តារាចម្រៀងវ័យក្មេង កែវ ទិត្យផល្លី ដោយនាងមានសមត្ថភាពសិល្បៈ អាចច្រៀងរាំ និងសម្ដែងបានទៀតផង ។ ហើយបច្ចុប្បន្ន នាងកំពុងទទួលបានប្រជាប្រិយភាពខ្លាំង ជាពិសេសមានទទួលបានការងារច្រើនជាបន្តបន្ទាប់ ហើយនាងតូចរូបនេះ អាចចេះរកលុយតាំងពីតូច តាមរយៈការងារសិល្បៈផងដែរ ។
យ៉ាងណាមិញ បើទោះបីនាងទទួលការងារច្រៀង ឬសម្ដែង ហើយមានភាពមមាញឹកជាមួយការថតយ៉ាងណាក្ដី ក៏កុមារី កែវ ទិត្យផ្លីនៅតែបន្តខិតខំប្រឹងប្រែងរៀនសូត្រ មិនបោះបង់ការសិក្សាឡើយ។ ហើយគេដឹងថា នាងតូចរូបនេះឆ្លាត ហើយថែមទាំងរៀនពូកែទៀតផង។
នេះបើតាមការបញ្ជាក់ពី កែវ ទិត្យផល្លី ដែលបានបង្ហោះរូបភាពជាមួយមិត្តភ្តិរៀនជាមួយ និង បង្ហាញពីលទ្ធផលដែលពួកគេទទួលបានពីការខិតខំសិក្សា ។ ដោយ ក្នុងនោះ កែវ ទិត្យផល្លី ទទួលបានចំណាត់ថ្នាក់លេខ១ រីឯមិត្តភក្តិរបស់គេ ទទួលបានចំណាប់ថ្នាក់លេង៣ ប្រចាំឆ្នាំ ២០២៤ ។ មិនតែប៉ុណ្ណោះ យុវត្តី កែវ ទិត្យផល្លី ភ្ជាប់ជាមួយជាមសំណេរថា “ដើរជាមួយអ្នកខូច គឺខូច ដើរជាមួយអ្នករៀន គឺរៀន! មិត្តភាព 6 ឆ្នាំដឹកដៃគ្នាយក Top 3 ម្នាក់មួយលេខ ១ ម្នាក់មួយលេខ ៣” ។
សូមរំលឹកថា ៖ យុវតី កែវ ទិត្យផល្លី ជាអតីតបេក្ខភាព ប្រឡងចម្រៀងលំដាប់ពីភពលោក The Voce Kid Cambodia រដូវកាលទី២ ។ ដោតបច្ចុប្បន្ន នាងអាយុ ១៥ឆ្នាំ រៀនថ្នាក់ទី ១០ នៃសាលាវិទ្យាល័យ ព្រះស៊ីសុវត្ថ រាជធានីភ្នំពេញ ។ ជាញឹកញយយុវតី កែវ ទិត្យផល្លី តែងតែត្រូវបានលោកគ្រូអ្នកគ្រូក៏ដូចជាមិត្តរួមថ្នាក់ស្ងើចសរសើរមិនដាច់ពីមាត់សោះឡើយថា នាងរៀនពូកែ និងមានក្រមសីលធម៌ល្អ សុជីវធម៌ល្អ គួរឱ្យស្រលាញ់។
បើងាកមកការងារសិល្បៈ ទោះបីវ័យទើបតែ១៥ឆ្នាំក៏ពិតមែនប៉ុន្តែ យុវតីរូបនេះអាចទាញបាននូវប្រជាប្រិយភាពច្រើនពីសំណាក់មហាជនក៏ដូចជាអ្នកគាំទ្រ របស់នាង មិនចាញ់តារាចម្រៀងធំៗល្បីៗលំដាប់ប្រទេសឡើយ ។ ដោយ ជារើយៗគេសង្កេតឃើញ តារាចម្រៀងវ័យក្មេងរូបនេះមិនដែលបាត់មុខសោះឡើយនៅតាមកម្មវិធីកញ្ជក់ទូរទស្សន៍ និងតាមការប្រគំតន្ត្រីផ្សេងៗ ហេតុថាអ្នកដឹកនាំក៏ដូចជាអ្នកផលិតកម្មវិធីផ្ទាល់ស្រលាញ់ពេញចិត្តទៅនឹងយុវតីរូបនេះជាខ្លាំង ទាំងសម្ដី កិរិយាមាយាទពិតជាល្អ សមជានារីខ្មែរផងដែរ ៕
