ប្លែកៗ

ព្រៃវែង៖ ក្រោយនាយ វីតាមីនសេ លាចាកលោកទៅកាន់លោកខាងមុខធ្វើឲ្យប្រពន្ធកូនមានក្តីសោកសង្រែងឥតឧបមា នឹកស្រណោះអាឡោះអាល័យជារៀងរាល់ថ្ងៃ ជាពិសេសនាង ប៉េង ប៉ោង ជាកូនស្រីច្បង។ ដោយឡែកសម្រាប់ថ្ងៃនេះផងដែរ តារាកំប្លែងកូនស្រីនាយ វីតាមីនសេ រូបនេះក៏បង្ហាញភាពកតញ្ញូចំពោះឪពុកដោយបានទៅធ្វើបុណ្យដាក់បាទឧទ្ទិសកុសលផលបុណ្យដល់វិញ្ញាណក្ខន្ធឪពុកផងដែរ។ ជាក់ស្ដែងនៅលើបណ្ដាញសង្គមហ្វេសប៊ុករបស់តារារូបនេះបានបង្ហោះរូប រួមទាំងសារថា«ថ្ងៃនេះកូនបានយកចង្ហាន់មកប្រគេនព្រះសង្ឃ៣៩អង្គគង់នៅវត្តគោខ្ចកស្រុកកំពង់ត្របែកខេត្តព្រៃវែងដើម្បីឧុទិសជូនដល់ដួងវិញ្ញាណក្ខន្ធលោកប៉ាម៉ៅសាមឿន(វិតាមីនសេ)កូនសូមអោយលោកប៉ាទៅកាន់ទីបរមសុខណាលោកប៉ាណា»។ ជាមួយគ្នានោះក៏មានបណ្ដាអ្នកគាំទ្រដែលស្រលាញ់ចូលចិត្តនាយ វីតាមីនសេ ក៏បានចូលរួមគោរពផងដែរដោយលើកឡើងថា«សាធុៗៗៗល្អណាស់បងប្អូនចូលរួមឧទ្ទិសមហាកុសលនេះជូនទៅគាត់ផងដែរសូមឲ្យគាត់បានទទួលទាននេះផងសាធុៗៗៗ»។

ភ្នំពេញ៖ តារាចម្រៀងស្រីល្បីឈ្មោះក្នុងស្រទាប់មិត្តយុវវ័យ មាស សុខសោភា បានបង្ហោះរូបសិចស៊ីប៉ុន្មានសន្លឹកលើ​បណ្តាញសង្គមអ៊ីនស្ត្រាក្រាម ធ្វើឲ្យអ្នកគាំទ្រលាន់មាត់គ្រប់គ្នាថា «រាងស្អាតណាស់»។ ទន្ទឹមនោះតារាចម្រៀងរូបនេះបានបង្ហាញចំណាប់អារម្មណ៍ក្នុងសំណេរថា «ថ្ងៃអាទិត្យជាថ្ងៃសប្បាយ! តោះបងប្អូនរីករាយថៃចុងសប្តាហ៍ទាំងអស់គ្នា»។ រូបភាពដែលលេចភាពសិចស៊ីនោះ មាស សុខសោភា គ្រងឈុតហែលទឹកពណ៌ខ្មៅ ដែលបានបង្ហាញរាងស្រឡូន ដ៏មានមន្តស្នេហ៍អមជាមួយវែនតាពណ៌ខ្មៅផងដែរ។ យ៉ាងណាមិញ រូបសិចស៊ីរបស់នាងម្តងនេះ ហាក់មិនមានអ្នកណាខមមិនរិះគន់ឡើយ ក្រៅតែពីពាក្យសរសើរនោះ នេះក៏ប្រហែលជាមហាជនគ្រប់មជ្ឈដ្ឋានគិតថាជារឿងធម្មតាទៅហើយ ព្រោះថានេះមិនមែនជាលើកទី១ទេ ដែលតារាចម្រៀងរូបនេះ លេចភាពសិចស៊ីជាសារធារណៈនោះ។ ...

ភ្នំពេញ៖ តារាសម្តែង វ៉ាន់ វលក្ខណ៍ ដែលអ្នកសិល្បៈស្គាល់ជាតារានិយមតែងខ្លួនសិចសុីបានធ្វើពិធីខួបកំណើតកាលពីយប់មិញក្រោមវត្តមានតារាល្បីៗមួយចំនួនយ៉ាងច្រើនកកកុញនាភោជនីយដ្ឋានវីហ្វ្រេនកោះពេជ្រ។វ៉ាន់ វក្ខណ៍ត្រូវបានផលិតករទាក់ទងហៅសម្តែងតាមលក្ខណៈតួរបៀបកាចឆ្នាស់ដែលស្ទីលសម្តែងបែបនេះត្រូវនិងចំណូលចិត្តសាមីខ្លួនណាស់។ ក្នុងឈុតសំលៀកបំពាក់រូបសអមជាមួយមកុដខាងលើកាលពីយប់មិញនេះបានធ្វើអោយវ៉ាន់ វក្ខណ៍ទទួលបានការចាប់អារម្មណ៍ពីសំណាក់ភ្ញៀវកិត្តិយសពិសេសតារាមកចូលរួមជូនពរជ័យថ្ងៃកំណើតវ័យ២៣ឆ្នាំរបស់នាង។វ៉ាន់ វលក្ខណ៍បានអោយដឹងថារយៈពេលចូលវាយលុកក្នុងសិល្បៈជាង៥ឆ្នាំទើបតែជាង១ឆ្នាំនេះកេរ្តីឈ្មោះក្នុងអាជីពសិល្បៈរបស់នាងហាក់ហក់ឡើងមានការចាប់អារម្មណ៍ច្រើនពីផលិតករតាមផលិតកម្មនានា។នេះដោយសារតែនាងធ្លាប់បង្ហាញស្នាដៃជាតួរបៀបកាយសម្លក់សម្លឹងតាមសាច់រឿងទើបក្លាយជាការចាប់អារម្មណ៍។ វលក្ខណ៍ លើកឡើងទៀតថាបើតាមចំណង់ចំណូលចិត្តរបស់នាងគឺចង់ថតសម្តែងតែតួកាចមានតែមលើតួស្លូតព្រោះសុីនិងចរិកនៅខាងក្រៅរបស់នាងបើអោយដើរតួកម្សត់ត្អូញត្អែរដូចជាពិបាកតែម្តង។សម្រាប់ការងារឆ្នាំថ្មីនាងក៍មានសមិទ្ឋិផលច្រើនជាបន្តទៀតសម្រាប់បង្ហាញទស្សនិកជនគ្រាន់តែមិនទាន់ចង់បង្ហាញថាអ្វីពិតប្រាកដមានតែលាក់សិន។ចំពោះខួបកំណើតទើបតែរៀបចំធ្វើបែបរបៀបធំដុំលើកទី១ដើម្បីកាន់តែបង្ហាញអោយគេមើលឃើញពីការបោះជំហ៊ានសិល្បៈរបស់នាងជាបន្តទៀត។

ភ្នំពេញ៖ នៅព្រឹកនេះដែរគ្រួសារអតីតពិធីករដ៏ឆ្នើមលោក អ៊ិត សេដ្ឋា ត្រូវបានយកចិត្តទុកដាក់ពីសំណាកមិត្តភក្រ និងបងប្អូនអ្នករួមការងាររបស់ក្រុមហ៊ុនស៊ីប៊ីអេស តាំងពីពិធីបុណ្យសព រហូតដល់ក្រុមការងាររៃថវិកាពីបងប្អូនសប្បុជនបានច្រើន មានលទ្ធភាពទិញផ្ទះមួយជុងឲ្យកូនៗ និងម្តាយជរា ដែលផ្ទះថ្មីនោះបានធ្វើពិធីឡើងកាលពីប៉ុន្មានខែមុននេះ។ ជាក់ស្ដែងនៅលើបណ្ដាញសង្គមរបស់ពិធីកររូបសង្ហាលោក សាយ រតនៈក៏បង្ហាញពីការយកចិត្តដាក់ទៀតដោយបានសាងសង់នូវចេតិយមួយរួចរាល់ ថែមទាំងដង្ហែធាតុលោក អ៊ិត សេដ្ឋា និងអ្នកមានគុណរបស់គាត់ទៅតម្លល់នៅទីនោះងដែរ។ដោយលោក សាយ រតនៈ ជាមនុស្សម្នាក់ដែលសកម្មក្នុងការងារនេះក៏បានរៀបឲ្យដឹងថា«ពិធីឡើងគេហដ្ឋានថ្មីបងប្រុស អ៊ិត សេដ្ឋា..!បង្សុកូលឧទ្ទិសមគ្គផលជូលដល់វិញាណក្ខន្ធបងប្រុស អ៊ិត សេដ្ឋា...

ភ្នំពេញ៖ នៅយុគ្គសម័យថ្មី ស.វ ទី២១នេះ មានជំនួញស្ទើរតែគ្រប់ប្រភេទបានប្រតិបត្តិការលើប្រព័ន្ធអនឡាញ សូម្បីតែពេលថ្មីៗនេះ មានស្ថាប័នផ្តល់ប្រាក់កម្ចីមួយចំនួន បានឲ្យលុយប្រជាពលរដ្ឋខ្ចីតាមរយៈអនឡាញ និងទូរស័ព្ទ ដែលបញ្ហានេះត្រូវធនាគារជាតិនៃកម្ពុជា ប្រាប់ថា «ក្រុមហ៊ុនកម្ចីទាំងនោះ គ្មានការអនុញ្ញាត»។ លោក គិត សុវណ្ណារិទ្ធ អគ្គនាយករងត្រួតពិនិត្យ ធនាគារជាតិនៃកម្ពុជា បានអះអាងថា «ការផ្តល់ឥណទានទាំងនោះ មិនស្របតាមច្បាប់ឡើយ ​ដូច្នេះប្រសិនបើមានបញ្ហាអ្វីដែលកើតឡើងជាយថាហេតុ យើងនឹងពិបាកក្នុងការជួយអន្តរាគមន៍ ដោយក្រុមហ៊ុនទាំងនោះមិនមានច្បាប់អនុញ្ញាត និងគ្មានទីតាំងច្បាស់លាស់»។ អាស្រ័យដូចជម្រាបជូនខាងលើ សូមបងប្អូនប្រជាពលរដ្ឋទាំងអស់បង្កើនការប្រុងប្រយ័ត្នខ្ពស់...

ភ្នំពេញ៖ បច្ចុប្បន្នពិធីការិនីចាស់វស្សា អ្នកនាង យុគ ចិន្តា នៅតែរក្សាប្រជាប្រិយភាពខ្លាំងជាមួយការតុបតែងខ្លួនហាក់មានសម្រស់កាន់តែស្រស់ស្អាតមិនចាញ់ក្មេងៗជំនាន់ក្រោយនោះទេ។ ជាមួយនឹងរូបរាងដ៏ស្រស់ស្អាត ឃើញហើយគួរឲ្យច្រណែននេះស្រាប់តែក្នុងបណ្តាញសង្គម របស់តារាស្រីរូបនេះ ក៏បានបង្ហោះរូបភាពជាច្រើនសន្លឹក ឲ្យឃើញពីរូបសម្រស់នាង ពេលបានស្លៀកសម្លៀកបំពាក់ហូលផាមួងខ្មែរ ដែលឈរចាយរាង យ៉ាងទន់ភ្លន់ ស្រស់ស្អាត គួរឲ្យគយគន់ មិនចេះជិនណាយឡើយ។ ជាមួយគ្នានោះក៏ធ្វើឲ្យអ្នកគាំទ្រជាច្រើន បានសរសើរ ដល់រូបសម្រស់របស់អ្នកនាងថា«ពិតជាស្រស់ស្អាតណាស់ជាពិសេស ពេលតុបតែងបែបនេះ កាន់តែស្អាតប្លែក និងថ្លៃថ្លូរសមជានារីខ្មែរពិតៗតែម្ដង» ៕