Home អ្នកនិពន្ធ ប្រកាស​ដោយ Admin

Admin

440 ប្រកាស 0 យោបល់
ខេត្តកោះកុង ៖ ភ្ញាក់ផ្អើលយ៉ាងខ្លាំង កាលពីវេលាម៉ោងជិត៩យប់ ថ្ងៃទី០៤ ខែមិនា ឆ្នាំ២០២១នេះ មាន​ហេតុការណ៍ដ៏រន្ធត់មួយបានកើតឡើង ដោយយុវជនមួយក្រុមមានគ្នា៤នាក់ បានជិះម៉ូតូប្រដាប់ដោយដាវសាមូរៃ​ដេញកាប់ជនរងគ្រោះដូចរឿងកុន ដែលបណ្ដាលឱ្យជនរងគ្រោះដេកដួលនៅនឹងកន្លែង ។ តាមប្រភពពីគណនីហ្វេសប៊ុកឈ្មោះ Neth Meta បានបង្ហោះរៀបរាប់ឱ្យដឹងថា «អរគុណបងប៉ូលិសខលមិនបាន5នាទីផងចុះមកដល់កន្លែងកើតហេតុភ្លាម កូនគេកូនយើងឃើញហើយអាណិតណាស់ ។ នៅនឹងមុខផ្ទះ អរគុណសម្ថកិច្ចភូមិ4ធ្វើការលឿនឆាប់រហ័យទាន់ចិត្តប្រជាជន» ។ ដោយឡែកគណនីហ្វេសប៊ុកឈ្មោះ សុផាន់ណា ចូលចិត្តផុស ក៏បានបញ្ជាក់ដោយរូបភាពស្ដែងៗថា «សាហាវ ក្មេងឥលូវឈាមរាវ រឿងអីបន្តិចវ៉ៃកាប់ចាក់គ្នា គឺខ្លាំងរាងខ្លួន ចុងក្រោយអ្នកឈ្នះជាប់គុក អ្នកចាញ់ស្លាប់ អ្នកដែលឈឺចាប់ជាគេគឺឪពុកម្តាយទាំងពីរ ។ ហេតុការណ៍នេះកើតនៅភូមិ4រោងចក្រត្រីខខេត្តកោះកុង04/03/21» ៕  
រាជធានីភ្នំពេញ ៖ យោងតាមការបង្ហោះរបស់បញ្ជាការដ្ឋានកងរាជអាវុធហត្ថរាជធានីភ្នំពេញបានឱ្យដឹងថា បន្ទាប់ពីកម្លាំងកងរាជអាវុធហត្ថរាជធានីភ្នំពេញ ដឹកនាំដោយលោកឧត្តមសេនីយ៍ឯក រ័ត្ន ស្រ៊ាង ក្រោមការបញ្ជាផ្ទាល់ ពីលោកនាយឧត្តមសេនីយ៍ សៅ សុខា អគ្គមេបញ្ជាការរង កងយោធពលខេមរភូមិន្ទ មេបញ្ជាការ កងរាជអាវុធហត្ថ លើផ្ទៃប្រទេស បង្ក្រាបករណី ចូលជំរិតនិងប្លន់សម្លាប់ មិនបានសម្រេច កាលពីវេលាម៉ោងប្រមាណ១១ព្រឹកថ្ងៃទី០១ ខែមីនា ឆ្នាំ២០២១ នៅបុរីអង្គរភ្នំពេញរួចមក សមត្ថកិច្ចបានធ្វើការស្រាវជ្រាវបន្ត និងបានកំណត់អត្តសញ្ញាណក្រុមឧក្រិដ្ឋជនទាំង៤នាក់ដូចខាងក្រោម៖ ទី១. ឈ្មោះ អ៊ឹម សុវណ្ណរិទ្ធ ជាមេក្លោង កាន់កាំភ្លើង AK47 កើតថ្ងៃទី 28 ខែតុលា ឆ្នាំ1999 មានស្រុកកំណើតនៅ ស្រុកស្វាយប៉ោ ខេត្តបាត់ដំបង ទីលំនៅបច្ចុប្បន្ន ភូមិក្តីចាស់ សង្កាត់បាក់ខែង ខណ្ឌជ្រោយចង្វារ រាជធានីភ្នំពេញ និងបានជួលបន្ទប់មួយទុកចោល លេខ៣១៤ ផ្លូវលំ ភូមិបុរី១០០ខ្នង សង្កាត់ទឹកថ្លា...
រាជធានីភ្នំពេញ ៖ អ្នកលក់អនឡាញដ៏ល្បីល្បាញលោកស្រី ទ្រី ដាណា នៅរសៀលថ្ងៃទី០៣ ខែមីនា ឆ្នាំ២០​២១​នេះ បានបង្ហោះសាររំភើបក្រៃលែង និងមានមោទកភាពជាពន់ពេកចំពោះកងកម្លាំងរាជអាវុធហត្ថរាជធានីភ្នំពេញ បន្ទាប់ពីបានបញ្ចប់បេសកកម្មដោយជោគជ័យ លើករណីប្លន់ជំរិតទារប្រាក់១លាន់ដុល្លារនៅក្នុងបុរីអង្គរភ្នំពេញកាលពេលពីថ្មីៗនេះ ។ ជាមួយគ្នានោះដែរ អតីតអ្នកខោអាវតាមក្រោមឆ័ត្រ ហើយវិវត្តន៍ខ្លួនរហូតក្លាយជាអ្នកមានលុយវ៉ាល់លាន លោកស្រី ទ្រី ដាណា ក៏បានឧបត្ថម្ភទឹកប្រាក់ចំនួន២ម៉ឺនដុល្លារជូនចំពោះកងកម្លាំងអាវុធហត្ថរាជធានីភ្នំពេញ ដើម្បីចាត់ចែងប្រើប្រាស់តាមតម្រូវការផ្សេងៗចំពោះមុខ ។ ដោយនៅលើទំព័រហ្វេសប៊ុកផ្លូវការ លោកស្រី ទ្រី ដាណា បានឱ្យដឹងក្នុងសំណេរយ៉ាងដូច្នេះថា «រំភើបចិត្តចំពោះប្រតិបត្តិការកងរាជអាវុធហត្ថរាជធានីភ្នំពេញ ដែលបង្ក្រាបចោរប្លន់ទាន់ពេលវេលា នាងខ្ញុំ និងស្វាមី មានតែការលើកទឹកចិត្ត និងផ្ដល់កម្លាំងចិត្តបន្ថែម ជាមួយថវិកា ២ម៉ឺនដុល្លារ ដើម្បីចាត់ចែងប្រើប្រាស់ចំពោះតម្រូវការចំពោះមុខ ។ ពេលនេះពួកគាត់កំពុងមមាញឹកចុះការពារតាមមណ្ឌលចត្តាឡីស័ក និងកន្លែងព្យាបាលជំងឺកូវីដ១៩ ដូចនេះយើងត្រូវរួមសាមគ្គីគ្នា»...
បន្ទាយមានជ័យ ៖ កាលពីយប់ថ្ងៃទី២ ខែមីនា ឆ្នាំ២០២១ម្សិលមិញនេះ មានករណីភ្ញាក់ផ្អើលមួយបានកើតឡើង ដោយនារីរូបស្រស់ម្នាក់ឈ្មោះ ហួន ស្រី អាយុ២២ឆ្នាំ ជាបុគ្គលិកបម្រើការងារក្នុងកាស៊ីណូមួយ ម្តុំនាគទិព្វ II ផ្នែក SlotSuper Machine ត្រូវបានឃាតករអារកសម្លាប់នៅក្នុងបន្ទប់ជួលលេខ ៥ ជាន់ទី១ ស្ថិតក្នុងភូមិក្បាលស្ពាន១ ម្តុំគ្លីនិកនគររាជ្យ ក្នុងសង្កាត់ និង ក្រុងប៉ោយប៉ែត ខេត្តបន្ទាយមានជ័យ ។ តាមការបញ្ជាក់តាមទូរសព្ទពីសមត្ថកិច្ចនៃអធិការដ្ឋាននគរបាលក្រុងប៉ោយប៉ែត នៅព្រឹកថ្ងៃទី០៣ ខែមីនា ឆ្នាំ២០២១នេះ បានឱ្យដឹងថា ករណីខាងលើនេះបានកើតឡើងតាំងពេលព្រឹក ពោលគឺកំឡុងពេលប្រមាណជិត៨ព្រឹកថ្ងៃទី០២ ខែមីនា ដោយជនសង្ស័យគឺជាជនជាតិខ្មែរ និងជាអ្នកជួលបន្ទប់ក្បែរគ្នា ។ ជនសង្ស័យបានធ្វើសកម្មភាពស្របពេលដែលនារីរងគ្រោះនៅបន្ទប់ជួលតែម្នាក់ឯង ហើយបានចាក់សោរពីខាងក្រៅដើម្បីកុំឱ្យមានការសង្ស័យ ដោយដោះគ្រឿងអលង្ការនៅជាប់នឹងខ្លួននាងអស់ រួចរត់គេចខ្លួនតែម្តង ។
ខេត្តបន្ទាយមានជ័យ ៖ កាលពីវេលាម៉ោង៩ យប់ថ្ងៃទី០២ ខែមីនា ឆ្នាំ២០២១ ម្សិលមិញនេះ មាន​ហេតុ​ការណ៍ដ៏ភ្ញាក់ផ្អើលមួយបានកើតឡើង ដោយនារីរូបស្រស់ម្នាក់ត្រូវបានឃាតករអាករសម្លាប់យ៉ាងសាហាវព្រៃផ្សៃ នៅក្នុងបន្ទប់ជួលមួយកន្លែងក្បែរគ្លីនិកនគររាជ្យ ក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។ នារីរងគ្រោះមានឈ្មោះ ហួន ស្រី អាយុ២២ឆ្នាំ ជាបុគ្គលិកបំរើការងារក្នុងកាស៊ីណូមួយកន្លែង ម្ដុំនាគទិព្វ២ ផ្នែក SlotSuper Machine ។ តាមការបញ្ជាក់តាមទូរសព្ទពីសមត្ថកិច្ចនៃអធិការដ្ឋាននគរបាលក្រុងប៉ោយប៉ែត នៅព្រឹកថ្ងៃទី០៣ ខែមីនា ឆ្នាំ២០២១នេះ បានឱ្យដឹងថា ករណីខាងលើនេះបានកើតឡើងតាំងពេលព្រឹក ពោលគឺកំឡុងពេលប្រមាណជិត៨ព្រឹកថ្ងៃទី០២ ខែមីនា ដោយជនសង្ស័យគឺជាជនជាតិខ្មែរ និងជាអ្នកជួលបន្ទប់ក្បែរគ្នា ។ ជនសង្ស័យបានធ្វើសកម្មភាពស្របពេលដែលនារីរងគ្រោះនៅបន្ទប់ជួលតែម្នាក់ឯង ហើយបានចាក់សោរពីខាងក្រៅដើម្បីកុំឱ្យមានការសង្ស័យ និងរត់គេចខ្លួនតែម្ដង ។
រាជធានីភ្នំពេញ ៖ នៅវេលាម៉ោងប្រមាណ១១ព្រឹក ថ្ងៃទី០១ ខែមីនា ឆ្នាំ២០២១នេះ កម្លាំងកងរាជអាវុធហត្ថរាជធានីភ្នំពេញ ដឹកនាំបញ្ជាផ្ទាល់ដោយលោកឧត្តមសេនីយ៍ឯក រ័ត្ន ស្រ៊ាង មេបញ្ជាការ កងរាជអាវុធហត្ថរាជធានីភ្នំពេញ បានបើកប្រតិបត្តិការចុះបង្ក្រាបពួកក្រុមឧក្រិដ្ឋជន ក្នុងករណីប្លន់បាញ់សម្លាប់ និងចាប់ជំរិត ដែលមានទីតាំងក្នុងបុរីអង្គរភ្នំពេញ ស្ថិតនៅខណ្ឌសែនសុខ រាជធានីភ្នំពេញ ។ នៅពេលបើកប្រតិបត្តិការបង្ក្រាបនេះ ឧក្រិដ្ឋជនបានប្រើប្រាស់កាំភ្លើងវែង និងខ្លីជាច្រើនដើម បាញ់ស្រោចមកលើកម្លាំងកងរាជអាវុធហត្ថរាជធានីភ្នំពេញ ហើយភ្លាមនោះដោយប្រើប្រាស់សិទ្ធិការពារខ្លួន បាញ់ត្រឡប់ទៅវិញ បណ្ដាលឲ្យក្រុមជនល្មើសស្លាប់ចំនួន៤នាក់ នៅកន្លែងកើតហេតុ ៕
ខេត្តកណ្ដាល ៖ ម្សិលមិញនេះផ្ទុះការភ្ញាក់ផ្អើលយ៉ាងខ្លាំង ខណៈដែលតារាកំប្លែងជើងចាស់ នាយ ព្រីង សម្រេចចិត្តប្រកាសលក់ដី និងផ្ទះជាបន្ទាន់ ដោយសារខ្វះខាតខ្លាំង និងអស់លទ្ធភាពក្នុងការព្យាបាលជំងឺរបស់ភរិយាដែលកំពុងឈឺធ្ងន់ ។ នៅគណនីហ្វេសប៊ុកផ្ទាល់ខ្លួន តារាកំប្លែងដែលតែងបង្ករសំណើចដល់បងប្អូនទស្សនិកជនរូបនេះបានរៀបរាប់ភ្ជាប់ដោយភាពជាច្រើនសន្លឹកជាមួយថា «ខ្ញុំបាទនាយព្រីងសូមប្រកាស លក់ដី និងផ្ទះ ទំហំ ១០ម×២០ម ស្ថិតនៅភូមិព្រែករាំង១ សង្កាត់កំពង់សំណាញ់ ក្រុងតាខ្មៅ ខេត្តកណ្ដាល ដោយសារពេលនេះ ប្រពន្ធរបស់ខ្ញុំមានជម្ងឺធ្ងន់ដែលខ្វះខាតខ្លាំង ខ្ញុំគ្មានលទ្ធភាពទៀតទេ» ។ រំពេចបានឃើញការបង្ហោះយ៉ាងដូច្នោះ ក៏មានមតិជាច្រើនបានជូនពរដល់ភរិយារបស់តារាកំប្លែង នាយ ព្រីង ឱ្យឆាប់បានជាសះស្បើយពីជំងឺផងដែរ ៕   
រាជធានីភ្នំពេញ ៖ បន្ទាប់ពីមានការរិះគន់យ៉ាងចាស់ដៃ និងមានសំណើព្រោងព្រាតឱ្យអាជ្ញាធរមានវិធានការលើបុរសម្នាក់ដែលមានគណនី Tik Tok ឈ្មោះ ពូ ហុន ដែលបាននិពន្ធចម្រៀងច្រៀងសប្បាយទាញយកភាពល្បីល្បាញមិនខ្វល់ផលប៉ះពាល់សេចក្ដីថ្លៃថ្នូរសីលធម៌សង្គម និងកិតិ្តយសស្ត្រីខ្មែរនោះ ពេលនេះត្រូវបានសមត្ថកិច្ចហៅមកអប់រំហើយ ។   នេះយោងតាមការឱ្យដឹងពីក្រុមកាងារ​ប្រតិកម្មរហ័ស​នៃស្នងការដ្ឋាននគរ​បា​លខេត្ដកំព​ង់​ស្ពឺ​ កាលពីយប់ថ្ងៃទី២៣ ខែកុម្ភៈ ឆ្នាំ២០២១ ម្សិលមិញនេះ បានបញ្ជាក់តាមបណ្ដាញសង្គមយ៉ាងដូច្នេះថា «ក្រោយទទួលបាន​ការចង្អុល​ណែ​នាំ​ពី​លោកឧត្តម​សេ​នីយ៍​ទោ​ សម​ សាមួន​ ស្ន​ងការ​នគ​របាល​ខេត្ត​ ឱ្យ​​ស្រាវ​ជ្រាវ​គណ​នី​ tik tok ឈ្មោះ​ពូហុន​ ដែលបានច្រៀងចម្រៀង reb re​m​ix បទ​"ឆ្នាំ​ថ្មី​ ២០២១​ KD ឡើងថ្លៃ​" ធ្វើ​ឱ្យ​ប៉ះពាល់​ដល់កិត្តិយស​សេច​​ក្ដី​ថ្លៃថ្នូរ​សីលធម៌​សង្គម​​របស់​ខ្មែរ​យើង​ ពិសេសធ្វើឱ្យ​មហាជនអ្នកនិយមបណ្ដាញសង្គម​ធ្វើ​ការ​រិះគន់​យ៉ាង​ខ្លាំង​ និងសំណូមពរ​​ស្នើសុំ​ឱ្យ​សមត្ថកិច្ច​ចាត់វិ​ធានការ​ចំពោះ​បុ​គ្គល​ជាម្ចាស់​គណ​នី​តិកតុក​ ឈ្មោះ​ពូហុន​ នេះទៅតាម​ច្បាប់ ។
បរទេស ៖ នេះគឺរឿងមួយដែលអាណាព្យាបាលគ្រប់រូបមិនគួរមើលរំលង តែគួរប្រុងប្រយ័ត្នឱ្យបាន​ខ្ពស់​បំផុតពិសេសបងប្អូនដែលមានកូនតូចៗតែម្ដង ដោយថ្មីៗនេះមានការចែករំលែកយ៉ាងច្រើននៅលើ​បណ្ដាញ​​សង្គម បន្ទាប់ពីកុមារីម្នាក់បានឆក់ស្លាប់ភ្លាមៗនៅនឹងកន្លែង ក្រោយយកស្លាបព្រាបាយដោតចូលព្រីភ្លើង ។ នេះបើយោងតាមទំព័រហ្វេសប៊ុក Child Helpline Cambodia បានបង្ហោះកាលពីម្សិលមិញដោយបានរៀបរាប់ជាសំណេរដាស់តឿនថា «សារដាស់តឿន៖ សូមឪពុកម្តាយមានការប្រុងប្រយ័ត្នឱ្យមែនទែនចំពោះកូនៗ ជាពិសេសក្មេងរពឹស ដូចករណីនេះជាដើម គឺត្រូវឆក់ស្លាប់ដោយសារការយកស្លាបព្រាដោតចូលព្រីភ្លើង សូមចូលរួមរំលែកទុក្ខគ្រួសារនៃសពផង ប្រភព៖ បរទេស Supermom» ។ យ៉ាងណាបើទោះបីជាករណីនេះមិនមែនកើតឡើងនៅក្នុងប្រទេសកម្ពុជាក៏ដោយ តែជាសារដាស់តឿនដ៏សំខាន់មួយជួយក្រើនរំលឹកស្មារតី​អាណាព្យាបាលគ្រប់រូបកុំឱ្យមានការធ្វេសប្រហែស និងបង្កើនការប្រុងប្រយ័ត្នផងដែរ ៕
រាជធានីភ្នំពេញ ៖ ក្រសួងសុខាភិបាល និងសាលារាជធានីភ្នំពេញ បានអំពាវនាវឲ្យអ្នករត់ឡាន TAXI និងម៉ូតូកង់បី (PassApp) ដែលធ្លាប់បានដឹកភ្ញៀវនៅតាម ២៣ទីតាំង សូមទៅធ្វើតេស្តរកជំងឺកូវីដ១៩នៅស្តាតអូឡាំពិក នាវេលាម៉ោង ២រសៀលថ្ងៃទី២២ ខែកុម្ភៈ ឆ្នាំ២០២១នេះ ។ ក្រសួងសុខាភិបាល តាមរយៈសេចក្តីប្រកាសព័ត៌មានរបស់ខ្លួននៅថ្ងៃទី២២ ខែកុម្ភៈ ឆ្នាំ២០២១នេះ អំពាវនាវឲ្យអ្នកចេញចូលទីតាំង ដែលរកឃើញឆ្លងកូវីដ១៩ ចំនួន២៣កន្លែង និងអ្នកដឹងខ្លួនថា បានប៉ះពាល់ «ព្រឹត្តិការណ៍២០ កុម្ភៈ» ទៅធ្វើតេស្ត និងធ្វើចត្តាឡីស័កឲ្យបានត្រឹមត្រូវ ។ មន្រ្តីសាលារាជធានីភ្នំពេញ ក៏បានប្រាប់សារព័ត៌មានបន្ថែមលើការជូនដំណឹងរបស់ក្រសួងសុខាភិបាល បង្ហាញពីទីតាំងទាំង២៣ ដែលពាក់ព័ន្ធនឹងព្រឹត្តិការណ៍ «សហគមន៍២០កុម្ភៈ» នោះ ក្រសួង និងសាលារាជធានីភ្នំពេញ សូមអំពាវនាវដល់បងប្អូនរបស់យើងដែលរត់ឡានតាក់ស៊ី និងរត់ម៉ូតូកង់បីឥណ្ឌា (PassApp) ធ្លាប់ចេញ​ចូល និងធ្លាប់ដឹកភ្ញៀវចេញពីទីតាំងទាំង២៣នេះ សូមទៅយកសំណាកនៅកីឡដ្ឋានជាតិអូឡាំពិក នាវេលាម៉ោង ២រសៀលថ្ងៃទី២២ ខែកុម្ភៈនេះ ដើម្បីស្វែងរកជំងឺកូវីដ១៩ ។ ទីតាំងទាំង២៣ ដែលពាក់ព័ន្ធនឹងព្រឹត្តិការណ៍...