ពីមួយថ្ងៃទៅមួយថ្ងៃ កុយ អេនណា កាន់តែបង្ហាញភាពលេចធ្លោរបស់ខ្លួន និងកំពុងក្លាយជាគ្រាប់ពេជ្រក្នុងចិត្តអ្នកគាំទ្រ កាន់តែស្រលាញ់ចូលចិត្តរូបនាងកាន់តែខ្លាំង ខណៈដែលមួយរយៈពេលចុងក្រោយនេះ គេតែងឃើញ កញ្ញា កុយ អេនណា បង្ហាញនូវ concept ថ្មីប្លែកៗពាក់ព័ន្ធជាមួយវប្បធម៌ វិស័យទេសចរណ៍ និងបរិស្ថានជាដើម ។
សកម្មភាពទាំងនេះរបស់ កញ្ញា កុយ អេនណា ទទួលបានការសាទរយ៉ាងច្រើន ពីមហាជននៅលើបណ្ដាញសង្គម ដែលពួកគេយល់ថាជាសកម្មភាពគំរូក្នុងនាមជាសិល្បករម្នាក់ ។ ហើយនេះក៏មិនមែនជាលើកទីមួយទេ ពោលកន្លងមក កញ្ញា កុយ អេណា ក៏បានចូលរួមផ្សព្វផ្សាយពីបញ្ហារសំរាមក្នុងប្រទេសកម្ពុជា ជាហូរហែរួចមកហើយ ។
ជាការកត់សម្គាល់ គេឃើញថាតារាម៉ូដែល កុយ អេនណា ក៏ធ្លាប់ទទួលបានការសាទរ និងគាំទ្រយ៉ាងច្រើនផងដែរ មហាជននៅលើបណ្ដាញសង្គម ក្នុងពេលដែលនាងបានចូលរួមផ្សព្វផ្សាយពីបរិស្ថាន និង តំបន់ទេសចរណ៍ជាច្រើននៅក្នុងប្រទេសកម្ពុជា ដែលសកម្មភាពទាំងនេះត្រូវបានគេចាត់ទុកជាគំរូមួយសម្រាប់អ្នកសិល្បៈ ។
លើសពីនេះ អ្វីដែលកាន់តែចាប់អារម្មណ៍ និង គួរឱ្យសរសើរខ្លាំងចំពោះ កញ្ញា កុយ អេនណា ដែលគេសង្កេតឃើញថារាល់សកម្មភាព ក៏ដូចជារូបភាពថ្មីៗជាច្រើនដែលនាងបានថតបង្ហាញពីកន្លែងមួយទៅកន្លែង ឃើញថាសុទ្ធសឹងតែរំលេចនូវគំនិតអប់រំជាច្រើន ដែលនាងបង្ហាញពីគោលបំណងចង់ចូលរួមជាចំណែកមួយជួយផ្សព្វផ្សាយពីវប្បធម៌ និង វិស័យទេសចរណ៍ជាតិផងដែរ ៕