Home អ្នកនិពន្ធ ប្រកាស​ដោយ Admin

Admin

385 ប្រកាស 0 យោបល់
រាជធានីភ្នំពេញ ៖ ក្រសួងសុខាភិបាល នៅព្រឹកថ្ងៃទី២១ ខែមករា ឆ្នាំ២០២១នេះ បានចេញសេចក្តីប្រកាសព័ត៌មាន បញ្ជាក់ពីការរកឃើញអ្នកឆ្លងជំងឺកូវីដ១៩ថ្មី ចំនួន០៥នាក់ថែមទៀត ខណៈអ្នកជំងឺ០៤នាក់ ព្យាបាលជាសះស្បើយ និងត្រូវបានអនុញ្ញាតឲ្យចេញពីមន្ទីរពេទ្យ ។ អ្នកឆ្លងជំងឺកូវីដ១៩ ថ្មីទាំង០៥នាក់៖ ១៖ ស្ត្រីជនជាតិខ្មែរ អាយុ៤០ឆ្នាំ មានអាសយដ្ឋានស្នាក់នៅភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ បានធ្វើដំណើរមកពីប្រទេសថៃ មកដល់កម្ពុជានៅថ្ងៃទី០៦ ខែមករា ឆ្នាំ ២០២១ ។ ២៖ ស្ត្រីជនជាតិខ្មែរ អាយុ ៣៦ឆ្នាំ មានអាសយដ្ឋានស្នាក់នៅភូមិក្បាលស្ពាន២ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ បានធ្វើដំណើរមកពីប្រទេសថៃ មកដល់កម្ពុជានៅថ្ងៃទី០៦ ខែមករា ឆ្នាំ ២០២១ ។ ៣៖ ស្ត្រីជនជាតិខ្មែរ អាយុ៤០ឆ្នាំ...
រាជធានីភ្នំពេញ ៖ ប្រិយមិត្តប្រហែលនៅចាំមិនទាន់ភ្លេចឡើយ ពីខ្សែភាពយន្ដខ្មែរដែលល្បីកក្រើកកាលពីជាង១០ឆ្នាំមុនរឿង «មរណមាតា» ដែលមានតួឯកស្រីមហាកម្សត់អ្នកនាង លី ចាន់សីហា និង ឡោម លក្ខិណា ជាតួឆ្នាសដែលកាលណោះមិនថាចាស់ក្មេងពេលបានទស្សនាច្បាស់មិនអាចទប់អារម្មណ៍ខ្សឹកខ្សួលអួលដើមកហូរទឹកនេត្រា និងភ័យបុកពោះព្រោះតែខ្សែជីវិតដ៏មហាកម្សត់នៃសាច់រឿង ។ ដោយឡែកក្រឡេកមកមើលពីជីវិតរស់នៅបច្ចុប្បន្នវិញតួស្រីពីរដួងពោរពេញដោយសមត្ថភាពខាងលើ បានកំពុងតែទទួលបានភាពជោគជ័យក្នុងអាជីពសិល្បៈ និងមុខជំនួញ ខណៈសម្រស់ទៀតសោតតួឯក លី ចាន់សីហា និង ឡោម លក្ខិណា ប្រែប្រួលខ្លាំងស្ទើរនឹកស្មានមិនដល់ធ្វើឱ្យមហាផ្ទុះការសរសើរផងដែរ ។ តែយ៉ាងណាបច្ចុប្បន្នអ្នកនាង លី ចាន់សីហា ក៏ត្រូវបានជាប់ស្ពាយឈ្មោះជាអ្នកមេម៉ាយកូនមួយ រីឯ ឡោម លក្ខិណា ទើបភ្ជាប់ពាក្យជាមួយគូស្នេហ៍ថ្មីក្រោយស្វាមីទទួលមរណភាពជាងមួយឆ្នាំ ៕
រាជធានីភ្នំពេញ ៖ នៅព្រឹកថ្ងៃទី២០ ខែមករា ឆ្នាំ២០២១នេះ ឯកឧត្តម ហ៊ឺ វីរៈ រដ្ឋលេខាធិការក្រសួងវប្បធម៌ និងវិចិត្រសិល្បៈ តំណាងដ៏ខ្ពង់ខ្ពស់លោកជំទាវ ភឿង សក្កណា រដ្ឋមន្ត្រីក្រសួងវប្បធម៌ និងវិចិត្រសិល្បៈ និងលោកស្រី ចន ច័ន្ទលក្ខិណា ប្រធានសមាគមសិល្បករខ្មែរ បានចែកអំណោយ "មូលនិធិសិល្បៈចាស់ជរា" ជូនសិល្បករសិល្បការិនី ដែលមានអាយុចាប់ពី ៦០ឆ្នាំឡើងទៅ ដែលបាត់បង់ចំណូលអំឡុងពេលជំងឺកូវីដ-19 ចំនួន ១០០នាក់ ដែល សុទ្ធតែជួបការខ្វះខាតក្នុងជីវភាពប្រចាំថ្ងៃ។ ក្នុងនោះមួយគ្រួសារទទួលបានអង្ករ ១បាវ មី ១កេស ទឹកស៊ីអ៊ីវ ១យួរ និងថវិកា ២០០,០០០រៀល។ សមាគមមិត្តសិល្បៈស្ម័គ្រចិត្តជួយសង្គមសូមគោរពថ្លែងអំណរ គុណដល់សប្បុរសជនទាំងអស់ដែលបានជួយឧបត្ថម្ភដល់ «មូលនិធិសិល្បករចាស់ជរា» ជាពិសេសសូមគោរពថ្លែងអំណរគុណដល់សម្តេចតេជោ ហ៊ុន សែន និង សម្តេច កិត្តិព្រឹទ្ធបណ្ឌិត ប៊ុន រ៉ានី...
រាជធានីភ្នំពេញ ៖ ក្រុមអ្នករត់ម៉ូតូឌុប និងអ្នករត់កង់បីចំនួន១៣នាក់ ត្រូវបានប្រជាការពារខណ្ឌដូនពេញឃាត់ខ្លួនយកមកអប់រំ បន្ទាប់ពីបន្ទោបង់តាមដើមឈើ ឬទីសាធារណៈ ដែលធ្វើឱ្យបាត់បង់សណ្ដាប់ធ្នាប់ និងបង្កឱ្យមានក្លិនឆ្អេះឆ្អាបទីសាធារណៈ ។ តាមការឱ្យដឹងលើទំព័រហ្វេសប៊ុក រដ្ឋបាលខណ្ឌដូនពេញ ដោយសំណេរយ៉ាងដូច្នេះថា៖ «ថ្ងៃអង្គារ ៦កើត ខែមាឃ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី១៩ ខែមករា ឆ្នាំ២០២១ លោក សុខ ពេញវុធ អភិបាល នៃគណៈ អភិបាលខណ្ឌដូនពេញ បានចាត់ឱ្យកម្លាំងប្រជាការពារខណ្ឌដូនពេញ បានបន្តចុះធ្វើសណ្ដាប់ធ្នាប់ក្នុងមូលដ្ឋានក៏បានជួបក្រុមម៉ូតូឌុប និងម៉ូតូកង់៣ចំនួន១៣នាក់ បានឈប់យាន្តជំនិះរបស់ខ្លួន ហើយទៅបន្ទោបង់នៅតាមដើមឈើ តាមសួនច្បារតាមទីសាធារណៈ ដែលធ្វើឲ្យបាត់បង់សណ្តាប់ធ្នាប់ របៀបរៀបរយ និងបង្កឱ្យមានក្លិនឆ្អេះឆ្អាប ដល់អ្នកធ្វើដំណើរ-ល- ភ្លាមៗនោះ កម្លាំងយើងក៏បានអញ្ជើញពួកគាត់មកធ្វើការអប់រំណែនាំ នៅសាលាខណ្ឌដូនពេញ និង បានឲ្យពួកគាត់ធ្វើការបាញ់លាងសំអាតកន្លែងដែលពួកគាត់បន្ទោបង់រួចទើបអនុញ្ញាតអោយពួកគាត់ត្រឡប់ទៅវិញ»។
រាជធានីភ្នំពេញ ៖ នៅព្រឹកថ្ងៃទី១៩ ខែមករា ឆ្នាំ២០២១នេះ ក្រសួងសុខាភិបាលកម្ពុជាបានចេញសេចក្តីជូនដំណឹងបញ្ជាក់ពីការរកឃើញអ្នកឆ្លងជំងឺកូវីដ១៩ ថ្មីចំនួន២នាក់ទៀត ខណៈអ្នកជាសះស្បើយមិនមានឡើយ ។ អ្នកឆ្លងកូវីដ១៩ ថ្មីទាំង២នាក់នោះរួមមាន៖ ១៖ កុមារាជនជាតិឥណ្ឌូណេស៊ី អាយុ១ឆ្នាំ ស្នាក់នៅខេត្តសៀមរាប ជាកូនប្រុសរបស់បុរសអាយុ៣៤ឆ្នាំ និងស្ត្រីអាយុ៣៣ឆ្នាំ ដែលវិជ្ជមានកូវីដ១៩ កាលពីថ្ងៃទី១៣ ខែមករា ឆ្នាំ២០២១ ជាអ្នកដំណើរមកពីប្រទេសឥណ្ឌូណេស៊ី បន្តជើងហោះហើរនៅប្រទេសសិង្ហបុរី មកដល់កម្ពុជា នៅថ្ងៃទី១២ ខែមករា ឆ្នាំ២០២១ ។ បច្ចុប្បន្នអ្នកជំងឺត្រូវបានដាក់ឲ្យសម្រាកព្យាបាល នៅមជ្ឈមណ្ឌលជាតិកម្ចាត់មេរោករបេង និងហង់សិន រាជធានីភ្នំពេញ ។ ២៖ ស្ត្រីជនជាតិខ្មែរ អាយុ៣១ឆ្នាំ ស្នាក់នៅភូមិគោរដ្ឋាន សង្កាត់អូរអំបិល ក្រុងសិរីសោភ័ណ្ឌ ខេត្តបន្ទាយមានជ័យ បានធ្វើដំណើរមកពីប្រទេសថៃ មកដល់កម្ពុជានៅថ្ងៃទី១៥ ខែមករា...
រាជធានីភ្នំពេញ ៖ មានការចាប់អារម្មណ៍ខ្លាំងនៅលើបណ្ដាញសង្គម ស្របពេលបានឃើញពីភាពប៉ិនប្រសព្វរបស់កូនស្រីអ្នកជំនួញវ័យក្មេងឧកញ៉ា ឡេង ណាវ៉ាត្រា ដែលមានអាយុទើបតែប៉ុន្មានឆ្នាំ ខណៈថ្មីៗកន្លងទៅនេះកូនស្រីម្ចាស់ផលិតកម្ម Galaxy Navatra អាចយកចម្រៀងដែលកំពុងល្បីល្បាញខ្លាំង «មនុស្សចាស់នឹកកូនក្មេង» របស់កញ្ញា តន ចាន់សីម៉ា មកធ្វើត្រាប់មិនចាញ់តួរកុនអាជីពឡើយ ។ យ៉ាងណាទន្ទឹមនឹងភាពប៉ិនប្រសព្វ និងភាពក្លាហានមោះមុតអាចសម្ដែងជូនបងប្អូនទស្សនាដោយគ្មានភាពអៀនខ្មាសនោះ កូនស្រីអតីតពលករកូរ៉េរូបនេះបានបង្ហាញពីសមត្ថភាព និងទេពកោសសល្យដែលស្ទើរនឹកស្មានមិនដល់ឈរថតសម្អាងការយ៉ាងស្រស់ស្អាត ជាមួយនឹងសំលៀកបំពាក់ប្រពៃណីខ្មែរក្នុងទឹកមុខញញឹមពព្រឹមធ្វើឱ្យផ្ទុះការសរសើរពេញបណ្ដាញសង្គមសាកសមជាកូនស្រីរបស់ម្ចាស់ផលិតកម្មកំពូលមែន៕
រាជធានីភ្នំពេញ ៖ តារាចម្រៀងប្រុសស្រស់សង្ហា និងជាម្ចាស់ពាន Cambodian Idol រដូវកាលទី១ នី រតនា នៅថ្ងៃទី១៨ ខែមករា ឆ្នាំ២០២១នេះ បានបង្ហោះរូបភាពជាច្រើនសន្លឹករំឭកអតីតកាលសែនមានន័យ និងជាថ្ងៃដែលមានក្ដីសុខខ្លាំងបំផុតក្នុងជីវិតពោលថ្ងៃនេះគឺថ្ងៃគម្រប់ខួបពីរឆ្នាំអាពិពាហ៍របស់ខ្លួន និងភរិយាអ្នកនាង ហេង ភក្ដិណា ។ អមជាមួយរូបភាពក្រាបផ្ទឹមញញឹមស្រស់ស្រាយនោះ ម្ចាស់បទ «កូនក្រមុំបងគ្រាន់តែជាមនុស្សធម្មតា» នី រតនា បានរៀបរាប់ជាសំណេរសែនចាក់ដោតទៅកាន់ភរិយាយ៉ាងដូច្នេះថា៖ «ការរៀបអាពាហ៍ពិពាហ៍គ្មានអ្វីអស្ចារ្យនោះទេ តែអ្វីដែលអស្ចារ្យនោះគឺការថែរក្សាចំណងអាពាហ៍ពិពាហ៍ឲ្យបានគង់វង្សស្ថិតស្ថេរ Happy 2 years anniversary my love រីករាយថ្ងៃខួបអាពាហ៍ពិពាហ៍គម្រប់២ឆ្នាំរបស់យើង ហើយក៏ជិតដល់ថ្ងៃខួបគម្រប់មួយឆ្នាំរបស់ព្រះនាងតូចដែលជាចំណងដៃដ៏មានន័យ និងមិនអាចកាត់ថ្លៃបានរបស់យើងដែរ អរគុណអូន និងកូនដែលចូលមកក្នុងជីវិតបង ហើយសាងគ្រួសារដ៏មានសុភមង្គលជាមួយគ្នា បងមានក្តីសុខខ្លាំងបំផុតដែលមានអូនជាភរិយា»។ ជាមួយគ្នានោះ ក៏មានការសាទរយ៉ាងច្រើនពីសំណាក់មហាជនដែលតែងតែស្រលាញ់សម្រាប់ការលើកឡើងបែបនេះ៕
រាជធានីភ្នំពេញ ៖ យោងតាមសេចក្ដីជូនដំណឹងរបស់ក្រសួងសុខាភិបាលនៅព្រឹកថ្ងៃទី១៨ ខែមករា ឆ្នាំ២០២១នេះ បានបញ្ជាក់ឲ្យដឹងថា មិនមានរកឃើញករណីឆ្លងជំងឺកូវីដ១៩ថ្មីនោះទេ ខណៈអ្នកជំងឺម្នាក់ជាសះស្បើយ ។ អ្នកជាសះស្បើយម្នាក់នេះ គឺជាស្ត្រីជនជាតិខ្មែរ អាយុ២៨ឆ្នាំ ស្នាក់នៅភូមិដំបូកខ្ពស់ ឃុំអូរដំបង២ ស្រុកសង្កែ ខេត្តបាត់ដំបង បានធ្វើដំណើរមកពីប្រទេសថៃ មកដល់កម្ពុជានៅថ្ងៃទី០៨ ខែមករា ឆ្នាំ២០២១ ត្រូវបានព្យាបាលជាសះស្បើយ ត្រូវបានអនុញ្ញាតឲ្យចេញពីមន្ទីរពេទ្យបង្អែក ខេត្តបន្ទាយមានជ័យ ។ សូមជម្រាបថា គិតត្រឹមម៉ោង៧៖០០នាទីព្រឹកថ្ងៃទី១៨ ខែមករា ឆ្នាំ២០២១នេះ កម្ពុជាបានរកឃើញអ្នកឆ្លងជំងឺកូវីដ១៩ សរុបចំនួន៤៣៩នាក់ ក្នុងនោះអ្នកព្យាបាលជាសះស្បើយចំនួន ៣៨៦ និងអ្នកកំពុងសម្រាកនៅមន្ទីរពេទ្យចំនួន ៥៣នាក់ ៕
រាជធានីភ្នំពេញ ៖ លោក មួន ម៉ារ៉ា អតីតតារាចម្រៀងដែលទទួលបានប្រជាប្រិយភាពខ្លាំង និងមានភាពល្បីល្បាញកាលពីជាង១០ឆ្នាំមុន ពោលគឺកំឡុងឆ្នាំ២០០២ ដែលគេស្គាល់តាមរយៈបទចម្រៀងជាច្រើន​​​​​​​​បទ ជាពិសេសស្នាដៃចម្រៀងចំនួនពីរដែលនៅតែដក់ជាប់ក្នុងអារម្មណ៍របស់ទស្សនិកជន គឺបទ «អូនទៅភ្នំពេញ» និងបទ «កាដូគ្មានន័យ» ដែលមកដល់ពេលនេះនៅតែមានការបង្ហោះជាច្រើននៅលើបណ្ដាញយូធូប ដោយមានអ្នកចូលទស្សនារាប់លាន់ដងថែមទៀតផង ។ តែយ៉ាងណាស្របពេលដែលកំពុងតែមានភាពល្បីល្បាញមានកេរ្ដិ៍ឈ្មោះបោះសម្លេងនោះ អតីតតារាចម្រៀងជើងចាស់រូបនេះនៅតែបន្តអាជីបរបស់ខ្លួន និងមានបទចម្រៀងចេញជាបន្តបន្ទាប់ ប៉ុន្តែ​លោក មួន ម៉ារ៉ា ក៏បានបាត់មុខសូន្យឈឹងពីសិល្បៈអស់រយៈពេលជាច្រើនឆ្នាំ រហូតមកដល់ដើមឆ្នាំ ២០​​១៨ លោកក៏បានបង្ហាញស្នាដៃនិពន្ធថ្មីមួយបទ ដែលមានចំណងជើងថា «លើកទូរស័ព្ទទៅអូន» ។ ស្នា​ដៃចុងក្រោយនេះក៏ទទួលបានការគាំទ្រច្រើនគួរសម ប៉ុន្តែបន្ទាប់ពីពេលនោះមកលោក មួន ម៉ារ៉ា ក៏បានស្ងាត់ដំណឹងពីសិល្បៈម្ដងទៀត ខណៈដែលមហាជនកំពុងទន្ទឹងរងចាំបទចម្រៀងថ្មីរបស់លោកផងដែរ ៕
ខេត្តកោះកុង ៖ ពលករខ្មែរធ្វើដំណើរមកពីប្រទេសថៃចំនួន២១នាក់ ត្រូវបានអនុញ្ញាតវិលត្រឡប់ទៅស្រុកកំណើតដើម្បីជួបជុំក្រុមគ្រួសារសាច់ញាតិ ក្រោយពីធ្វើចត្តាឡីស័កតាមការកំណត់ និងធ្វើតេស្តអវិជ្ជមានវីរុសកូវីដ១៩ ។ ការជូនដំណើរពលករទាំង២១នាក់នេះ ធ្វើឡើងក្រោមវត្តមានលោកស្រី មិថុនា ភូថង អភិបាលខេត្តកោះកុង លោក ឈេង សុវណ្ណដា អភិបាលក្រុងខេមរភូមិន្ទ មន្ត្រីមន្ទីរសុខាភិបាលខេត្ត នៅថ្ងៃទី១៧ ខែមករា ឆ្នាំ២០២១នេះ ។ លោកស្រី មិថុនា ភូថង បានថ្លែងឲ្យដឹងថា លោកស្រីមានសេចក្តីសោមនស្សរីករាយក្រៃលែង ដោយបានដឹងថាពលករចំនួន២១នាក់ ធ្វើតេស្តរយៈពេល១៤ថ្ងៃ ក្រោយពីទទួលលទ្ធផលអវិជ្ជមាន ពីមន្ទីរពិសោធន៍ក្រសួងសុខាភិបាល ហើយតម្រូវឲ្យបងប្អូនបានវិលត្រឡប់ ទៅស្រុកកំណើតវិញដោយសុវត្តិភាព ។ លោកស្រីណែនាំសូមបងប្អូនថែរក្សាសុខភាពដោយខ្លួនឯង និងត្រូវអនុវត្តន៍ទៅតាមការផ្សព្វផ្សាយ របស់រាជរដ្ឋាភិបាល ក្រសួងសុខាភិបាល ថែរក្សាអនាម័យបរិស្ថានជុំវិញខ្លួនឯង ហើយត្រូវអនុវត្តន៍ឲ្យបាននូវពាក្យ «៣ការពារ ៣កុំ»...