មហាជន ជាពិសេសអ្នកគាំទ្រកម្ពុជាបានបង្ហាញការសោកស្ដាយចំពោះលទ្ធផលរបស់កញ្ញា ចន សុទីម៉ា ខណៈបវរកញ្ញាចក្រវាឡតំណាងកម្ពុជាទៅប្រកួតនៅប្រទេសអេសាវាឌ័ររូបនេះមិនបានចូលក្នុង Top ណាមួយនៃកម្មពិធី Miss Universe ឡើយ ។
បើទោះជាយ៉ាងណាប្រជាជនកម្ពុជានៅតែគាំទ្រយ៉ាងពេញទំហឹងចំពោះកញ្ញា ចន សុទីម៉ា ដោយពួកគេបានលើកឡើងថា ចន សុទីម៉ា ធ្វើបានយ៉ាងល្អបំផុត និងជាបវរកញ្ញាចក្រវាឡកម្ពុជាដែលធ្វើឱ្យពិភពលោកស្គាល់ស្ត្រីកម្ពុជាកាន់តែច្បាស់ ។
បណ្ដាអ្នកគាំទ្រ បុគ្គលល្បីៗ និងសិល្បករបានលើកទឹកចិត្ត និងសំណូមពរឱ្យអ្នកគ្រប់គ្នាទទួលយកលទ្ធផលមួយនេះ កុំដាក់សម្ពាធ កុំបញ្ចេញមតិណាមួយដែលធ្វើឱ្យប៉ះពាល់ដល់ផ្លូវចិត្តរបស់នាង ព្រោះនារីកម្ពុជារូបនេះបានខិតខំប្រឹងប្រែងធ្វើអស់ពីសមត្ថភាពហើយ ។
កន្លងមកកញ្ញា ចន សុទីម៉ា ធ្លាប់បានបញ្ជាក់ជាច្រើនដងទៅកាន់អ្នកគាំទ្រថា ទោះបីជាលទ្ធផលបែបណាក៏នាងពេញចិត្តនឹងទទួលយកដោយគ្មានការសោកស្ដាយទេ ព្រោះនាងពិតជាខំប្រឹងអស់ពីសមត្ថភាព មិនថាការគោរពេលវេលា ការរៀបចំខ្លួន ការឆ្លើយសំណួរសម្ភាសន៍និងគ្រប់សកម្មភាពទាំងអស់ គឺសុទីម៉ា មិនដែលធ្វើឱ្យមានការស្ដាយមុខស្ដាយក្រោយឡើយ ។
សូមបញ្ជាក់ថា មកុដ Miss universe 2023 គឺបានទៅលើបវរកញ្ញាចក្រវាឡមកពីប្រទេសNicaragua ៕
