ភ្នំពេញ៖ ពិធីការិនី និងតារាសម្តែង អ្នកនាង សុខ សុម៉ាវត្តី ក្រោយពីចាប់ដៃគូរសម្តែងជាមួយ លោក លី វ៉ាហេដ ដែលជាកីឡាករបាល់ទាត់ជម្រើសជាតិ ក្នុងក្លិបបឹងកេត ក្នុងខែ្សភាពយន្តរឿង « ខូចចិត្តអាជីព» របស់ផលិតកម្មរ៉ុករួចមក គេសង្កេតឃើញថា តារាសម្តែង និងកីឡាកររូបនេះតែងតែបង្ហោះរូបជាមួយគ្នាយ៉ាងផ្អែមល្ហែម។

ក៏មានការកត់សម្គាល់ពីមហាជនជាច្រើនផងដែរថា ពេលដែលលោក លី វ៉ាហេដ មានការប្រកកួតម្តងៗនាង សុខ សុម៉ាវត្តី តែងតែទៅលើកទឹកចិត្តដល់កីឡាកររូបនេះ និងទៅណាមកណាជាមួយគ្នារហូត ទើបធ្វើឲ្យមានការសង្ស័យសំណាក់អ្នកគាំទ្រ ហើយគិតថាអ្នកទាំងពីមានទំនាក់ទំនងលើសពីមិត្តភត្តិ និងអ្នករួមការងារ។

ខណៈដែលថ្មីៗនេះដែរ អ្នកនាង សុខ សុម៉ាវត្តី ក៏បានបង្ហោះរូបផ្អែមល្ហែមជាមួយនឹងលោក លី វ៉ាហេដ ដោយមានរំលេចសារមួយយ៉ាងខ្លីថា« ស្ដាយរូបថតចង់1លានឆ្នាំហើយទើបបើកមើលឃើញ post លេងទៅខ្លាច fans ភ្លេចមុខ សៀមរាបចប់ការងារហើយជួបគ្នាថ្ងៃស្អែកអ្នក រតនគីរី»។