អ្នកលេងបណ្តាញសង្គម ជាពិសេសអ្នកជិតស្និតក្រុមគ្រួសារ ស្រីនា ហាក់មានការតក់ស្លុត និងនឹកស្មានមិនដល់ ក្រោយអ្នកផលិតមាតិការូបនេះបានចេញវិដេអូមួយកាលពីយប់មិញថា ប្អូនដែលនៅក្នុងផ្ទៃរបស់ម្ដាយមិនបាននៅជាមួយម្ដាយទៀតឡើយ ។
ពិតណាស់កាលពីចុង២០២៤ កន្លងទៅនេះ ក្រុមគួ្រសារ Influencer ដ៏ល្បីឈ្មោះគឺ ស្រីនា និង ហេង វិសាល ម្នាក់ៗបានបង្ហាញអារម្មណ៍រំភើបរីករាយយ៉ាងខ្លាំង ដោយទទួលពួកគេកំពុងមានដំណឹងល្អ និងត្រៀមទទួលសមាជិតថ្មីម្នាក់ទៀត ពោលគឺអ្នកស្រី ម៉េង នី ម្ដាយបង្កើតរបស់ ស្រីនា មានផ្ទៃពោះកូនពៅម្នាក់ទៀត ។ ពេលនោះមិនត្រឹមតែក្រុមគ្រួសាររបស់ ស្រីនា ទេដែលរំភើបរីករាយ សូម្បីតែមហាជន និងសិល្បករល្បីៗជាច្រើនក៏បានបង្ហាញការសាទរព្រោងព្រាតផងដែរ ។
ប៉ុន្តែគួរឱ្យសោកស្ដាយដំណឹងល្អនេះរំលងមិនបានប៉ុន្មានផង ស្រាប់តែពេលនេះពួកគេបែរមកជួបរឿងដ៏សោកសៅទោវិញ ខណៈទារកដែលបានមកចាប់តំណើតក្នុងផ្ទៃរបស់អ្នកស្រី ម៉េងនី មិនអាចបន្តនៅក្នុងជាមួយអ្នកស្រីបន្តទៀតនោះទេ ។
តាមវីដេអូដែលស្រីនា នៅបណ្តាញសង្គមកាលពីល្ងាចថ្ងៃទី១៥ ខែមករា ឆ្នាំ២០២៥ ម្សិលមិញនេះ អ្នកនាង បាននិយាយទាំងអារម្មណ៍សោកសៅថា អ្នកនាងមានដំណឹង២ សម្រាប់ប្រាប់ទៅដល់បងប្អួន ។ ដោយដំណឹងទី១ ស្រីនា បាននិយាយថា មួយរយៈនេះគ្រប់គ្នាពិតជាបានដឹងហើយថា ម្តាយរបស់នាង បានមានទម្ងន់ ប៉ុន្តែឥឡូវ ម្តាយរបស់នាងកំពុងសម្រាកនៅមន្ទីពេទ្យ ។
ស្រីនា បន្តថា ប៉ុន្តែអ្វីដែលគួរឱ្យសោស្តាយ និងអកុសបំផុតនោះគឺកូននៅក្នុងផ្ទៃម្តាយរបស់នាង មិនបាននៅជាមួយពួកគេបន្តទៀតនោះទេ គឺដោយសាតែទារកនៅក្នុងផ្ទៃរបស់មិនមានការលូតលាស់ល្អ ។ ស្រីនា បន្តថា ដោយតែកន្លងមកនាងឃើញមានសារទរជាច្រើនមកកាន់ក្រុមគ្រួសាររបស់អ្នកនាង ដូច្នេះហើយសម្រេចជួនដំណឹងទៅកាន់មហាជនឱ្យបានដឹង ។
ដោយឡែកចំពោះរឿងទី២នោះ ស្រីនា គ្រាន់តែវង់ផ្តាំផ្ញើរទៅពុកម៉ែបងប្អួន ឱ្យថែទាំសុខភាពឱ្យបានល្អ ហើយរឿងនេះគឺជារឿងមួយយើងគ្រប់គ្នាមិនទទួលយកបាន អញ្ចឹងហើយមានតែរឹងមាំនិងបន្តដំណើរទៅមុនបន្តទៀត ។
ជាមួយគ្នានោះដែរ ម្តាយស្រីនា ក៏បាននិយាយផ្តាំផ្ញើរទៅកាន់អ្នកដែលព្រួយបារម្ភពីសុខភាពរបស់អ្នកស្រីថា នៅពេលនេះអ្នកស្រីមានសុខភាពល្អធម្មតានោះ គ្រាន់តែពេលនេះ អ្នកស្រីមានអារម្មណ៍ថាសោកស្តាយ និង ពិបាកទទួលយកបន្តិច ព្រោះអ្នកស្រីក៏មិនបានដឹងដែរថាមកជួបរឿងបែបនេះ ប៉ុន្តែអ្វីគ្រប់បែបយ៉ាងអ្នកស្រីត្រូវតែទទួលយក ។
បន្ទាប់ទទួលដំណឹងនេះ ធ្វើបានធ្វើមហាជនអ្នកលេងបណ្តាញសង្គមជាច្រើន បានបង្ហាញការសោកស្តាយ ចំពោះអ្នកស្រី ម៉េងនី និងក្រុមគ្រួសារ និង ជួនពរឱ្យអ្នកស្រី មានសុខភាព រឹងមាំ និង ឆាប់បំភ្លេចរឿងរ៉ាវដែលបានកើតនៅពេលនេះផងដែរ ។