ដោយទ្រាំមើលនិងភ្នែកមិនបាន ភរិយាយកំពូលតារាចម្រៀង ព្រាប សុវត្ថិ បានជួយថវិការផ្ទាល់ខ្លួនមួយចំនួនដល់បុរសពិការមួយចំហៀងខ្លួនម្នាក់ ដែលត្រូវចិញ្ចឹមកូន២នាក់ បន្ទាប់ពីប្រពន្ធបោះបង់ចោល ។
តាមរយៈវីដេអូខ្លីនេះភរិយាកំពូលតារាចម្រៀង ព្រាប សុវត្ថិ បានផ្តល់វិការផ្ទាល់ខ្លួនមួយចំនួនដល់បុរសពិការម្នាក់ដែលរស់នៅខេត្ត មណ្ឌលគីរី ក្នុងពេលដែលភរិយាលោកទៅមើលដីនិងដើរកម្សាន្ត ។
បើតាមប្រភពព័ត៌មានមួយបានបង្ហើបប្រាប់ថា នៅពេលដែលភរិយាលោក ព្រាប សុវត្ថិ បានជួបបុរសពិការនោះ ឃើញគាត់ជួបនូវការលំបាកខ្លាំងពេកក៏កើតចិត្តអាណិត និងផ្តល់ថវិកាផ្ទាល់ខ្លួនមួយចំនួនទុកជួយសម្រួលជីវភាពរបស់បុរសកម្សត់ និងកូនៗ ។
ប្រភពព័ត៌មាននោះបានបន្តទៀតថា បុរសពិការម្នាក់នោះបានជួបនូវបញ្ហាក្នុងគ្រួសារត្រូវភរិយាបោះបង់ចោល បន្ទាប់ពីគាត់ជួបគ្រោះថ្នាក់ចរាចររហូតពិការមួយចំហៀងខ្លួន ហើយត្រូវមើលថែទាំងកូនទាំង២ក្នុងបន្ទុកទៀត ។ ពេលនេះបុរសពិការនោះក៏មានបញ្ហាសតិអារម្មណ៍ផងដែរ ។
https://www.facebook.com/reel/1115321656955783
នេះមិនមែនជាលើកទី១នោះទេ ដែលភរិយាកំពូលតារាចម្រៀង ព្រាប សុវត្ថិ តែងតែលេចមុខក្នុងការងារសប្បុរសធម៌ និងជួយដល់ជនដែលខ្វះខាត ។ ទង្វើរដ៏ល្អរបស់ភរិយាយកំពូលតារាចម្រៀង ព្រាប សុវត្ថិ បានធ្វើឱ្យមហាជន និង អ្នកគាំទ្រជាច្រើនសរសើរមិនដាច់ពីមាត់ ៕