MV ថ្មីរបស់កំពូលតារាចម្រៀង ខេមរៈ សិរីមន្ដ បានកំពុងតែទទួលបានការចាប់អារម្មណ៍ និងការគាំទ្រខ្លាំងពីសំណាក់អ្នកគាំទ្រ បើទោះបីជាបទចម្រៀងនេះទើបតែបញ្ចេញ Teaser ខ្លីត្រឹមតែប៉ុន្មាននាទីក៏ដោយ ។
ពិតណាស់ដូចដែលប្រិយមិត្តបានដឹងហើយមួយរយៈពេលចុងក្រោយនេះ កំពូលតារាចម្រៀង ខេមរៈ សិរិមន្ត បានចេញនូវបទចម្រៀងថ្មីជាបន្តបន្ទាប់នៅក្នុងផលិតកម្មហ្គាឡាក់ស៊ីណាវ៉ាត្រា ដើម្បីទាញប្រជាប្រិយភាព និងការគាំទ្រពីសំណាក់មហាជន និងយុវវ័យ ។ ជាពិសេសរាល់ បទចម្រៀងថ្មីៗកន្លងមកតាមការកត់សម្គាល់គឺបានផ្ទុះនូវការគាំទ្រផង និងការរិះគន់ផងពីសំណាក់មហាជនពោលគឺចាប់តាំងពីការចេញបទ «CALL ME PAPA» បទ «អូនរាំអែន» និងបទ “ឆ្នាំនឹងសប្បាយខ្លាំង” ជាដើម ។
បទចម្រៀងភាគច្រើនរបស់លិកសុទ្ធតែទទួលបានការគាំទ្រ ប៉ុន្តែអ្នកគាំទ្រភាគច្រើនចង់ឃើញលោកបង្ហាញស្នាដៃថ្មីតែស្ទីលចាស់ដូចកាលពីមុន ។
យ៉ាងណាក្រោយមានសូមណុំពរជាច្រើនហូរហែក្នុងរយៈពេលចុងក្រោយ ពេលនេះនេះ កំពូលតារាចម្រៀង ខេមរៈ សិរីមន្ត បានធ្វើឱ្យមហាជនអ្នកគាំទ្រហាក់ផ្ទុះចាប់អារម្មណ៍ជាថ្មី ក្រោយបញ្ចេញនូវ Teaser MV ថ្មីបទ “ដាច់ឆ្នាំថ្មីសល់អ្វីខ្លះ” ដែលជាច្រៀងបែបស្ទីលរបស់លោកពីមុន ពីរោះ និងមានអត្ថន័យខ្លាំង ។ តាមរយៈ MV បទ“ដាច់ឆ្នាំថ្មីសល់អ្វីខ្លះ” របស់ឧកញ៉ា ខេមរៈ សិរីមន្ត គឺបង្ហាញពីជីវិតតស៊ូរបស់អ្នកធ្វើការប្រមូលសំរាម ។
ក្រោយពីបានឃើញ Teaser MV ចម្រៀងខ្លីមួយរបស់កំពូលតារាចម្រៀង ខេមរៈ សិរីមន្ត មិនទាន់ចេញជាផ្លូវការស្រួលបួលផងស្រប់តែ មហាជនអ្នកលេងបណ្ដាញសង្គម ជាពិសេសអ្នកគាំទ្ររបស់ ឧកញ៉ា ខេមរៈ សិរីមន្ត ផ្ទុះការចែករំលែក និង បញ្ចេញមតិសរសើរពេញចិត្តខ្លាំង ច្រៀងមួយបទនេះ ទាំងអត្ថន័យ និង MV បង្ហាញពីការ តស៊ូរបស់អ្នកធ្វើការប្រមូលសំរាម ។ ដោយឃើញអ្នកគាំទ្រភាគច្រើនលើកឡើងស្រដៀងៗគ្នាថា «Idol ពីមុនត្រលប់មកវិញជាដើម» រីឯអ្នកខ្លះទៀតក៏បានបញ្ជាញមតិថា ទាល់តែ IDOL ចេញបទមកបែបកម្សត់ និង រោករាកអញ្ចឹង បានFan ពេញចិត្តជាដើម។
ដោយឡែកស្រពពេលឃើញសន្ទុះការគាំទ្រខ្លាំង ចំពោះMVបទ “ដាច់ឆ្នាំថ្មីសល់អ្វីខ្លះ” ច្រើនបែបនេះ ឧកញ៉ា ខេមរៈ សិរីមន្ត ក៏បានបង្ហាញអារម្មណ៍ផ្ទាស់ខ្លួន” អរគុណបងប្អូនពូមីងទាំងអស់គ្នាដែលតែងតែគាំទ្រខ្ញុំបាទតាំងពីដើមរហូតមកខ្ញុំនឹងខិតខំស្វែងរកអ្វីថ្មីៗដើម្បីជូនដល់ពូមីងបងប្អូនកំសាន្តអារម្មណ៍បន្តទៀតដោយក្តីស្រលាញ់នឹងគោរពបំផុត” ៕