឯក្មេងៗតូចមិនចេះពាក់ម៉ាស់ទេ ដូចជាកូនខ្ញុំ គាត់ត្រូវស្រូបដីពីមួយថ្ងៃទៅមួយថ្ងៃ រលាកសួតចូលពេទ្យ ចេញពីពេទ្យមិនបាន១ អាទិត្យផង ត្រូវរលាកសួតម្ដងទៀត មួយឆ្នាំជាងមកនេះ កូនខ្ញុំរលាកសួត៥ដងហើយហើយថ្ងៃនេះដែរគឺជាលើកទី៦ហើយ ខ្ញុំសូមអោយអ្នកម្ដាយគ្រប់រូបមើលថែកូនចៅអោយល្អដើម្បីកុំឱ្យជួបបញ្ហាដូចខ្ញុំ សូមអរគុណ»៕
ព្រះសីហនុ៖ ករណីគ្រោះថ្នាក់ចរាចរណ៍ដ៏រន្ធត់មួយបានកើតឡើង ស្ថិតនៅតាមបណ្ដោយផ្លូវជាតិលេខ៤ ជិតរោងចក្រ «ញូវស្ដារ» ក្នុងភូមិ១ សង្កាត់លេខ១ ក្រុងព្រះសីហនុ ដោយនារីជាកម្មការិនីម្នាក់បានស្លាប់បាត់បង់ជីវិតទាំងព្រលឹម កាលពីវេលាម៉ោង៧:០០ ថ្ងៃទី១៨ ខែតុលា ឆ្នាំ២០១៩នេះ។ ប្រភពបានឱ្យដឹងថា នារីរងគ្រោះមានឈ្មោះ សុខ លីណា មានអាយុ២៧ឆ្នាំ មុខរបរជាកម្មការិនីរោងចក្រ ជិះម៉ូតូ១គ្រឿងម៉ាក SCOPY ពណ៌សគ្មានផ្លាកលេខ មានទីលំនៅបច្ចុប្បន្ន ភូមិថ្មធំ ឃុំរាម ស្រុកព្រៃនប់ ហើយរថយន្ដជនសង្ស័យដែលបង្ក និងមិនស្គាល់ម៉ាកបើករត់គេចខ្លួនបាត់ស្រមោល៕
ភ្នំពេញ៖ នៅថ្ងៃទី១៨ ខែតុលា ២០១៩ មុននេះបន្តិច ក្រសួងធនធានទឹក និងឧតុនិយម បានចេញសេចក្ដីប្រកាសឱ្យប្រជាពលរដ្ឋគ្រប់ទិសទីឱ្យមានការប្រុងប្រយ័ត្ន ខណៈពេលដែលជ្រលងសម្ពាធខ្ពស់ពីប្រទេសចិន បានកំពុងតែអូសបន្លាយមកលើភាគខាងជើង និងភាគឥសានកម្ពុជា។ លក្ខណៈបែបនេះ និងធ្វើឱ្យស្ទើរតែគ្រប់បណ្ដាខេត្ត មានភ្លៀងធ្លាក់ពីកម្រិចតិចទៅមធ្យម លាយលំផ្គររន្ទះ ខ្យល់កន្ត្រាក់ផងដែរ។ អាស្រ័យដូចបានជម្រាបជូនខាងលើ សូមបងប្អូនមេត្តាបង្កើនការប្រុងប្រយ័ត្នឱ្យបានខ្ពស់ ជាពិសេសនៅតាមតំបន់មាត់សមុទ្រអាចនឹងមានរលកធំៗបង្កជាគ្រោះជាយថាហេតុ៕ ចង់ជ្រាបច្បាស់សូមអានសេចក្ដីប្រកាសខាងក្រោម៖
ភ្នំពេញ ៖ កាលពីប៉ុន្មានម៉ោងមុននេះ នៅលើទំព័រហ្វេសប៊ុកយុវជនសម្រាមបានបង្ហោះដំណឹងមួយដ៏សែនរំភើបត្រេកអរ ស្របពេលដែលអភិបាលនៃគណៈអភិបាលរាជធានីភ្នំពេញ ឯកឧត្ដម ឃួង ស្រេង បានមានប្រសាសន៍ប្រកាសគាំទ្រផ្នែកច្បាប់ ព្រមទាំងជួយឧត្ថម្ភគ្រឿងបរិភោគដូចជាអង្ករ និងកញ្ចប់ថវិកា ខណៈក្រុមយុវជនគំរូនេះក៏បានបោះគោលជំហរ សន្យាមិនខ្ជះខ្ជាយ និងដឹកនាំសម្រេចនូវគ្រប់ភារកិច្ចទាំងឡាយ ដើម្បីសង្គមជាតិផងដែរ។ ដោយសំណេរយុវជនសម្រាម រួមជាមួយរូបភាពរៀបរាប់យ៉ាងដូច្នេះថា «លោកអភិបាល នៃគណៈអភិបាលរាជធានីភ្នំពេញ លោកពូ ឃួង ស្រេង បានយល់ព្រមអោយយុវជនយើងរួមដៃសហការគ្នាជាមួយលោកអភិបាលខណ្ឌចំការមន ថេង សុថុល ធ្វើអោយខណ្ឌចំការមនក្លាយជាខណ្ឌគំរូ»។ លើសពីនេះប្រភពដដែលក៏បន្តទៀតថា «ក្រៅពីគាំទ្រផ្នែកច្បាប់ ឯកឧត្តមបានមានប្រសាសន៍ថា នឹងជួយឧត្ថម្ភ អង្ករ និង កញ្ចប់ថវិកាសំរាប់ធ្វើបេសកកម្ម និង យុទ្ធនាការផ្សេងៗ សូមអរគុណដល់ លោកអភិបាលរាជធានី ដែលបានគាំទ្រសកម្មភាពក្រុមយើង យើងខ្ញុំសន្យាថានឹង...
បាត់ដំបង ៖ ផ្ទុះការភ្ញាក់ផ្ញើលអស់ប្រជាពលរដ្ឋភូមិដងទង់ ឃុំផ្លូវមាស ស្រុករតនមណ្ឌល វេលាម៉ោង៨ព្រឹកថ្ងៃទី១៧ ខែតុលា ឆ្នាំ២០១៩នេះ ស្របពេលដែលប្រទះឃើញសាកសពស្អុយរលួយមើលសឹងមិនស្គាល់ ដែលជនសង្ស័យវាយឱ្យសន្លប់ រួចដឹកយកថ្លុងចោលនៅក្បាលស្ពានដងទង់ ទាំងដៃជាប់ខ្នោះចងស្លាបសេកព័ទ្ធមកក្រោយយ៉ាងអាណោចអាធ័ម ហើយត្រូវបានគេដាក់ការសង្ស័យថា ជាករណីឃាតកម្ម។ ប្រភពបឋមពីមន្ត្រីមូលដ្ឋានបានឱ្យដឹងថា សាកសពបុរសនោះ ទំនងត្រូវគេសម្លាប់ ឬវាយសន្លប់នៅកន្លែងដទៃ រួចដឹកយកមកទម្លាក់ចោល ក្នុងសភាពក្រពាត់ស្លាបសេកមកក្រោយ និងដេកស្លាប់ផ្កាប់មុខ ហើយថែមទាំងត្រូវគេដុតឆេះខ្លោចខ្មៅដូចធ្យូង តែអាចនៅពិនិត្យមើលស្គាល់ ដែលមានបន្សល់ទុកប៉ែលចូកដីមួយនៅក្បែរសព ទំនងអាចជារបស់ក្រុមជនដៃដល់ តែនៅមិនទាន់ដឹងច្បាស់នៅឡើយ។ មិនតែប៉ុណ្ណោះ មហាជនកំពុងតែងឿងឆ្ងល់ដែរថា ចំពោះខ្នោះដៃនេះ គេសង្កេតឃើញមានប្រើប្រាស់ សម្រាប់តែសមត្ថកិច្ច ឬសន្តិសុខឯកជនប៉ុណ្ណោះ តែពេលនេះជនរងគ្រោះដែលស្លាប់បែរជាមានជាប់ខ្នោះដៃ ហើយតាមការសន្និដ្ឋានបឋម សមត្ថកិច្ចសង្ស័យថា ជនរងគ្រោះខាងលើ គឺជាជនជាតិចិន ដែលបច្ចុប្បន្ន កម្លាំងកំពុងធ្វើការស្រាវជ្រាវស៊ើបបន្ត...
ភ្នំពេញ ៖ នារីរូបស្រស់ម្នាក់សម្រស់សខ្ចី ថែមសិចស៊ីចង្ការស្រួច បានស្រែកទាំងកណ្ដាលអធ្រាត្រវេលាម៉ោងជិត១២ ថ្ងៃទី១៦ ជិតឈានចូលថ្ងៃទី១៧ ខែតុលា ឆ្នាំ២០១៩ ស្ថិតនៅម្ដុំសំណង់១២ ក្នុងសង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ ដោយបានជួបឧបទ្ទវហេតុគ្រោះថ្នាក់ចរាចរណ៍ជាមួយ និងម៉ូតូកង់បី ដែលបណ្ដាលខូចខាត ហើយថែមទាំងត្រូវជនឆ្លៀតឱកាសស្រវាប្រាក់ដាក់ក្នុងឡានជាង១០០០ដុល្លារ ទៅបាត់ស្រមោលគ្មានដំណឹង។ ប្រភពបានឱ្យដឹងថា ខណៈដែលស្រីល្អសខ្ចីរូបនេះ ជួបគ្រោះថ្នាក់ចរាចរណ៍ ថយទៅប៉ះម៉ូតូកង់បី រងការខូចខាត រួចចុះពីលើរថយន្តធ្វើការសម្របសម្រួលភ្លេចបិទកញ្ចក់ឡាន ក៏ត្រូវបានជនឆ្លៀតឱកាសមិនស្គាល់មុខ មកលួចយកកាបូប និងទូរស័ព្ទអស់សរុបប៉ុន្មានជាង១០០០ដុល្លារ រួចរត់គេចខ្លួនបាត់តែម្ដង។ រំពេចនោះ ស្រីសល្អឯកស្រែកគ្រវីក្បាល ថាមិនដាក់ពាក្យបណ្ដឹងនោះទេ ដោយនិយាយគ្មានសង្ឃឹមបានប្រាក់ និងរបស់របរដែលបាត់មកវិញឡើយ ហាក់គ្មានលើសមត្ថកិច្ច និងអាជ្ញាធរមូលដ្ឋានសូម្បីប៉ុនក្រចក៕
ព្រះសីហនុ៖ ក្រោយពីមានករណីដ៏ចម្លែកប្លែកស្ទើរតែពុំធ្លាប់មានពីមុន ដោយមានជនជាតិចិនចំនួន២ក្រុមបានដេញវាយគ្នាផ្អើលអ្នកធ្វើដំណើរលើដងផ្លូវក្នុងទឹកដីក្រុងកំពង់សោម កាលពីពេលថ្មីៗកន្លងទៅនេះ ដោយឡែកមុននេះបន្តិចមានទំព័រហ្វេសប៊ុកមួយឈ្មោះ ប្រជាជន ខេត្តព្រះសីហនុ បានបង្ហោះបង្ហាញត្រដាងរឿងពិត ដែលឈានដល់ការដេញប្រហារគ្នាដូចគោដោយឈ្មោលយ៉ាងដូច្នេះ ព្រមទាំងបានព្រលះចាស់ដៃជនដែលបំប៉ោងពត៌មាន លើសលួសហួសប្រមាណផងដែរ។ ដោយប្រភពបានរៀបរាប់ភ្ជាប់ទាំងរូបភាពមកថា «សូមមេត្តាបញ្ឈប់ការសរសេរបំប៉ោងព័ត៌មាន បង្កឱ្យមានការយល់ច្រលំតទៅទៀត មិនចំណេញអីទេ ឈប់ទៅអស់លោក ហើយករណីហិង្សាពិតជាមាន តែមិនដល់ថ្នាក់បើកឆាកប្រយុទ្ធទេ ដែលករណីចិនវ៉ៃគ្នា គឺកើតឡើងដោយសារការស្ទះចរាចរ ហើយភាគីអ្នកបើកឡានស្តារិច បើកបរដោយបុគ្គលិកកាស៊ីណូ «វ៉ាងឆាវ» បានបើកឡានស្តារិច រុលទៅមុខពេលផ្លូវកំពុងស្ទះក៏បានជ្រុលទៅប៉ះឡានហាយឡេនឌ័ររបស់បុគ្គលិកកាស៊ីណូ«ជីងប៉ី» បណ្តាលឲ្យរបកថ្នាំបន្តិចបន្តួច បន្ទាប់មកភាគីម្ចាស់ឡានទាំងពីរ ក៏បើកកញ្ចក់ឡានស្រែកដាក់គ្នាទៅវិញទៅមក ក៏បង្កឲ្យមានហឹង្សាដេញវ៉ៃតប់គ្នាទៅវិញទៅមក ហើយករណីនេះ សមត្ថកិច្ចរបស់យើងក៏បានចាត់វិធានការ និងដោះស្រាយសម្របសម្រួលរួចរាល់»៕
សៀមរាប ៖ ព្រះសង្ឃគង់នៅវត្ត «ប្រាសាទាអធ្វារ» ត្រូវបានមហាជនរិះគន់ ព្រមទាំងបានកងកម្លាំងសមត្ថកិច្ចចុះទៅបង្ក្រាប និងរឹបអូសដល់ទីអារាម ក្រោយពីបានកាប់រលំដើមឈើ ច្រៀក នៅក្នុងបរិវេណវត្ត ទាំងកណ្ដាលយប់ វេលាម៉ោង១០និង៣០នាទីយប់ថ្ងៃទី១៥ ខែតុលា ឆ្នាំ២០១៩នេះ ដែលស្ថិតនៅភូមិក្រសាំងរលីង សង្កាត់សៀមរាប ខេត្តសៀមរាប ដោយមិនបានប្រាប់ឬជូនដំណឹងទៅអាជ្ញាធរមូលដ្ឋាន និងស្ថាប័នពាក់ព័ន្ធ។ យ៉ាងណាក្ដី មន្ត្រីពាក់ព័ន្ធក៏បានឱ្យដឹងដែតរថា ករណីនេះបានបន្តទៅជួបព្រះសង្ឃព្រះនាម ភ្លឿន រ័ត្ន ព្រះគ្រូសូត្រស្តាំ ព្រះអង្គបានបំភ្លឺថា «កាប់រលំដើមឈើ បានប្រព្រឹត្តដោយព្រះសង្ឃពិតមែន ដើម្បីយកឈើមកកសាងកុដិ និងរោងដាំបាយ ហើយដើមឈើកាប់រួចមាន ០១ដើម ហើយមិនបាន យកមកធ្វើអាជីវកម្ម ដូចការចុះផ្សាយ ក្នុងបណ្តាញសង្គម Facebook នោះទេ ដោយដើមឈើនេះ កាប់បានរយៈពេល១សប្តាហ៍ហើយ»។ ជាមួយគ្នានោះ ក្រុមការងារចម្រុះពិនិត្យ និងបានជម្រាបជូនព្រះសង្ឃ គណៈកម្មការវត្ត នៅពេលកាប់រលំដើមឈើ នាពេលក្រោយៗទៀត ត្រូវដាក់ពាក្យស្នើសុំទៅអង្គភាពពាក់ព័ន្ធ ឲ្យបានត្រឹមត្រូវជាមុន...
ភ្នំពេញ ៖ បុរសម្នាក់ត្រូវបានពលរដ្ឋប្រទះឃើញដេកស្លាប់កណ្ដាលផ្លូវនៅភូមិខ្វិត សង្កាត់សាក់សំពៅ ខណ្ឌដង្កោ រាជធានីភ្នំពេញ ទាំងគ្មានសំលៀកបំពាក់ ខណៈខំប្រឹងឆ្លៀតពីការ ងារពេលថ្ងៃមករត់ម៉ូតូឌុបពេលយប់ ដើម្បីសន្សំលុយត្រៀមសម្រាប់ប្រពន្ធសម្រាលកូន ដែលកំពុងតែពពោះចំនួន៧ខែ តែអកុលសក៏ត្រូវចោរប្លន់រួចសម្លាប់ កាលពីយប់ថ្ងៃទី១៥ ខែតុលា ឆ្នាំ២០១៩នេះ។ ប្រភពបានឱ្យដឹងថា ជនរងគ្រោះឈ្មោះ មែក ភីម អាយុ២៨ឆ្នាំ មុខរបរជាងឈើ និងជាងកញ្ចក់ ស្នាក់នៅម្តុំផ្សារស៊ិនជូរីសង្កាត់កាកាបទី១ ខណ្ឌពោធិសែនជ័យ មានស្រុកកំណើតនៅភូមិសំភ្លី ឃុំព្រៃខ្លា ស្រុកកោះអណ្តែត ខេត្តតាកែវ។ ដោយនៅវេលាម៉ោងប្រហែល១០យប់ ថ្ងៃទី១៥ ខែតុលា ឆ្នាំ២០១៩មានឮសំលេងជនរងគ្រោះស្រែកជួយផងៗជាច្រើនដង តែដោយសារយប់ស្ងាត់ពេក ម្យ៉ាងតំបន់នេះដាច់ស្រយាលពីផ្ទះអ្នកភូមិផងនោះ ទើបគ្មាននរណាចេញមកជួយធ្វើឲ្យជនសង្ស័យមានឱកាសវាយសម្លាប់ជនរងគ្រោះប្លន់យកម៉ូតូបានសម្រេច ហើយជិះគេចខ្លួនបាត់ដោយសុវត្ថិភាព។ តាមសំដីសាច់ញាតិជនរងគ្រោះបានរៀបរាប់ទាំងខ្លោចចិត្ត ស្ទើរទប់ទឹកភ្នែកមិនបានថា ជនរងគ្រោះនិងប្រពន្ធចេញពីស្រុកកំណើតមកប្រកបមុខរបរជាជាងឈើនិងជាងកញ្ចក់...