Home អ្នកនិពន្ធ ប្រកាស​ដោយ Admin

Admin

440 ប្រកាស 0 យោបល់
រាជធា​នីភ្នំពេញ៖ នៅព្រឹកថ្ងៃទី២២ ខែកុម្ភៈ ឆ្នាំ២០២១នេះ ក្រសួងសុខាភិបាលបានចេញសេចក្តីប្រ​កាស​ព័ត៌មានដោយបានរកឃើញអ្នកឆ្លងកូវីដ១៩ថ្មីចំនួន ៣៥នាក់ ក្នុងនោះមាន៣១នាក់ជាករណីឆ្លងចូលសហគមន៍ ដែលពាក់ព័ន្ធ «ព្រឹត្តិការណ៍សហគមន៍២០ កុម្ភៈ» និង៤នាក់ផ្សេងទៀតជាអ្នកដំណើរមកពីក្រៅប្រទេស ហើយក៏មានអ្នកជំងឺចំនួន២នាក់ត្រូវបានព្យាបាលសះស្បើយផងដែរ ។ ជាមួយគ្នានេះក្រសួងសុខាភិបាល បានអំពាវនាដល់អ្នកដែលពាក់ព័ន្ធ ធ្លាប់ចេញចូលទីតាំងចំនួន២៣ (មានក្នុងតារាង) ចាប់ពីថ្ងៃទី០៦ ដល់ ថ្ងៃទី២០ ខែកុម្ភៈ ឆ្នាំ២០២១ ឬបុគ្គលដែលពាក់ព័ន្ធព្រឹត្តិការណ៍ ឬដឹងខ្លួនថា ជាអ្នកប៉ះពាល់ជាមួយអ្នកជំងឺកូវីដ១៩ មានភាពស្មោះត្រង់ មិនលាក់លៀម និងស្ម័គ្រចិត្តមកធ្វើតេស្តរកកូវីដ១៩ នៅមណ្ឌលសុខភាពចាក់អង្រែ ហើយដាក់ខ្លួនឲ្យនៅដាច់ដោយឡែកពីក្រុមគ្រួ​សារ ធ្វើចត្តាឡីស័កចំនួន ១៤ថ្ងៃ នៅតាមផ្ទះរៀងៗខ្លួន ព្រមទាំងតាមដានសុខភាពជារៀងរាល់ថ្ងៃ ។ ប្រសិនមានអាការមិនស្រួលខ្លួន ដូចជាឡើងកំដៅខ្លួន ក្អក ផ្តាសាយ ឈឺបំពង់ក ឬពិបាកដកដង្ហើមជាដើម សូមហៅទៅលេខទូរស័ព្ទទាន់ហេតុការណ៍ ១១៥ ។ សូមជម្រាបថា គិតត្រឹមម៉ោងស៧៖០០នាទីព្រឹកថ្ងៃទី២២ ខែកុម្ភៈ ឆ្នាំ២០២១នេះ កម្ពុជារកឃើញអ្នកឆ្លងកូវីដ១៩ ថ្មីចំនួន៥៦៨នាក់ ក្នុងនោះអ្នកជាសះស្បើយចំនួន...
ខេត្តពោធិ៍សាត់ ៖ កាលពីវេលាម៉ោង៧និង៣០នាទីព្រឹក ថ្ងៃទី១២ ខែកុម្ភៈ ឆ្នាំ២០២១នេះ នៅចំណុចវត្តបាក់ចិញ្ចៀន ស្ថិតក្នុងភូមិបាក់ចិញ្ចៀន ឃុំបាក់ចិញ្ចៀន ស្រុកភ្នំក្រវាញ ខេត្តពោធិ៍សាត់ មានហេតុការណ៍​ដ៏ភ្ញាក់ផ្អើលមួយបានកើតឡើង ដោយព្រះសង្ឃចំនួន ៣អង្គ បានពុលឱសថបុរាណជា​បន្ត​បន្ទាប់គ្នា ក្រោយឆាន់ឱសថបុរាណនោះ ពីព្រះសង្ឃមួយអង្គគង់នៅវត្តពោធិ៍វិន័យស្រះខាងកើត ដែលនិមន្តមកបុណ្យផ្កានៅវត្តបាក់ចិញ្ចៀន ។ តាមការឱ្យដឹងពីគណៈកម្មការអាចារ្យវត្តបាក់ចិញ្ចៀន បានឱ្យដឹងនាល្ងាចនេះថា នៅព្រឹកមុនពេលកើតហេតុ មានព្រះសង្ឃមួយអង្គ ព្រះនាម សាន់ សារិទ្ធ ព្រះជន្ម ៦០ឆ្នាំ គង់នៅវត្ត ពោធិ៍វិន័យស្រះខាងកើត ក្នុងស្រុកព្រះនេត្រព្រះ ខេត្តបន្ទាយមានជ័យ បាននិមន្តមកបុណ្យផ្កានៅវត្តបាក់ចិញ្ចៀន ស្រុកភ្នំក្រវាញ ខេត្តពោធិ៍សាត់ ។ ដោយឃើញលោកគ្រូចៅអធិការវត្តបាក់ចិញ្ចៀន ព្រះនាម អៀម ឃន ព្រះជន្ម...
រាជធានីភ្នំពេញ ៖ អ្នកនាង ឌី សូនីតា តារាសម្ដែងល្បីឈ្មោះ នៅរសៀលថ្ងៃទី១២ ខែកុម្ភៈ ឆ្នាំ២០២១នេះ ដែលជាថ្ងៃចូលឆ្នាំប្រពៃណីចិនផងនោះ បានបង្ហោះរូបភាពជាច្រើនរួមកូនស្រីតុបតែងជាកូនចិនគ្រប់ឈុតឆាក ស្ងាបធ្លាក់ភ្នែក វៀចមុខវៀចមាត់ សើចកក្អាសក្អាយ ធ្វើឱ្យមហាជនខ្នាញ់គ្រប់គ្នា ។ ជាមួយរូបភាពសើចសប្បាយយ៉ាងមានក្ដីសុខជាមួយកូនស្រីនោះដែរ ឌី សូនីតា បានរាយរាប់សព្ទសូរជាសំណេរថា៖ «សំខាន់ម៉ែវាហ្នឹងមិនឱ្យកូនបានសំរាកម៉ង កូនស្ងាបផងធ្លាក់ភ្នែកផង ចេញអ្នកម្នាងលាន់ កុំជោមួយម៉ែកូន ចាប់កូនឯងថតគ្រប់ជំនាន់ ចូលឆ្នាំអីថតស្ទាយឆ្នាំហ្នឹង ហឹមមមម... ទាំងម៉ែទាំងកូនមិនដឹងចេញនាងត្រចៀកកាំ រឺនាងច្រចៀកកណ្តុរទេនែក» ៕  
រាជធានីភ្នំពេញ ៖ ស្របពេលដែលប្រជាពលរដ្ឋខ្មែរមានជាប់សែស្រឡាយចិន ក៏ដូចជាសិល្បករសិល្បៈការនីជាច្រើនក្នុងប្រទេសកម្ពុជាបាននាំគ្នាប្រារពពិធីសែនព្រេនយ៉ាងគគ្រឹកគគ្រេងក្នុងថ្ងៃចូលឆ្នាំប្រ​ពៃណីចិន និងវៀតណាម ដោយគ្រប់គ្នាបានបង្ហាញនូវអារម្មណ៍រីករាយជួបជុំគ្រួសារ និងបងប្អូនជូនពរសូមជោគសូមជ័យ តែតារាស្រីចំនួនពីររូប ពោលគឺអ្នកនាង ទឹម រដ្ឋា និង សូ ដានីតា បែរបង្ហាញនូវអារម្មណ៍ក្ដុកក្ដួលរៀបរាប់ស្ទើរអួលដើមក ព្រោះមិនមានវត្តម្ដាយ ។ ដោយម្សិលមិញនេះ នៅលើគណនីហ្វេសប៊ុក ទឹម រដ្ឋា បានបង្ហោះរូបភាពជាច្រើនសន្លឹកក្នុងថ្ងៃសិរីសួស្ដី ចូលឆ្នាំប្រពៃណីចិនជាមួយបងប្អូនជុំគ្រួសារដោយភ្ជាប់សំណេរយ៉ាងដូច្នេះថា៖ «Happy Chinese New Year ឆ្នាំនេះហ៊ុងស៊ុយពណ័លឿង ក៏ជាឆ្នាំដំបូង ហើយក៏ជារៀងរហូតរាល់ពេលចូលឆ្នាំចិន ដោយគ្មានម៉ាក់ Pan RaNy នៅមួយកូនៗនិងប៉ា តែកូនៗនិងគ្រួសារនៅតែចងចាំ អ្នកម្ដាយនៅក្នុងបេះដូងជារៀងរហូតដល់ថ្ងៃបញ្ចប់ នាងខ្ញុំនិងក្រុមគ្រសារ សូមជូនពរ ពុកម៉ែបងប្អូនប្រជាពរដ្ធខ្មែរមានសុខភាពល្អ រកស៊ីមានបាន និងជៀសឆ្ងាយពីជំងឺ COVID 19» ។
រាជធានីភ្នំពេញ ៖ នៅព្រឹកថ្ងៃទី១១ ខែកុម្ភៈ ឆ្នាំ២០២១ ដែលជាថ្ងៃចូលឆ្នាំចិន និងវៀតណាម សម្ដេចតេជោ ហ៊ុន សែន​ នាយករដ្ឋមន្រ្តី បានថ្លែងសារអបអរសាទរ និងជូនពរបងប្អូនជនរួមជាតិ ក៏ដូចជាការអំពាវនាវឱ្យមានការប្រុងប្រយ័ត្នចំពោះការចម្អិនម្ហូបអាហារ ដុតក្រដាស់សែន ធូប និងទៀន និងការធ្វេសប្រហែសផ្សេងៗ ដែលអាចបង្កឱ្យមានអគ្គីភ័យកើតឡើង ។ ថ្លែងសារនៅទំព័រហ្វេសប៊ុក សម្ដេចតេជោ ហ៊ុន សែន បានរៀបរាប់ដោយសំណេរយ៉ាងដូច្នេះថា៖ «ជូនពរថ្ងៃចូលឆ្នាំចិន Gong Xi Fa Cai 2021 ខ្ញុំ និងភរិយា សូមចូលរួមអបអរសាទរក្នុងថ្ងៃសែនចូលឆ្នាំចិនថ្ងៃនេះ។ សូមបងប្អូនមានការប្រុងប្រយ័ត្នខ្ពស់ ចំពោះការចម្អិនម្ហូបអាហារ ដុតក្រដាស់សែន ធូប និងទៀន… ដើម្បីចៀសវាងកុំឲ្យមានអគ្គីភ័យកើតឡើងដោយការធ្វេសប្រហែសណាមួយដែលធ្វើឲ្យរំខានក្នុងថ្ងៃចូលឆ្នាំ។ សូមចូលរួមទប់ស្កាត់ការពារការចម្លងជម្ងឺកូវីដ១៩ ទាំងអស់គ្នា តាមរយៈការអនុវត្តតាមការណែនាំរបស់ក្រសូងសុខាភិបាល ។ បន្ថែមពីនេះសម្ដេចបន្តថា ក្នុងថ្ងៃនេះក៏មានបងប្អូនមួយចំនួនធ្វើដំណើរទៅកាន់បណ្តាខេត្តផ្សេងៗផងដែរ...
រាជធានីភ្នំពេញ ៖ នៅព្រឹកថ្ងៃទី១០ ខែកុម្ភៈ ឆ្នាំ២០២១នេះ ក្រុមលក់ឡេល្បីឈ្មោះ អាជី ដែលសម្ដែងរឿង «ទុំទាវ២០២១» ធ្វើឱ្យប៉ះពាល់យ៉ាងធ្ងន់ធ្ងរដល់សីលធម៌សង្គម និងតម្លៃព្រះពុទ្ធសាសនា ពេលនេះបានចូលខ្លួនទៅដោះស្រាយតាមការកោះហៅរបស់ក្រសួងវប្បធម៌ និងវិចិត្រសិល្បៈហើយ ។ ដោយឡែកទន្ទឹមគ្នានេះ ក៏ស្រាប់តែលេចមុខបុរសម្នាក់ដែលជាម្ចាស់ទំព័រហ្វេសប៊ុកឈ្មោះ Tawan Jalerm official បានចេញមុខបួងសួងទេវតាឱ្យតាមថែរក្សាអាជីដែលកំពុងចូលខ្លួនដោះស្រាយនេះ ដោយសំណេរយ៉ាងមានន័យដូច្នេះថា «ថ្ងៃនេះថ្ងៃទី10ហើយ សូមទេវតា តាមថែរក្សា ក្មេងស្រីពូកែរកស៊ីទាំងពីរដែលធ្វើខុសចេះទទួលស្គាល់កំហុសនេះផង ទុកជាគំរូ ការរកស៊ី ដល់ស្រ្តីខ្មែរដ៏ទៃទៀត ត្រូវដឹងថាចាយលុយកំលាំងប្ដីមិនស្រួលទេ» ។ រំភេចភ្លាមនោះ មហាជនស្ទើមួយនគរបានសម្ដែងការមិនពេញចិត្ត និងរិះគន់យ៉ាងចាស់ដៃ ដោយអ្នកខ្លះបានលើកឡើងថាការធ្វើរបស់បុរសខាងលើនេះ គឺជាទង្វើអែមអបលើកជើងខុសទំនង ខណៈដែលលោកអាចារ្យធំក៏ទប់មិនជាប់ យកបង្ហោះលើទំព័រហ្វេសប៊ុកភ្ជាប់សំណេរជាសំណួរថា «គំរូដល់ស្ត្រីខ្មែរ?» ៕  
រាជធានីភ្នំពេញ ៖ បើទោះបីជាមានគ្រួសារ និងមានកូនប្រុសម្នាក់ដែលកំពុងតែចម្រើនវ័យបានជាងមួយខួបក៏ពិតមែន តែសម្រស់ដ៏ឆើតឆាយរបស់កំពូលតារាចម្រៀងស្រីនៃផលិតកម្មរស្មីហង្សមាសអ្នកនាង ឱក សុគន្ធកញ្ញា នៅតែស្រស់ស្អាតខ្លាំងមិនមានការថមថយ ឬបាក់សុ្រតសម្រស់ឡើយ ។    ជាក់ស្ដែងនៅរាត្រីថ្ងៃទី០៨ ខែកុម្ភៈ ឆ្នាំ២០២១ ម្សិលមិញ ឱក សុគន្ធកញ្ញា បានធ្វើឱ្យមហាជនអ្នកគាំទ្រ​ស្រឡាំងកាំងរកនឹកនិយាយពុំត្រូវ ក្រោយបង្ហោះរូបប៉ុន្មានសន្លឹកក្នុងឈុតពណ៌មាសវែងដល់ដី ទឹកមុខញញឹមប៉ព្រឹមក្នុងពិធី ។ រំភេចបានឃើញពីសម្រស់ភ្លាម ហ្វេនៗជាច្រើនបានលាន់មាត់សរសើរក្នុងប្រអប់មតិ ខណៈអ្នកខ្លះពោលចេញពីចិត្តថា ម៉ាំមី ឆលី ស្រស់ស្អាតជាងនៅក្រមុំទៀត ៕
រាជធានីភ្នំពេញ ៖ នៅព្រឹកស្អែកនេះ ពោលគឺថ្ងៃទី១០ ខែកុម្ភៈ​ ឆ្នាំ២០២១ វេលាម៉ោង១០ព្រឹក គឺជាពេល​វេលាដែលតួសម្ដែង​រឿង «ទុំទាវ២០២១» ទាំងអស់ នឹងត្រូវចូលខ្លួនបំភ្លឺនៅក្រសួងវប្បធម៌ បន្ទាប់ពីមានការិះគន់យ៉ាងចាស់ដៃពីសំណាក់មហាជនប្រជាពលរដ្ឋខ្មែរ ដោយហេតុថាប៉ះពាល់យ៉ាងធ្ងន់ធ្ងរដល់សីលធម៌សង្គម​ និងព្រះពុទ្ធសាសនា ។    យ៉ាងណាស្របពេលដែលមហាជនកំពុងតែទន្ទឹងរងចាំមើលពីវិធានការរបស់ក្រសួងនេះដែរ នៅព្រឹកថ្ងៃទី០៩ ខែកុម្ភៈ ឆ្នាំ២០២១នេះ​ លោក ហេង ឡុង ប្រធានសមាគមមិត្តសិល្បៈស្ម័គ្រចិត្តជួយសង្គម ក៏បានលើកឡើងដោយប្រកាន់ប្រកាន់ជំហរយ៉ាងមតុមាំថា៖ «សូមរង់ចាំមើលលទ្ធផលស្អែកម៉ោង 9:00ព្រឹក នៅក្រសួងវប្បធម៌! មិនសុំទោសហើយរួចខ្លួននោះទេ!» ។ គួរបព្ជាក់ថា រឿង «ទុំទាវ២០២១» ដែលមានឈុតឆាកមិនសរម្យ និងធ្វើឱ្យប៉ះពាល់យ៉ាងធ្ងន់ដល់សីលធម៌សង្គម និងព្រះពុទ្ធសាសនានេះ គឺនិពន្ធឡើង និងដឹកនាំសម្ដែងដោយអ្នកលក់ឡេល្បីឈ្មោះ AhGi Leader ផ្ទាល់តែម្ដង...
រាជធានីភ្នំពេញ ៖ លោក ហេង ឡុង ប្រធានសមាគមមិត្តសិល្បៈស្ម័គ្រជួយសង្គម នៅរសៀលថ្ងៃទី០៨ ខែកុម្ភៈ ឆ្នាំ២០២១នេះ បានបង្ហោះសំណេរខ្លីមួយស្នើដល់ក្រសួងពាក់ព័ន្ធទាំងអស់គួរចាត់វិធានការ និងបង្ក្រាបរាល់ការឡាយលក់ផលិតផលពង្រីកសុដន់តាមបណ្ដាញសង្គម ដែលធ្វើឱ្យប៉ះពាល់យ៉ាងធ្ងន់ធ្ងរដល់សីលធម៌សង្គម ពិសេសធ្វើឱ្យតម្លៃស្ត្រីខ្មែរធ្លាក់ចុះ ។ នៅលើទំព័រហ្វេសប៊ុកផ្លូវការលោក ហេង ឡុង បានរៀបរាប់ដោយសំណេរយ៉ាងដូច្នេះថា៖ «ការឡាយលក់ផលិតផលពង្រីកសុដន់តាមអនឡាញមួយចំនួន ធ្វើឲ្យប៉ះពាល់សីលធម៌សង្គម តម្លៃស្ត្រីធ្លាក់ចុះ សំណូមពរឲ្យក្រសួងពាក់ព័ន្ធចាត់វិធានការបង្ក្រាប» ។ ជាមួយការលើកឡើងរបស់លោក ហេង ឡុង ប្រធានសមាគមមិត្តសិល្បៈចិត្តជួយសង្គមនេះដែរ បងប្អូនប្រជាពលរដ្ឋជាច្រើនបានគាំទ្រ និងសូមឱ្យក្រសួងចាត់វិធានការឱ្យបានលឿនថែមទៀតផង ៕
រាជធានីភ្នំពេញ ៖ បើទោះជាបានបាត់មុខពីវិថីសិល្បៈអស់រយៈពេលជាច្រើនឆ្នាំ ដោយទៅរស់នៅក្រៅប្រទេសក៏ពិតមែនក្ដី តែកេរិ៍ឈ្មោះនិងខ្សែភាពយន្តរបស់លោក ស៊ុក សុភា ដែលសម្ដែងកន្លងមកនៅតែដក់ជាប់ក្នុងដួងចិត្តរបស់អ្នកគាំទ្រ ពិសេសគឺខ្សែភាពយន្ដខ្មែររឿង «ទុំទាវ» តែម្ដង ។ លោក ស៊ុក សុភា បានដើរចេញពីវិថីសិល្បៈដោយទៅរស់នៅក្រៅប្រទេស ពោលគឺប្រទេសអូស្ត្រាលី ដែលធ្វើឱ្យមហាជនមានការនឹករលឹកជាពន់ពេក ខណៈមកដលពេលនេះអ្នកខ្លះចង់ដឹងពីពេលវេលារនៃការវិលត្រឡប់មកលេងប្រទេសកម្ពុជា និងចង់ឱ្យលោកសម្ដែងរឿងជាថ្មីម្ដងទៀតថែម​ទៀតផង ។ តែយ៉ាងណាស្របពេលដែលមហាជនកំពុងមានចម្ងល់ និងចង់ឱ្យត្រឡប់មកលេងទឹកដីកំណើតនេះក៏មានការលើកឡើងថា លោក ស៊ុក សុភា មិនអាចមកលេងស្រុកខ្មែរបាន គឺដោយសាររវល់កិច្ចការងារផ្សេងៗ ខណៈ​ស្ថានការណ៍ជំងឺកូវីដ១៩កំពុងរាតត្បាតសកលក៏មិនទាន់មានភាពធូរស្រាលផងដែរ ។ តែសំណេរឆ្លងឆ្លើយជាមួយតារាសម្ដែង ជា សុវណ្ណនរាហ៍ អំពីការវិលត្រឡប់មកស្រុកខ្មែរវិញនេះ ក្នុងប្រ​អប់មតិដែលបង្ហោះរំ​លឹក​អតីតកាលជាង១០ឆ្នាំមុនជាតួឯកក្នុងរឿង «ទុំទាវ» លោក ស៊ុក សុភា បានបញ្ជាក់ពីមូលហេតុបែបលេងសើច​ថា៖ «ពុំទាន់ដឹងពេលណាបានទៅលេងទេ ​ បើទៅក៏ពុំមានពេលនៅបានយូរដែរ​ដោយ​សារមានភារកិច្ចត្រូវមើលកូនតូច» ៕